Muqabila e Hamad O Naat Khuwani (Audio)

[Queen Victoria]

[COLOR="#800080"]Muqabila e Hamad aur Naat Khuwani (audio)

(for All: Male and female Members)


Assalam o Allaikum
Urdu World k tamam arakeen ko hum sab ki janib say Rmazan ul Mubarik ki mubarik baad
Allah swt say dua hai kay wo hum sab ko is mah ki barkatain smaitnay ki saadat naseeb fermaye aur hamaray tamam gunah e kabeera o sagheera maaf fermaye amen.
Har saal ki terha is saal bhi urduworld per do muqabilon ka inaqaad kiya ja rahai hai

[COLOR="#FF0000"]1- Muqabila e Hamad Khuwani
2- Muqabila e Naat khuwani [/COLOR]

Aap sab ko in muqabilon main shirkat ki dawat di jati hai. Aap main say jo sathi bhi naat khuwani ya hamad khuwani ka hunar janty hain aur samajhty hain kay wo in muqabilon main shirkat k ahal hain tou aap is main shirkat ferma kar in muqabilon ko ronaq bakhshiye.

Muqabilon ki tafseel aur quwaid o zawabit kuchh yun hain.

Ye muqabila do terha say munaqid ho ga
Naat e Rasool e Maqbool aur Hamad e Bari taaala k liye alag alag muqabilay hon gay
Ap ko is muqabilay main shirkat k liye urduworld ka member banna zaruri hai, aap apni awaz main record ki gai naat ya hamad hamain bhaijain gay. Tamam bhaiji gai audio files ko hamaray muntakhib judges sun kar pehli teen positions per anay walay khawateen o hazraat ka intikhaab karain gay. Yaad rahay k hamad aur naat k liye alag alag inam diye jain gay.
Aap ba yak waqt dono ya phir kisi bhi aik muqabilay main shirkat kar sakty hain.
In muqabilon main jeetnay walon ko urduworld ki janib say jo inaam paish kia jaye ga us ki tafseel ye hai. Yadrahay kay dono muqabolon k liye inaatmat infiradi tour per alah alag diye jain gay

[COLOR="#006400"]Inamaat bara e Hamad Khuwani

First PositionRs 10,000
Second PositionRs 7000
Third Position...Rs 4000

Inamaat bara e Naat Khuwani

First PositionRs 10,000
Second PositionRs 7000
Third Position...Rs 4000
[/COLOR]


Rules:-

1- Muqabilon main shirkat k liye aap Urduworld intizamia kay in teen members ko pm main apna naam likhwaiye. (Creative Sign, Queen Victoria, *Muskaan* )
2- Muqabilon main shirkat k liye aap ko apna asal naam, aap kahan rehty hain kya karty hain aur aap male hain ya female, ye sab tafseel batanai ho gi.
3- Ye tafseelaat mohaiya karnay k baad intizamia ap ko aik makhsoos code/serial number/ I d de gi , jo sab members k liye mukhtalif ho gi. Is k sath aik email address bhi diya jaye ga jis per aap apni naat/hamad recording bhaijain gay.
4- Aap ki bhaji gai audio recording aap ki apni awaz main hona zaruri hai aur audio file mayari honi chahiye takay ap ki awaz wazia sunnay main dushwari na ho.
5- Jab ap recording karain gay tou yaad rakhiye kay sab say pehlay aap intizamia ki taraf say diya gaya ID/code/serial number bolain gay us k baad apna asal naam, aur u sk baad naat y ahamd parhain gay. Jin files main ye tarteeb nahin ho gi wo muqabilon main shirkat ki ahal nahin hon gi.
6- Recording bhaijnay ki akhri tareekh Pakistan k mayari waqt ki mutabiq, 25 August 2011, shaam 5 bajay tak hai.
7- Aap ko apn i audio file jis patay per bhaijna hon gi wo aap ko bazariya Pm bata diya jaye ga. Is k ilawa recording k liye software aur us k istemal ka tareeqa bhi aap ko PM main bata diya jaye ga.

Muqabilon k nataij ka elaan EID UL FITER k baad kia jaye ga.

Note: intizamia kisi bhi soorat main muqabilon ya muqabilon main bhaiji gai entries rad karnay ka haq mehfooz rakhti hai.

Muqabilon main shirkat k liye intizamia kay in arakeen say rabta kijiye
Creative Sign
Queen Victoria
*Muskaan*


Shukria
Ba janib Intizamia
Urduworld forums[/COLOR]

[Sumair Mahmood]

mashaALLAH. JazakALLAH khair.

[Ahmad_Ali]

Jazak Allah khair.........

[life.]

Jazak Allah khair...

buhat hi khobsurat sharing....

[choCnut]

zabardasttt competition.......Jazakallah khair

[Mr. Bean]

MASHALLAH :x JazakAllah ...

[*Muskaan*]

[COLOR="#006400"]
Walaikum Assalam QV sis.. JazakAllah Khair.

Assalam Alaikum

Thank You all.. :rose
We look forward for your Valuable participation.
Good Luck .. :rose

[/COLOR]

[Lost Passenger]

Walaikum Assalam

Buhat behtreen step Qv
jitni bhi tareef ki jaye kam hey
yaqinan ek acha muqabla sun'ney
ko miley ga,hamisha khush aur salamet raho,Ameen

[Zakia]

Walaikumassalam

MASHALLAH ..... :ja

[abuumar]

MashaAllah, ...!!
.... Dil bagh bagh ho geya, ... buhot shandar kaam kar rahy hain , .... !!
.............. Allah ap sab per apni khas rehmaten nichawar farmay, Amin.