-Phir Bahaar Aai Hay-

[imported_naz]

Na Janay Allah Nay Maira Khameer Kis Mitti Say Banaya Hay Jo Mujhay Mosam-e-Bahaar Say Nikalnay Hi Nahi Daita..Suna To Yahi Tha Kay Rutai'n Badalti Hai'n, Mosam Tabdeel Hotay Hai'n...Phir Kiyu'n Mujh Mai'n Aik Hi Mosam Taiher Gaya Hay?...Mairay Ander Bahar To Bas Gulaab Rutai'n Hi Basaira Kiye Rehti Hai'n..Mairay Saihen-e-Chaman Mai'n Aaj Bhi Woh Gulaab Laihra Rahay Hai'n Jin Mai'n Tumhari Yado'n Ki Khushbu Basi Hui Hay...Mairay Tasawwur Ka Lala Zaar Aaj Bhi Usi Tarha Maihek Raha Hay ... Tumhari Yaad Ka Mosam Na Mujhay Tanha Honay Daita Hay Owr Na Hi Udaas...Tumhari Sangat Mai'n Jo Gulaab Mai'n Nay Kasheed Kiye Thay Woh Aaj Bhi Usi Tarha Maihek Rahay Hai'n...Chashm-e-Beena Rakhnay Walay Hairan Hotay Hai'n Kay Mai'n Kiyu'n Her Lamha Khush Baash, Hansti Khilkhilati Nazar Aati Hoo'n Jab Kay Ba'Zaahir Koi Aik Bhi Wajha-e-Khushi Unhai'n Nazar Nahi Aati..Bhala Woh Kiya Janai'n Kay Tum Nay Mairay Wujood Ko Kin Kin Rango'n Say Maihkaya Hay?...Maira Ang Ang Kiyu'n Mehka Rehta Hay? Tumhari Yaad Say Mehkay Gulabo'n Ki Mehek Mujh Mai'n Is Tarha Rach Bass Chuki Hay Kay Ab Mujhay Koi Khushbu Nahi Bhaati ...Na Hi Koi Zaroorat Hi Rahi..Loge Kehtay Hai'n Kay '' Phir Bahaar Aai Hay '' Mai'n Muskura Uthti Hoo'n Kay Bahaar Bhala Rukhsat Hi Kab Hui Thi?
Shayed Koi Shaair Mujhay Hi Yeh Shair Sonp Gaya Hay..

'' Us Par Kabhi Na Aaey Khiza'n Rabb Say Hay Dua ''
'' Jo Gul Khilaya Tu Nay Mairay Dil Kay Baagh Mai'n ''

[imported_naz]

[Haya n]

Us Par Kabhi Na Aaey Khiza'n Rabb Se Hai Dua
Jo Gul Khilaya Tune Mere Dil K Baagh Mai'n

.