01-14-2006, 12:59 PM
~**... Hisaar e Zaat Ka Qaidi ...**~
Kal kaee baras ke mufarqat kay baad milla mujh ko.. poocha.. chehra utra howa kiyon hai.. kahaan gum rahay ab tuk.. ankhoon mein utray udaasiyoon kay saye.. yeah bikhray howay baal.. thaki thaki yeah chaal.. kaya haal bana rakha hai.. sab theek tu hai na... ?
Ik pheekee see hansi hans kay.. kehnay laga mujh say.. !!"
"Ajab shakhas tha mein bhi.. har chehray pay ghazal likhna.. har shakhas ko gulaab kehna.. khushboo ke tamana mein.. gul daman mein bharay phirna.. jis simat bhi jana.. geet khushiyoon he kay gaana.. ajab door tha woh bhi.. mein samjh he nahi khud ko.. !!
Mein tunhaiyoon kay dar say.. lougoon mein ghira rehta.. woh jaanay agar lagtay.. minaat say mana layta.. jo kuch bhi mujhay milta... khushi un ke ko urra daita.. khawahish thi mairee bus yeah.. sab khush rahain mujh say.. mushkil tha bohat mushkil.. mujh say na howa yeah sab.. logoon ke bandhee mujh say.. umeedain bohat theeen... farishta tu nahi tha mein.. kab tuk bhala karta.. tooteen woh jo ik din... badal sab kuch he gaya pal mein.. saha mujh say na gaya phir kuch.. !!
Phir howa kuch youn keh.. mein khud ko hee bhulla baitha.. baad uss kay milla jis say.. ghair uss ko bana baitha.. mein dhoond'ta tha khud ko.. khud he ko guma baitha..
Aab tu aarsa gaya hai beet... aur yaad nahi kuch bhi.. bus sooch mein hoon rehta.. .. fasloon mein millay hai jo.. qurbat mein nahi milna.. mein doost kahoon jis ko.. woh dost banay kaisay.. kantoon say bhara daman.. shikwoon mein ghulla lehja.. mein baat karoon koi.. mainay na millain koi.. mein khoo chuka hoon khud ko.. mujhay dhoonday koi kiyon kar.. !!""
Woh shakhas tu gaya hai kab ka.. par sooch raha hoon mein yeah.. Kaisa ajeeb shakhs tha .. khud he sawal karta.. khud he jawab daita.. koi baat jab bhi karta.. giloon say aghaaz karta.. auroon kay mathay pay woh... saja chand tukta rehta... aur daman pay apnay utree... bahar ko na likhta.. jo na milla ussi kay bus khawb bunta rehta.. aur jo mill gaya uss mein... soo daagh dharta rehta.. hisaar e zaat ka qaidee.. Ajab shakhas tha woh bhi.. !!
Kiyon mujh ko daikhtay ho .. tum ko tu nahi kaha yeah sab.. haan manta hoon laykin.. jitna ajeeb tha woh... utnay ajeeb nahee tu.. kuch kuch tu hein hum sab hee.. hisaar e zaat kay qaidee...!!