10-02-2005, 02:42 AM
~**... Parsa ...**~
sham salooni sourat wallay.. meethi meeethi batiyoon wallay.. ounchay qud kay boonay loug.. apni apni sham'main jallaye.. chal rahay hain andhay loug.. !!
Parsaiee kay dawaydaar bohat... deen kay alambaardaar bohat.... haq kay parastaar bohat.. zan ko hain dildaar bohat.. iss shehar jiss aur bhi jaoo.. rishtoon ka biyopaar bohat.. har gaam pay dhooka milta hai.. dost howay hoshiyaar bohat.. har chehray mein dushman milta hai.. hum khaatay hain murdaar bohat.. !!
Auroon ko jhoota kar kar kay.. khud ko sacha kartay hai.. sacha koi insaan kahaan.. kis ka sach hai sacha sach.. koun yahaan pay acha hai.. kiss ka daman saaf yahaan.. hum nay daikha jis ko daikha.. jab bhi daikha jis ko bhi daikha.. .khud ko sacha sabit karna.. auroon kay sach ko jhoota karna.. yeah toor purana hai bohat purana.. iss duniya ke hai reet yeahi.. acha ban'nay ke dhun mein saray.. dhair ghalazat bantay hain..
Kaya acha ban'na lazim hai.. kaya insaan ban'na mushkil hai.. kaya door kaheen ye manzil hai.. kaya rasta yeah kuch theek nahi.. faraishta kis nay ban'na hai.. kaya pehlay koi ban paya hai.. kaya ghalti hum nay kar di hai.. kaya hum ko tum nay samjha hai.. hum insaan thai hum insaan hain.. tum maaf karo ya ban jaoo khuda.. hum ko iss ke fikar nahi.. kaya tum nay yeh bhi socha hai.. yeah rishta kaisa rishta hai.. yeah baat adhoori baat sahi.. tum samjhoo is ko ya na samjhoo.. mein insan tha mein insaan hoon..
Mein khawb sohanay boota hoon.. mein baat purani karta hoon.. mein sourat gar hoon.. shair hoon.. mein parhta hoon jin akhiyoon ko.. mein likhta hoon un chehroon ko.. yeah harf adhooray jhooli mein.. kuch bay'mani see battain bhe.. yeah sarmaya jo maira hai.. ye dain tumhari.. tum lay loo.. par mujh ko itna batla do.. kaya insaan koi farishta hai.. kiyon mujh ko acha samjhay hoo... mein insaan tha.. mein insaan hoon..
Jhooti sachi baat kaya karni.. itni see yeah baat hai daikhoo... jis ko apna samjhay ho.. jis ko apna kehtay hoo.. uss ko apna janoo bhi.. oouncha neecha hoo jata hai.. kuch aisa bhi kuch waisa bhi.. jo dil ko acha lagta hai.. phir uss dil pay baar jab parta hai.. kiyon acha bhool hum jaatay hain.. kiyon itna hum pachta'tay hain... kiyon rishtay toor hum jaatay hain.. kaya nadaan tum ik bachay hoo.. kiyoon itna shoor machatay ho... kiyon sab kuch acha chahta hoo.. kiyon ankhain band kar laytay ho.. hum insaan thai.. hum insaan hai.. kiyon iss ko tum jhut'laatay hoo..
tum bhi tu akhir insaan hoo.. !!