09-20-2010, 10:27 PM
" Jis ki laathi ,
Uss ki bhains "
Prof Riffat Mazhar
Hafiz Mumtaz Ahmed jo k Multan k rehne wale hain .
sazaey mout k qaidi hain.onhon ne bataya k aghwa
karon ne on k 9 sala lakht e jigar Danish Mumtaz
ko aghwa baraey tawan kr liya hai.
yeh khabar Hafiz Mumtaz Ahmed ne 17 Feb. 2009 k
akhbar mein parhi.Danish Jami'a Khair ul madaras
ka talib e ilam hai.2 mulzim Police ne giraftaar
bhi kar liye.magar Danish ko dastyaab nhi kar sake.
halan k mulzimon k bare mein sab ko pata bhi hai.
baap bebas o lachaar sazaey mout ka qaidi hai aur
aghwa kaar barabar tawan ka mutaliba kar rahe hain.
aur saath yeh dhamkiyan bhi day rahe hain k agar
tawan adaa na kiya gya aur muqadma wapas na liya
gya tu woh danish ko qatal kar dein gae .kitne
ta'jub ki baat hai k mulzamou ki nishan dahi k
bawajood onn ko Police ne itni khuli chhuti gay
di gaee hai k unn ko giraftaar nhi kiya ja raha .
aur na hi bachay ko baraamad...
inn mulzamaan ka ta'aluq Muzafar garh se hai.
yahan se ta'aluq rakhne wale syasi leaders yanii
MNA n MPA case mein madakhlat kar rahe hain.
baqi k mulzaman ko bhi inhi leaders ne apni pana
mein rakha hua hai.Aala hukaam ko chahye k iss waqia
ka fouri tour par notice le ...onn ko qarar waqaee
saza bhi dein...Allah kare k Dinish sahi salamat ho ....
leikin yeh sab hona aasan kaam nhi hai ...
yahan tu ropayyaa aur asrr o rusookh bolta hai .
ghareeb bechara tu zulm ki chakki mein piss raha hai ...
oss ki qismat mein insaaf kahan ?
Qanoon tu ameeron vazeeron k ghar ki bandhi hai ...
kyon k
"Jis ki laathi , Uss ki bhains
