Urdu writer - Abdul Basit

[Shokh]

Kaash... !!!

Ajab hee lafz hai yeah Kash bhi.. guzar jaata hai jab sab tu nashtar ke tarhaan chubhnay lagta hai.. Kaash.. Youn na hoota.. Kaash... Mein Ussay Rook Layta.. Kaash... mein Seh layta.. Chup hee rehta.. Kaash.. !!

Koun hai jo iss lafaz ke zarb say bach paya hai.. hum sab hee ke zindagi mein koi koi kaash naqab lagaye baitha hai.. zara chook hoi nahi.. keh zaat kay gulshan mein iss kaash ka babool khila nahi.. kissi ghun ke tarhaan tanawar darakhtoon ke chaat jata hai.. tamaam phaal phool khilnay say pehlay iss iss ik Kaash ke bhaint charh jaatay hain.. !!

Iss kaash ke kahani bhi ajab hai.. azal say hai abad tuk rahay gi.. kash ablees adam ke azmat ko jaan paata.. magar nahi... par ah.. kaash adam he apnay barhtay qadmoon ko rook layta.. Ah.. yeah bhi nahi.. warq palaty jaiyeah.. iss kaash ke karastaniyaan kam na hoon gee.. har mour pay ik kaash insaniyaat ke bay'bassi pay hansta milltay ga.. kitnay he kaashi hai jo tareekh kay auraaq pay bikhray paray hain.. !!

Magar yeah Kaash hee tu hai.. jo humain humara nishaan daita hai.. humaari pehchaan banta hai.. Yeah Kaash hee tu humain sab say munfarid karta hai.. humain humaari azmat kay hoonay ke khabar daita hai.. humain humaray zindaah honay ka ehsaas dilaata hai.. gar yeah kaash no tu kiss kadar bay'rang wa bay'mainee ho jayain iss jeevan kay shab o rooz.. !!

Magar kis kadar na'samajh hein hum loug bhi.. Iss Kaash kay karishmoon ko daikhtay hain.. magar sooch ke bay'naiee ko moond laytay hain.. pachtaoon kay andhairoon mein panah laytay hein.. woh Qowat e Parwaaz jo yeh Ik Kaash humain bakhasta hai.. uss say moun moor laytay hain.. magar uss ke qudrat kay khail bhi ajab hain.. woh har moor pay humain ik naye kaash say milwaata hai.. iss umeed pay keh shaid... Iss baar... Magar har baar hum ussay na'umeed kartay hain.. aur humaari tarhaan.. uss kay hissay bhi sirf Kaash hee aata hai.. !!



Kaash...! hum iss Kaash ke qowat ko samajh sakain....




Kaash... !!



Writer: Abdul Basit
Dated: September 14th 11:37pm GMT

[Shokh]

- Dhuwaan -

Insanoon kay jangal mein.. Ghoor andhaira.. Nafsa Nafsi.. Haath ko haath milta naa hee.. Koi kissi ko jaanay na.. Taqseem ke kaari zarbain hein.. Akk'aaiee kiyon kar samajh na aye.. sab bat't rahay hain.. baan't rahay hain.. Pegham mohabbat wallay mein. Soghaat nafrat waali hai.. !!

Past qamat aur lambay saye.. Lootnay gharoon ko lutairay aye.. Kuch ghaat laga kay baithay hein.. Kuch ghaat laga kay baithay thai.. Kuch batwaray kay haami thay.. Kuch batwara kar kay baithay hain... !!

Masoom sa chehra.. Dheema Lehja.. Meetha aisa.. Shehad hoo jaisa.. Suntay tu hum soo jatay thai.. Khawboon mein bus khoo jatay thai.. Par lehjoon say kaya hoota hai... ? Dil ke kis nay jaani hai.. Jo aaj Dil bar jaani hai.. koun kahay kal kaisa hoo.. !!

Na poocho hum kiyon khaak ura'ye baithay hain.. Kiyon seenay say hum apni aaj.. Tunhai lagaye baithay hein.. Mohabbat ban'tnay niklay thai.. Kiyon nafrat kamaye baithay hain.. bus itna hai keh bhool hoee.. hum jin ko apna samjhay thai.. Woh jaal bichaye baithay thai.. Jaanay kab hum chook gai.. Waar howa hum toot gaie...!

Aab kaya kehna.. Aab kaya sun'na.. Hooni kab ke hoo baithee hai.. Maang mein apni shaam sajaye.. Qismat khud ko roo baithee hai.. Mein dooshi iss ka.. Mujrim sab ka.. Kis kis ko samjhaoon ga.. Kiyon jeevan mein nay haara tha.. Kaisay yeh batlaoon ga.. Jo tum ko sacha lagta hai.. Tum uss ko sacha mano bus.. Jo tum ko acha lagta hai.. Tum uss ko acha jano bus.. !!

Yadoon ke Iss chitta say daikhoo.. Dhuwan kaisay uth'ta hai.. Ankhoon mein kitna chubhta hai.. Lafzoon say kitna rista hai.. !!

Yeah duniya khail tamasha hai.. Yahan har kissi ko dawa hai..Uss ka sach hee sacha hai.. Saari duniya jhooti hai.. Par hum nay itna jaana hai.. Har kisssi ka sach hai jhoota.. Yaar maira bas sacha hai.. Neeli chatree tanay kab say.. Yaar tamasha daikhay hai.. Mein Yaar ko daikhoon.. Nazar na aye.. Basti Basti Nagri Nagri.. Uss ko Dhoondoon.. Kaheen na Paoon.. Har ik basti .. uss ke basti.. har ik rasta.. uss ka rasta.. Phir bhi kitna mushkil daikhoo.. Uss ka milna.. Uss ko Paana.. !!

[Shokh]

[SIZE=5][B]~

[Shokh]

[Shokh]

Wait for file to load. (File size is over 500KB).

[Shokh]

[Shokh]

[Shokh]

~**... Tum Say Door Jana Hai ...**~

Faslaay Barhtay hain.. Challo Sab Bhool Jaatay hain.. Woh Milnay kay Bahanay sab.. Kuch Pal Sung Beetanay ko.. Roothnay Ke Addaain Bhi.. Jhoot Moot Ka Roona Aur... Bay'wajaah Woh Hansna Bhi.. Chaloo Sab Bhool Jaatay Hain.. Hum Faaslay Barhatay hain..

Mohabbat Ke Sabhi Battain.. Aab Jo Yaad Aati Hain... Tum Ko Bhi Rulaati Hain.. Mujh Ko Bhi Rulaati Hain.. Un Ko Bhool Jaatay Hain.. Tasavaar Hum Yeah Kartay Hain.. Bas Ik Khawb Daikha Tha.. Janat Sa Haseen Tha Jo.. Baharoon Ka Ameen Tha Jo.. Chaloo Hum Sooch Laytay Hain.. Woh Ik Khawb Sa Tha Jo.. Jo Hum Nay Mil Kay Daikha Tha.. Jhoonka Tha Hawa Ka Woh.. Guzar Pal Mein Gaya Hai Tu.. Gham Uss Ka Karain Hum Kiyon.. Hum Uss Ko Bhool Jaatay Hain.. Faaslay Barhaatay Hain...

Gar Zindagi Beetani Hai.. Aisee Saari Yadoon Ko.. Humain Dil Say Mitaana Hai.. Na Mujh Ko Yaad Karna Hai.. Na Mujh Ko Yaad Aana Hai.. Jo Zaat Kay Andhairay Mein.. Aaj Bhi Chamaktay Hain.. Jugnoo Beetay Lamhoon Kay.. Jo Kar Kay Qaid Rakhay Hain.. Unhain Azaad Karna Hai.. Un Ko Bhool Jaana Hai..

Na'Umeedi Ke Chookath Pay.. Kissi Mo'jzay Ke Ahaat Pay.. Jo Umeed Baithi Thi... Jo Ab Dam Toor Baithi Hai.. Us Ko Dafan Karna Hai. Door Ujaar Jungle Mein.. Ussi Peepal Ke Chahoon Mein.. Tanay Pay Jis Kay Kabhi Tum Nay.. Mayra Naam Likha Tha.. Uss Umeed Kay Laashay Ko.. Waheen Pay Dafan Karna hai.. Barsoon Say Jo Roothe Hai.. Woh Neend Gar Mujh Ko Ayee Tu... Waheen Pay Soo Bhi Jaana Hai..

Gar Tum Say Door Jana Hai..
Tu Itnee Door Jana Hai..
Faaslay He Mitt Jayain...




@};- @};- @};-

[Shokh]

~**... Badla Tairay Payar Ka Rung ...**~

Badla Tairay Payar Ka Rung.. Tu Sooch Raha Hoon.. Zindagi Ke Rah Mein... Sar e Rah Jo Mil Jayain.. Pehli He Nazar Mein.. Jo Dil Mein Utar Jayain.. Bun' Kay Khawb Jaisay.. Ankhoon Mein Bus Jayain.. Zaroori Tu Nahi.. Barhain Hum Jo Haath.. Tu Oorh Kay Qoos e Qazah.. Woh Daman Pay Bikhar Jayain.. !!

Kabhi Kabhi.. Woh Loug Jo Ban Kay Khushbo.. Sansoon Mein Mehaktay Hain... Ho Kay Jaan Say Aziz,.. Seenay Mein Dharaktay Hain.. Ikhtiyaar Ke Hadoon Say Door.. Bohat Door Rehtay Hain.. Milna Chahoo Jo Kabhi Tu.. Ban Kay Sarab Woh.. Kharaboon Mein Miltay Hain.. Kuch Loug Ikhtiyaar Ke Hadoon Say Door.. Bohat Door Rehtay Hain... !!

Badla Tairay Payar Ka Rung... Tu Soch Raha Hoo.. Tu Tu Sada Hisaar e Zaat Ke.. Qaid Mein Rahi Hai.. Barishoon Ke Mousam Mein Tu Nay.. Khawb Tu Bohat Daikhay.. Badloon Kay Khoof Ko Par.. Dil Say Na Nikala.. Uranoon Ke Khawhish Mein.. Tairay Par Tu Nikal Aye.. Bulandi Kay Dar Say Magar.. Qowat e Parwaz Nahi Ayee... Rungoon Ke Khooj Mein Tu Nay.. Rung Tu Bohat Paye.. Afsoos Tairay Daman Pay.. Qoos e Qazah nahi Bikhri.. Hazar Khushboo'on Mein Ghira Daikha Hai Tujhay.. Par Woh Tairi Khushboo.. Jo Aab Tuk Nahi Mehki.. !!

Badla Tairay Payar Ka Rung.. Tu Sooch Raha Hoon.. Tu Nay Mujh Ko Kabhi Chaha Hee Nahi Tha.. Izhaar e Mohabbat Jo Kiya Tu Nay.. Woh Mujh Say Nahi Tha.. Khawahish e Mohabbat Ka Tu Nay.. Tajurba Kiya Tha.. Tairay Ehsaas e Mehroomi Ke.. Mein Bhaint Charha Tha.. Rawajoon Ke Zanjeeroon Nay.. Tujhay Bandha Howa Tha.. Kismat Kay Kiyeah Ka Magar.. Kaya Doosh Dharoon Tujh Pay.. Mairay Hathoon Mein Kaheen Bhi.. Tairay Naam Ka Jugnoon.. Likha Nahi Tha.. !!

Badla Tairay Payar Ka Rung.. Tu Sooch Raha Hoon.. Iss Shakasta Badan Ko Lay Kar.. Aab Jaoon Tu Kahaan Jaoon.. Sar e Shaam Say Rug o Jaan Mein.. Jo Mehshar Hai Bar'Pa.. Koun Janay Thamay Yeah Tu.. Dam Rahay Na Rahay.. Aab Tuk Tu Taira Gham.. Wajood e Jaan Ke Girti Dar o Divaar Ko.. Thaamay Howay Tha.. Baad Tairay Tu Jeenay Ka Saleeq Bhi Bhool Gaya Hai.. Tairi Bay'wafai Ka Gilla.. Karoon Tu Kiss Say Karoon.. Tujh Say Tu Maira Aaisa Koee.. Rishta Bhi Nahi Tha.. !!!

@};- @};- @};- @};- @};- @};- @};- @};- @};-

[Shokh]

~**... Tanha Chand ...**~

Woh kuch aisay lafz likhta hai.. lafzoon mein jazboon ko proo sa daita hai.. woh kuch aisay khawb bunta hai.. khawboon mein haqeeqat ko samoo sa daita hai.. woh baat karta hai.. uss ke batoon say khuboo si aati hai.. fiza mehaknay lagti hai.. zehnoon ko mehsoor karti hai.. taskheer karti hai.. uss kay lehjay mein taseer aisee hai.. sunay koi ussay sab bhool jata hai.. gham kitna bhi bara kiyon na ho.. woh un pay hath rakhta hai tu woh mit'nay say lagtay hain.. !!

Woh chand jaisa hai... har shab ko nikalta hai.. manzil khoonay waloon ko.. kuch aisay woh milta hai.. sayaah tareek rahoon mein.. sab kuch dikhnay lagta hai.. unhain kuch aisay lagta.. din nikalnay walla hai.. safar bus kat'nay walla hai.. woh us ke aur tak'tay hain.. uss say battain kartay hain.. uss ke battain sun'tay hain..

Rahoon say bhatak'nay wallay loug.. shaid yeah samajhtay hain.. yea jo chand nikla hai.. manawar yeah jo itna hai.. keh har shay iss say roshan hai.. daim abaad rehna hai.. zawaal is ko nahi aana... woh apni bhool jatay hain.. ussay manzil banatay hain.. par jab yeah doob jata hai.. safar kat' kay nahi daita.. tareeki barhnay lagti hai.. behtay waqat ka dhara bhi.. youn tham'nay saa lagta hai.. saans ruk'nay see lagti hai... zindagi kam par jaati hai.. bohat dair hoo jaati hai.. !!

Woh shayr hai.. uss ka pay'sha aisa hai.. tareek rahoon mein rehna aur.. kuch roshan lafz likh daina.. sehar taari sa kar daina.. likhna baat koi bhi tu.. kuch aisay dhang say likh daina.. parhay uss ko koi bhi tu.. lagay baat uss ke yeahi tu hai.. bay'tarteeb harfoon ke.. youn tarteeb daina keh.. har harf say sur niklay.. bay'mainee see batoon ko.. naye mainee woh daita hai.. woh shair hai.. uss ka paysha aisa hai.. !!

Amal say bilkul aari hai.. na samjhoo yeah anaari hai.. woh jazboon ka khilaari hai.. izzat gar tum ko payaari hai.. na us'ko chand samjhna tum.. na us'ke baat sun'na tum.. na'us ke aur tak'na tum.. woh tanha hai.. lutaira hai.. woh zalim hai.. woh kafir hai.. woh apni meethi batoon say.. woh apnay fun ke taqat say.. tum pay ghazlain likhay ga.. tumhara dil lubhaye ga.. baray rishtay banaye ga.. par kar kay tunha tum ko woh.. ik din choor jaye ga.. !!

Adaat uss ke purani hai.. woh har shab ko nikalta hai.. gagan pay tanha rehta hai.. khud ko roshan samajhta hai.. woh apni baat karta hai.. souraj ko bhool jata hai.. par jab din niklta hai.. kaheen pay chup woh jaata hai.. haan magar har shab ko.. aatay jaatay logoon pay.. kuch ghazlain woh likhta hai.. kuch battain woh karta hai.. aur naghmay bhi sunata hai.. !!

Sadiyon say woh tanha hai.. uss nay tanha rehna hai.. na'asooda jazboon ke.. taskeen uss nay karni hai.. par na'shaad rehna hai.. mohabbat ke baat karni hai.. mohabbat tu nahi karni.. jazboon ko harf dainay hain.. amal say magar un ko.. ussay pa'maal karna hai.. uss kay khoon mein shamil hai.. tarkeeb uss ke kuch aisi hai.. wafa uss' say nahi mumkin.. tum uss ke chah nahi karna.. koi rishta bhi nahi bun'na.. kabhi kaya aisa mumkin hai.. zameen pay woh utar aye.. aur tumharay saath chal paye.. nahi mumkin.. nahi mumkin.. !!