Urdu writer - Abdul Basit

[Shokh]

~**... Mohabbat Kuch Nahee Hooti ...*~

Mohabbat Saraab hoti hai.. hum sehraoon mein bastay hain.. kari dhoop mein... meeloon tanha chaltay hain.. payaas barhti rehti hai.. saye pighalnay lagtay hain.. paoon chalni hootay hain.. hum phir bhi chaltay rehtay hain.. kabhi jo girnay lagtay hain.. yeah hum ko thaam laitee hai.. kissi teelay kee aot say.. chup kay taknay lagti hai.. sab kuch bhool jatay hain.. hum iss ke aur barhtay hain... yeah agay barhti rehti hai.. kissi saraab ke tarhaan.. hum jitna paas jatay hain.. yeah utna door hooti hai.. sehra ke karakti dhoop mein .. yeah sahil jaisee lagti hai.. hum is ko apna samajhtay hain.. saraab jaisi yeah mohabbat .. kab kissi ko milti hai.. hum phir bhi iss ke chahat mein.. umar guzara kartay hain....!!

Mohabbat khwab hooti hai.. bay khawbi ke thakan say choor ankhain jab.. beenayee khoonay lagti hain.. yeah un ko noor bakhashti hai.. ghani andhairi rahoon mein.. ban jugnoo chamaknay lagtee hai.. diyay see jalnay lagti hai.. loo ko isski thamay hum.. naiee rahoon pay chalnay lagtay hain.. jis manzil ke khooj mein hum.. khud ko bhool jatay hain.. uss ka pata yeah daytee hai.. ankhoon mein deep hazaar.. aa kay yeah jalati hai.. humain humaray honay ka.. ehsaas yeahi dilaati hai.. jaisa hum is ko chahtay hain.. waisa banti jaati hai.......!!

Phir youn hoota hai kabhi.. kissi pal jo palak jhapaktay hain.. thookar aisi lagti hai.. sab kuch toot jata hai.. sab manzar he badal jata hai.. pal bhar kay khawb saray.. kirchi kirchi bikhartay hain.. aas kay diyeah ke loo.. thara kay bujh jaati hai.. jungle ke taiz hawain.. anchal ura lay jati hain.. charoon aur ghup andharay.. moun khoolay aa jatay hain.. kirchi kirchi khawb humaray un mein kaheen khoo jatay hain.. door kaheen say kissi bachay ke siskee.. hum ko sunayee daiti hai.. hum ankhain moonday.. haray sab.. us ko bhoolana chahtay hain.. dil ko behlana chahtay hain.. gaiyee mousmoon mein khillay thai jo.. woh adh khilay gulaab saray.. kitaboon mein band kar laitay hain.. !

Par khawb tu jal jaatay hain.. bikhar jatay hain.. mar jaatay hain.. Hum mohabbat kartay hain... Khawb jaisee mohabbatain.. !!


Mohabbat Kuch Nahi Hoti.. Yeah hum hain.. jo fasanay ghartay hain.. sehra mein chaltay chaltay thak jatay hain.. tu khud say ik saraab buntayhain.. jab saye pighalnay lagtay hain.. tu chaoon dhoondnay lagtay hain.. kissi zulf ke chahoon.. kissi kay narm lehjay ke phowaar.. kissi shabnami hoont ke nami.. kissi ghazaal ankh ke roshni.. yeah sab saraab.. hum khud buntay hain.. aur jab mohabatoon kay azaab utartay hain.. jab daman jalnay lagtay hain.. hum cheekh partay hain... roonay lagtay hain.. kiyeah chaak garaibaan.. daagh seenay sajaye.. zakham baichnay lagtay hain.. !!

Agar Yeah Mohabbat Hai.. Tu Kuch Nahi Hooti Mohabbat... !!

!!... Mohabbat Kuch Nahi Hooti... !!

[Shokh]

~**... Tairay Naam ...**~

Mairay humsafar mairi baat sun.. yeah khawb safar nahi hai jo... pal main guza'aar paye ga.. kabhi jo mus'kuraye ga.. dard bhi jaag jaye ga.. tu mairay sung challay ga tu.. thookrain bhi khaye ga.. tu daikh lay.. sab sooch lay.. !!

Woh sehar jo nazar mein hai.. uss ke taraf jab jaye ga.. ik khoof rah mein aye ga.. raat bhar daraye ga.. was'wasay barhaye ga.. shaid tu pach'taye ga.. mairi baat sun... mairay humsafar.. thehar zara.. sab sooch lay.. !!


Rafaqatoon ka haath thamay furqatoon ke raat hai.. khawahishoon kay payr (tree) pay uggi hoi bus maat hai.. bay'zubaani mein chupi.. ik adhoori baat hai.. takmeel ke khawahish liyeah.. jis taraf bhi jaye ga.. adhoora pun he paye ga.. kaya phir bhi mairay humsafar.. iss qadar hee chahay ga.. ?


Mohabbatoon ke rah guzar.. haseen bari sahee magar.. iss pay gham hazaar jo.. ghaat lagaye baithay hain.. dhayaan say barha qadam .. mairay humsafar ... zara daikh kar.. !!


Haan sooch lay.. mujhay daikh lay.. mujhay jaan lay.. mein hoon taira yeah maan lay.. tu hai maira.. yeah maan dai.. woh khawb daikh hai khill utha.. mairay pass aa mujh mein samma.. pal do pal ke baat choor.. zindagi ke baat kar.. safar para hai bara.. na gir paroon... mujhay thaam lay.. kay kat sakkay .. lamba safar..!!


Mairi baat sun oo bay'khabar.. na khawb bun.. bus saath chal.. tu umar bhar.. maira dost ban.. ghamoon ko aa hum baant lain.. rishta ik aisa gaanth lain.. tu barh sakay na ik qadam.. mein agar na tairay saath hoon.. mein bin tairay gir paroon.. chalna chahoon jo ik qadam..


Mairay humsafar.. mairay bay'khabar.. tairay naam hai.. maira safar.. !!

[Shokh]

~**... Dukh ...**~

Dukh...!! na hoon tu khushi apni kadar o keemat khoo daiti hai.. har cheez ko apni pehchaan kay wastay kissi aas'ray ke kissi saharay kee.. kissi dosray wastay kee zaroorat hooti hai.. khushi ke, taskeen ke.. rahat ke manziloon ko jatay rastoon pay kam hee makhmal ka bichoona milta hai.. khall'yaan bahaar dainay say pehlay banjar zameen hoota hai.. jab tuk uss mein hull na chalaoo.. beej na beejoo.. faslain nahi ugteen.. phal nahi paktay.. magar jo faqat man salwa ke talash mein hoon.. nashukri ka mur'takab hotay hain.. jab tuk jisam kay lahoo ko paseena na kiya.. jab tuk uss banjar zameen ko naram na kiya jaye.. uss ke abyaari na kee jaye.. uss mein beej na booya jaye.. fasal ke umeed kaisi rakhni.. aur kahay koo.. aur agar yeah sab bhi kiya aur kabhi barishain na hoeen.. kabhi hoeen tu had say guzar gaieen.. kabhi hawain moon zoor hoo gain.. paki faslain matee mein matee hoo ga'een tu bhi nashukri kaisi.. Yeah tu rehmat hai uss RUB ke jo iss 4 din ke hayaati mein dard (jisay hum dard kehtay hain) dai kay uss humaisha ke hayaati ko sahal kar raha hai.. !!

Bani adam kay ikhtiyaar mein kab kuch hai.. woh tu upar walla hai jo chahay karay... azmata hai.. kabhi bin mangay dai kay.. aur kabhi payaas barha kay.. aur kabhi sab diya wapis lay kay.. aur yeah sab woh apnay bandoon kay sath apnay bandoon kay zariyeah hee karwata hai.. kabhi kissi ko kissi ka waseela bana daita hai tu kabhi kissi ko kissi ka.. kabhi dianay wallay haath ko lainay wallay mein badal daita hai... tu kabhi hathoon ko mati sona karnay ke taseer ata karta hai.. aisay mein kiss baat ka ghumand karain.. kiss baat ka shikwa karain.. guzar rahi hai guzar jani hai.. do nuqtoon kay darmayaan kay safar mein hain.. palak jhapkain gai tu uss paar hoon gai.. kis moun say jain gai.. uss kay darbaar mein kaya in dukhoon ke dastaan sunain gai.. yeah tu kuch bhi nahi hai.. kuch bhi tu nahi hai.. tavaqoo karni hai tu uss say karoo.. mangna hai tu uss say mangoo.. yeah banday.. mairay.. tumharay jaisay.. yeah tu khud mohtaaj hain mairee tarhaan tumharee tarhaan.. hum dono ke tarhaan.. yeah kab kissi ko kuch dai saktay hain.. yeah kab kissi say kuch lay saktay hain.. kiyon in say koi gilla rakhain... phir kis liyeah uss bat ka dukh karna jo mein nay sochi kay hoo aisay magar naa hoi..

Humdam humdard, dost uar sathi hain behlaway saray..
Koi kissi ka gham kaya bantay sab ko apnay payaaray..

Sab ko apnay payaray.. haan sab ko apnay payaaray.. sach hai.. karwa hai.. halaq say nahi utarta.. aisay mein hum kashkool uthay.. mulama charhi mohabatoon ke.. bay'naam chahatoon ke bheek mangnay nikal partay hain.. na murad hootay hain tu roonay lagtay hain.. ilzaam dharnay lagtay hain.. kabhi divaaroon say sar phortay hain tu kabhi dast o garibaan hotay hain.. sahi kartay hain kaya.. ?

Humari auqaat he kaya hai.. kis cheez ke akar mein hain hum.. kaya kar lain gai hum.. kuch bhi tu nahi.. phir yeah sab kahay ko.. yeah dukh dukh nahi hain.. yeah khushiyaan khushiyaan nahi hain.. sab tamasha hai chand ghari ka abhi howa khatam kay tabhi.. woh hai jis nay dooriyaan thaam rakhi hain humari.... sacha dukh uss ke yaad mein apnay gunahoon kay pachtaway ka hai.. sacha zakham.. uss ke mohabaat mein bahay lahoo ka hai.. tu phir yeah kiyoon hum apnay badan ke kharashoon ko lay kay bazaar mein daam lagatay phirtay hain... kaya paa lain gai hum.. kaya mill jai ga.. kuch bhi tu nahi.. ik saraab mein hai hum...!! saraboon mein khoonay wallay kabhi kab ghar ko louta kartay hain.. kab manziloon ko paya kartay hain.. !! Sachi khushi ke bat karoo.. jo noor ban kay chahroon ko apnay ghairay mein lay laitee hain.. uss khushi ke baat karoo jo uss RAB kay hijar ka hai.. jo humaray andar hai.. jis say juda howay tu humarya andar yeah khalla aan basa hai.. jissay bharnay ko hum kabhi ik ka sochtay hain tu kabhi doojay ka.. Uss Rab say.. haan uss jis say milain gai tu mukamal hoon gai.. !!

[Shokh]

~**... Bula'wa ...**~

Kabhi youn bhee hota koi baat kartay kartay... Zehan kay parday pay likhay.. Harf saray mitnay lagtay hain.. Sabz manzar badalnay lagtay hain.. Kuch chehray ubharnay lagtay hain.. Pichlay barsoon mein bicharay chehray..... Doodhiyaa rung mein dhaltay chehray... Wajood mein khu_li kisi khirki say.. Bun kay taza hawa aatay hain.. Ghanay kuch badal sath latay hain.. Mairee bayjaan ankhoon kee.. Banjar zameenain sayrab kartay hain.. Aur khud ik qatray mein doob jatay hain..

[Shokh]

/aoa

Pichlay dinoon yahaan ik banjaray aya.. aap mein say kuch nay uss ka likha parha.. jaatay jaatay woh apna sab mujhay day gaya.. qarz baaqi hai woh chukanay ke aik mamooli see kosh kar raha hoon.. @};-

~** ...Banjara... **~

Mehfiloon mein rehtay hain.. dukh ke battain kartay hain.. tunhai say dartay hain.. dard saja kay seenay pay.. shaam dhalay har mehfil mein.. hijar kay geet sunatay hain.. naam mohabbat ka lay lay kar... dil kay kooray kaghaz pay.. un'daikhay mehboob ke sourat.. har rooz ubhara kartay hain.. phir ik sohni ko man mohni ko.. pass bula kar hum apnay.. us sourat say milwatay hain.. woh shaam salooni sourat wali.. woh sohni mahiwaal koi.. jab khud ko uss mein takti hai.. uss pal mein jeenay lagti hai.. woh pal jo hoota hee nahi.. koun uss mein jee sakta hai.. woh laila hoo ya heer koi.. akhir ko mar jaati hai.. phir naam mohabbat ka hum lay kar.. amar kahaani likhtay hain.. uss amar kahaani mein aksar.. hum dasht ke battain kartay hain.. !!

Kaya dashat ko tum nay daikha hai.. ya qissay suntay rehtay hain.. bus naam he laytay rehtay hain... hum ko hai maloom kahaan.. sehra ke phailee woosat mein.. jab souraj utarnay lagta hai.. jab rait pighalnay lagti hai.. jab tapti dhoop ke chaoon mein.. saraab aa kay miltay hain.. sab khawb jalnay lagtay hain.. jisam bujhnay lagtay hain.. par shaam dhalnay say pehlay.. khawahish aas ka aasa taikay.. kaheen say aa jati hai.. woh khawb jo jal jaata hai.. uss khawb pay aa kay rooti hai..!!

Woh khawb jo aisi he mehfil mein.. tum jaisi hee ik sourat nay.. apni veeraan ankhoon say.. mousam e gul ke hasrat mein.. bari chahat say seenchay tha.. woh khawb tu kab ka jal bhi chuka.. laikin woh jo sourat thi.. jis nay uss ko daikha tha.. jis nay uss ke chahat mein.. dasht ka tunha safar kiya tha.. woh gar lout kay aya tu.. mushkil hai par aya tu.. woh iss mefil mein bhi aye ga.. tum daikhoo gai tu janoo gai.. laikin kahaan pehchano gai.. tum pochoo gai.. tu koun bata.. woh apna aap jo bhool chuka.. kaya naam bhala batlaye ga.. banjara he kehlaye ga.. tumhari baykaar batoon say.. uss ko wehshat hoo jaye gi.. woh chor tumhari mehfil ko.. lout dasht hee jaye ga.. tum ik dojay say pochoo gai.. uss ke sourat kaisi thi... dikhnay mein kaisa lagta tha.. woh battain kaisi karta tha.. kab hansta hai kab roota thai.. acha mein batlata hoon.. !!

Woh shakhas banjara naam hai jis ka.. Sar mein hijar ke rakh hai dallay.. ujray baal sayaah bakhat say jis kay.. hoont pay sadiyoon ke payaas jami hai.. ankhoon mein wehshaat naach rahi hai.... nangay paoon sajaaye challay.. janay kab say safar mein hain.. ha'atoon mein la'ik naseeboon wali.. apna aap dhoond rahi hai.. chaak garaibaan daikha hai uss ka.. pichlay barsoon mein ujree chahat ka.. afsana koi suna raha hai.. (haan waisa hee afsana.. jaisa tum bhi likhtay hoo..) par uss ke awaaz ke larzish mein.. tashna jazbay bool rahay hain.. uss nay hijar kay dashat mein tunha.. apna jeevan kaata hai....!


Tum mehfil mein rehnay wallay hoo.. kab daikhoo gai.. kab janoo gai.. deshat musafat say anaay wallay.. banjaray kehlanay wallay.. in qissoon mein jo likhtay ho... in khawboon mein jo buntay hoo.. Tum nay daikha hai ya nahi.. mein nay uss ko daikha hai.. mujh say uss nay battain kee hain.. jo tum say kahoon.. tum jhoot hee janoo.. choro uss ke batoon ko.. woh tu kab ka jaa bhi chukka.. iss mehfil say iss duniya say.. !!

Haan naam tha uss ka Banjara.. !!

[Shokh]

~**... Bacha Jamoora ...**~

[Shokh]

~** ...Bloongra... **~

Kuch looug padiashee cheetay hootay hain.. yeah bhi un mein say hee hai... umar ka kacha hai aur zahaan ka pakka.. battain bari bari.. kaam us say baray baray.. harkattain magar bloongroon wali.... payaar ke gagar kandhooon pay uthaye dar dar ik boond ka sawaal karta hai.. pehli baar kissi kay naqash e paa dhoondta milla ... hansnay hasanay walla bacha hai.. mazaah ke hiss utnee hee taiz hai jitee songhnay ke....!!

Baat kam karta hai.. jazbaat ziada bighaarta hai.. ziada jazbaati hoo jai tu kambaal mein sar day kay soo jata hai.. shitar-muragh hoota tu rait mein daita.. dainay ke adat bachpan say hai.. shaid issi liyeah kissi bhi mehfil mein aa kay apna luqma daina faraz samajhta hai... saaf suthrai ka shouq itna hai kay agar online na hoon tu washroom mein miltay hain.. aksar net pay baithay baithay soo jata hai.. aur itni awkward position mein sonay ka nateeja yeah hoota hai kay uth'ta mazeed awkward position mein hai.. baaz dafa tu uss waqat tuk kamray say nahi nikalta jab tuk sab ghar wallay ghar say na nikaal jain.. aksar imtehaanoon say guzarta rehta hai.. in say kissi nay poocha yeah kaya nehaar moonh.. goond kateera aur dhaniyaa ghoot kay pee rehtay hoo.. kehnay laga kissi nay kaha hai kay iss say zikar e sani masayil say nijaat mill jai gi..!! ab jiss nay bhi in ko yeah nuskha diya shaid uss ka maksaad bhi insay nijaat hee tha..!!

Tazaa tareen sainsee tahqeeq say patta chala hai kay mard aur aurat mein mardaana aur zanaana dono hee harmouns paye jatay hain.. magar amal e paidaish mein agar male harmons ziada hoon tu mardana salahiyattain wazay hoo jati hain.. aur agar zananna ratio barh jayae tu zanana.. yeah paidaishee mayana ravee kay qail hain.. magar phir bhi AUNTIES say in ke ziada banti hai... aur aunties wohi banti hain jo in ko khatay angoor khilaati hain...!! khataee kee adaat yeah abhi say daal rahay hain... pichlay dinoon in ke aik picture daikhi uss ko daikh kay loug in kay mustaqbil say kaafi purUmeed hoo gai hain.. umeed hai kay yeah mustaqbil mein koi bohat unhooni karanay wallay hain..!!

Sun'nay mein aya hai kay yeah bodybuilding bhee kartay hain... shaid body building bhi body ko build karnay kay liyeah hee kartay hain..!! garcha uss ke kuch aisi khaas zaroorat nahi.. waisay kaam bohat cum kartay hain... haan magar battain dil lagga kay banatay hain.. aur har baat kay baad daad talab nazaron say daikhtay hain.. daad na millay tu bill bhaij daitay hain..!! bill say in ke wabastagi kaafi purani hai.. issi liyeah in ka ideal BillGates hai..!! magar in kay apnay kissi bill pay koi gate laga howa nahi hai....!! Jo bhi aa jai ussay "Jee Ayaan noo" kehtay hain...!! Issi liyeah din raat mehmaan dari mein masroof rehtay hain..!!

Part'time commission agent ka kaam bhi kartay hain.. commission pay bohat say kaam kartay hain.. noiyaat sab kee aik hee hooti hai.... kiyon kay B.Com kay student hain issi liyeah barttar system ko behtar samajhtay hain..!! statistics in ka fav. subject hai issliyeah aksar college kay gate kay bahir data collect kartay paye jaatay hain... aik waqat mein aik say ziada projects pay kaam kartay hain.. asaani kay liyeah har project report ko teen hisson mein taqseem kar daitay hain.. top, middle and bottom.. kiyon kay behtar say behtar ke talash mein rehtay hain iss liyeah liyeah aaj tuk koi bhi project middle say ziada nahi kar sakkay.. magar choonkay bohat mustakil mizaaj hain iss liyeah umeed hai kay jald hee koi project complete honay ke khabar bhi aa jai gee..!!

in ka kad zameen say upar thoora zameen kay neechay ziada hai.. matlab kaafi daraz kad waqaya howay hain.... jisam pay charbee ke mikdaar utnee hee hai jitnay kay baki cheezoon kee.. chahray ke jild waisee hee jaisee cheeni kay bartan kee hooti hai.. magar chahray ke sakhat aisee jaisee wohi bartan tootnay kay baad hoo jati hai..!! matlab aik aik naqas teekha.. aaik kaan mein sonay ke bali pehnta hai.... dosray mein zarqoon ka aik tops.. woh shaid kissi bhagtay choor ke nishaani hai..... garmee say bachnay kay liyeah gallay mein aik surkh rumaal.. garmee ke hidaat ziada hoo jai tu yeahee romaal sar pay aa jata hai. aur mousam khushgawaar hoo tu kandhoon pay.. sir pay p-Cap bhi pehantay hain.. per pehantay tab hee hain jab P hoo.. !! Sar e shaam jogging kay liyeah nahaar pay chalay jaatay hain.. wahaan aur loug bhi bhagtay hain.. magar ultay kadam.. in ko daikhnay kay baad....!!

Magar in tamaam batoon kay ba'wajood dil ka bohat hee payara bacha hai.. buss kabhi kabhi zid mein par jaata hai.. aap mein say aksar iss ko jantay hain.. aur jo in ko jantay hain un mein say 99% Auntiyaan hain.. baki kay 1% mard hain.. jo kay mein hoon.. !!

[Shokh]

~**... Khawb ...**~

Khushi ke haar ghaat ko khud he maat karta hoon.
Gham ashna hoon, khawboon ke baat karta hoon

Mairay khawb bay shumaar.. mairay ghum bay hisaab.. Haan ik khawb hai magar.. jo khawb bhi nahi.. tinka tinka joor bunnay baitha hoon... khoof hai khoo dainay ka issay.. jaan hai laboon pay aan baithee hai.. sunahri iss shaam kay saaye.. milan kay geet gaatay hain... asmaan ke wos'atoon mein.. badliyaan muskurati hain.. kaheen say aas ka panchi.. mujhay awaz daita hai.. mein jo sab haar batha tha.. ik gehri neend sooya hoon.. naveed sehar ke ahat.. mujh ko gud'gudati hai.. !!


Mein ankhain meechay layta hon... laboon pay muskarahat hai.. nazar mein uss ka chehra hai.. woh apni roshan ankhon mein.. ik pay'ghaam laye hai.. nazrain jhukaye baithi.. muj'he say sharmaye baithi hai.. woh apnay komal hathon say mujh ko thamay baithi hai.. mairay seenay pay rakhay sar... aanay wali har sa'aat mein.. woh apna naam sunti hai.. jazbon ke hararat say.. kaisay pighalti jaati hai.. mohabbat hoo gai phir bhi.. mujhay kehnay say darti hai.. haan tunhai mein magar apni.. nazam ik aksar gungunati hai.. phir keh k khud ko he pagal.. bay'tahasha hansti hai.. yeah sab ik khawb he sahi laykin.. issay tab'eer karna hai.. uss k anch'al ke chaoon mein.. ghar tameer karna hai..!!


Haan iss ik khawb ko mujhay ab tabeer karna hai...!!

[Shokh]

~**... Bad'Gumaan ...**~

Gillay sabhi jo tum say hain.. shikway jitnay bhi karnay hain.. sambhaalta hoon magar daikhoo.. fu'ghan kitna yeah kartay hain.. tumhara naam laytay hain.. kayee ilzaam dhartay hain.. !!

Samjhata hoon magar phir bhi.. yeah mairi baat nahi man'nain... chupana chahta hoon laykain.. bilkul rait kay jaisay.. mairi muthi say phisaltay hain.. chamaktay sabhi lamhoon pay.. gard jaisay yeah partay hain.. unhain barbaad kartay hain.. !!

Humara rishta bhi koyee.. ayessa bandhan nahi hai joo.. sab say mo'atbar hoo thehra .. bud'gumani ke hawa jis ko.. kabhi pamaal na kar paye.. !!

Tumharay lehjay ke chaoon say.. jab dooja koyee guzarta hai.. mujhay azaar lagta hai.. rishta go nahi koye.. phir bhi aisa lagta hai.. tumhari batoon ka meetha pan.. mairay liyeah hee meetha hai.. khilti jo laboon pay hai... muskaan mairay liyeah hai woh.. tairay daman say jo aati hai.. hawa woh mairay liyeah hee chalti hai.. mein aisa hee samajhta hoon.. kissi ka haq nahi koyee.. faqat tum mairay liyeah hee hoo jaisay.. !!

kitna khush feham hoon mein daikho... kitna bad'gumaan hoon rehta.. kissi say baat kartay jab.. tumhain mein daikhta hoon kisi bhi pal.. tu mujh ko aisa lagta hai.. mujh say chin gai hoo jaisay.. doulat saari duniya kee.. man kitna khaali lagta hai.. phir kissi bhi baat pay maira.. hansnay ko jee nahi karta.. koi bhi kaam karnay mein .. maira phir jee nahi lagta.. !!

kaya pehli baar howa hai yeah.. tum tu jaanti hoo kab say sab... badalna chahoon mein kitna.. yeah adat badal nahi sakta.. kissi kay aur sung tumko.. kabhi bhi daikh nahi sakta.. par bud'gumaan bhi tu tum say.. humaisha reh nahi sakta.. chaloo phir aisa kartay hain.. mein rasta badalta hoon.. tum awaz mutt daina.. mein tum ko yaad rakhoon .. yadon ke har chookhat pay.. tumhain abaad rakhoon ga.. !!

Jo bud'gumaani kartay hain.. saza un ke yeahi tu hai.. tunhai kay tap'tay sehra mein.. un ko chalna parta hai.. khawahish lay kay marnay kee.. un ko jeena parta hai.. saza mein yeah khud ko daita hoon.. tumharay shehar say chalta hoon.. gillay jitnay bhi thai karnay.. ab un ko bhool jata hoon.. keh mujh ko yaad rakhnay ko.. tumhari yaad hai kaafi.. !!

Mein chalta hoon... Al'wida na kehna tum... Tumhe nay tu kaha tha yeah.. Bud'gumaan joo hootay hain.. Unhain kuch bahi nahi kehtay.. mein chalta hoon.. humaisha khush he rehna tum.. hansti achi lagti hoo.. hansti sada younhee rehna.. mein chalta hoon.. mein chalta hoon.. bud'gumaani keh sehra mein utarta hoon.. mein chalta hoon.. mujhay awaz mat daina.. mujhay ab kuch nahi kehna..

[Shokh]

~**...Kal He Ke Tu Bat Hay Jab...**~

Kaal hee ke tu baat hai Jab.. mohabbat ban k milla tha woh.. woh raat kitni haseen thee jab.. chand ban kay chamka tha woh.. mairi baykhawb ankhoon mein.. ban kay deep jalla tha woh.. mairay khizaan ashna angaan mein.. kissi gulaab sa khilla tha woh.. lehjay ke naram phowaar say.. maira ang ang bhigoota tha woh.. poch kay kaisa guzra din tumhara.. pehroon mujh ko sunta tha woh.. wafaa ka naam daita kabhi tu mehar e umeed kehta tha woh.. issi shehar e sung mein milla tha woh.. !!

Kiss kadar haseen raat thee woh.. sung uskay guzree thee joo.. kissi khawb saa lagta hai ab.. woh us say milna tu khill sa jaana.. dhanuk rungoon ka utarna.. uskee batoon mein khoo sa jana.. garm sansoon say pighalnay lagna... kabhi us nay anay mein dair karni.. tu lagna gallay say.. us say kehna.. kabhi choor na jana.. maira saath daina.. phir uss say gillay bhi hazaar karna.. aur uss ka apnay hathoon ke pooroon say.. mairay harf harf ko hifz karna.. woh uss ka seenay say liptay rehna.. phir kap'kaptay hontay say uska.. mairay seenay pay apna naam likhna.. woh uss ki khushboo mein khoye rehna.. woh uss ko ourh kay soye rehna..

Kitni haseen raattain theen woh.. sung uss kay guzree theen joo.. kissi khawb see lagtee hain ab..!!!