Urdu writer - Abdul Basit

[Shokh]

NET ke duniya bhi ajeeb hai.. rung rung kay loug bhaant bhaant ke boliyaan.. duniya kay charoon konoon say hazaar ha loug aik jagaah pay ikathay hotay hain.. sab apnay tae'een khud ko shehzada gulfaan aur qalo patra samajh rahay hotay hain... jab aik dojay say miltay hain tu tarhaan tarhaan ke kahaniyaan garhtay hain.. fasanay likhtay hain.. khawb buntay hain.. miltay hain.. aur phir bichar jaatay hain.. anjaam e kaar sab apnee apnee rah hoo laytay hain.. mein 1990s say internet ko istamaal kar raha hoon.. iss doraan hazaroon logoon say milnay ka ittefaq howa.. kuch bohat sheereen.. aur kuch bohat hee karway kaseelay... kuch aisay kay un ke pakeezgi daikh kay haya aa jaye aur kuch aisay kay un ka sochain tu karahat mehsoos hooti hai.. mein iss tehreer mein aisee hee chooti chooti kuch kahaniyaan bayaan karna chahoon ga.. yaqeenun yeah maira zaati tajurba hai.. aur mairee zaati raye hai..

mairee net say waqfiyaat mairee nokri ke zaroorat thi.. magar mujh ko net say mut'arif karwanay wali Amna theen.. mairee bohat hee payaree dost.. un say rishta daftaree tha.. magar woh mairee aik aisee dost hein... aik aisee shakhsiyaat hain.. jo mairay saath mairee tamaam umar rahain gi... kam say kam guzishta paanch saloon ke doori mein un say dilli rabat barha hee hai.. mairee chat ke duniya mein pehlee ID bhi un kee hee banaye hoi hai jo mein aaj tuk istamaal karta hoon.. magar aab woh sirf bohat hee makhsoosh logoon tuk mehdood hai.. aur waisay bhi aab mein chat bohat hee kam karta hoon.. khair sab say pehlay mein aamna ka taruf aap logoon kay sath share karta hoon.. aur phir koshish karoon ga kay go yeah aik Net Kahaani nahi hai.. kiyon kay yeah haqeeqi zindagi say shuroo hoi.. magar phir haqeeqat say nikal kay kissi aur hee cheez mein dhal gaiee.. (yeah aap mein say kuch dost shaid pehlay bhi parh chukkay hoon as I did shared it a couple of year ago as well)

[Shokh]

Please view attachment

[Shokh]

Please view atttachment

[Shokh]

bbbbbbbbbPlease view attachment

[Shokh]

Please view attachment

[Shokh]

With few editing:



Yaar sohnay ik baat bata, iss mout ka chehra kaisa hai

haan ik din mein bhi daikhoon ga, ik din sab hee daikhain gai, par kaisa hoo ga lamha woh ? jab jisam say jaan yeah niklay gee.. kaya jeevan jaisa mushkil hoo ga ? yaa mond kay ankh mein seh loon ga ? kaya mout kay baad mein daikh sakoon ga ? un chehroon ko jo ik do din tuk.. mout pay mairee bayain karain gai.. iss duniya say jaatay jaatay.. kaya itni mohlat millay gi mujh ko ? keh daikh sakono mein un chehroon ko.. jo akhree maira deedar karain gai ?

jab khabar millay gi marnay ke mairee.. kaya mairay dushman khush howain gai.. acha hee hoo ga yeah bhee.. mein un ko khushi koi day na saka.. yeah khushi tu day paoon ga.. kaya mairay marnay pay woh saray loug.. jashan koyee manayain gai.. ya mairee tarhaaan kay aur koee.. chehra naya dhoon kay layain gai.. ?

kaya marnay say iss dil mein mairay.. yeah zakham jo ristay rehtay hain.. kaya saray yeah bhar jayain gai.. ? kaya khawb nagar mein khilanay wallay.. phool mujhay mill jayain gai.. ? bad'gumaani ke dhund mein rehnay wallay.. pehchaan mujhay kaya payain gai ? ya mout mujhay jab aye gee.. do ik din mein loug yeah saray.. mujh ko bhool jayain gai.. ??

battein tu hain aur bohat.. par yaar mairay tu yeah hee bata... taintees (33) baras kay iss jeeavan mein.. kitnay pal mein jee baitha hoon..? kitnay pal ab baaqi hein.. iss mout kay saye divaroon pay.. barhtay daikh mein sakta hoon.. iss kay lambay khooni punjay.. mujh ko khoof dilayain hein.. tu tu mujh ko jaanay hei.. yeah mout magar anjaani hai.. janay kaise e hoo gee yeah.. jeevan kay sharar kay jaisee.. ya uss say bhi kuch barh kay hoo gi.. ?

acha chal tu yeah hee bata day... qabar pay mairee phool charhanay.. kaya bhoola bhatka aye ga koyee.. kaya uss ke ankhoon mein utree shabnam.. mein band ankhoon say daikh sakoon ga ? kaya ban kay hawa unhain poonch sakoon ga.. itna ikhtiyaar kaya millay ga mujh ko ? suntay hein jab loug yahaan pay.. parnay waloon ko kar kay yaad.. raatoon ko uth uth rotay hain.. aur un ko pukara kartay hein.. tu un ko aisa lagta hai.. koyee un ko chup kay takta hai.. koyee un say battein karta hai.. kaya mujh ko yeah ayzaaz millay ga... ?

smein jeeta hoon sab bhool kay.. jaisay jeetay rehna hai.. yeah loug jo martay rehtay hain.. marna buss in ke kismat hai.. moujh ko mout na aye ge.. par sab ko ik din marna hai.. kiyon jhoot kahoon koiee dar nahi.. yeah dar bara hee zalim hai.. par jeevan tu iss say barh kay hai.. iss jeevan ke hai baat bari.. hai iss ka nasha barh kay sab say.. mein bhi tu iss ka aadi hoon.. !!

yaar! tairee iss duniya mein.. in sohnay sohnay chehroon nay.. mairee sudh budh cheeni hai.. mein tujh ko bhool kay baitha hoon.. par dil mein kaheen pay khoof tu hai.. unhoni ka.. mar jaanay ka.. marnay say mein bhi darta hoon.. khud say battein karta hoon.. shoor machaye rakhta hoon.. par itna tu, tu bhi jaanay hei.. kiss pal mein hai naam likha.. kiss pal tujh say milna hai.. !!

iss dar ke kaya mein baat karoon.. kiyon apnay din ko raat karoon.. bas itnee bintee tujh say hai.. jo kuch tu nay karna hai.. jo kuch mein nay sehna hai.. iss duniya mein hee kar lay tu.. uss duniya mein jab aoon ga.. jab sang tairay reh paoon ga.. mujh ko apnay karam mein rakhiyoo.. un logoon ke sangat mein rakhiyo.. jin say hai tujh ko payaar bohat.. tu moola hai.. tu aala hai.. tu malak hai.. tu sab kuch hai.. yeah jeevan tujh nay bakhsha hai.. ghalti ka mein putla hoon.. khata mein karta rehta hoon.. khata tu hoo hee jaati hai.. taira kaam bakhashna hai.. kaya mujh ko tu na bakhshay ga.. ?

tu raaz bara hee gehra hai.. mein laakh kahon mein jaan chuka.. mein kuch bhi tu na jana hoon.. yaar mairay tu sohna hai.. mein tu bas ik mohra hoon.. janay kis nay chaal chalee.. janay kis ko maat hoyee.. iss say mujh ko kaya layna hai.. maira bayra paar laga tu.. iss duniya say in logoon say.. mein tu lar lar hara hoon. mujh ko apnay pass bulla tu.. iss mout ka chehra kaisa hai.. chukay say yeah batla tu.. par iss say pehlay ik baat batla day.. kaya mairee karne ebhai tujh ko.. kaya mout mjhay jab aye gi.. kaya khawb nagar mill jaye ga.. kaya tairee tasbeeh kaam mairay kuch aye gi.. !!

[Shokh]

..........................................................

[Shokh]

[Shokh]

[Shokh]