zara Si khushi ...!

[imported_naz]

zindagi bhi kitni ajeeb hai na....hamein pata hi nahi chalta kis pal khushi ki barish ho kis pal gham kai badal cha jain....haan aisi hi hia zindagi...dhoop chaoon ankh machooli chalti hai donon mein....kabhi aik khushi to kabhi gham mein nai bhi kuch din pehlai aisai hi mehsoos kiya tha....janai us din kya hua tha...subha ki kirnain jab jaganai ain to aik ajeeb sa khayal aik ajeeb si udasi chai hui thi ..jab kai us ki koi wajah hi nahi thi mein samajh nahi pai kai kirnain udas kyon kar gain ...mujhe woh waqt sab sai acha lagta hai..jab kirnain aap kai chaar soo hoon naram naram dhoop ho lekin ye din kuch ajeeb hi tha...yehi soch soch kar thak gai kai janai ab kya hoga...kai baar koshish ki kai dil ko badal doon...koi aur rang koi aur tarang ai lekin ye hua na...us din do alag alag batain huain..

shaam kai sai jab chaar so phail rahai to aisai hi aik dost ki yaad ai mein nai socha un sai khairiat ka maloom karloon so un sai baat ki....magar woh dost...janai kis khayal mein thai...aik dam hi baat kartai kartai andaz rang sab hi badal gai....mein to thori si khushi mehsoos karnai lagi thi woh bhi khatam hogai..phir yehi sochti rahi kai insaan kai kitnai rang hain...jo bhi ho kabhi bhi aik rang samnai nahi ata....abhi isi kai sehar mein thi kai kisi ki sargoshi sai kisi ki pukar sai mausam badal gaya...achanak laga jaisai barish hui ho aur sara sama dhul gaya ho sab kuch alag lagnai laga tha...aur ye sab us dost ki badolat hua jis nai janai kaisai jana tha kai mujhe us ki zaroorat hai... itnai arsai baat jab un ki awaaz suni to yakeen hi nahi aya..kuch shikayatain theen kuch narazgi thi jo woh door karnai mein lagai thai har pal har lamhai kai baaad kehtai kai mein to nahi bhoola...kuch nahi bhoola aur meri yehi takraar thi kai bhool gai kafi dair dil behlatai rahai shayad jaan gai thai kai dil udas hai janai unhain kaisia khabar ho jati hai meri...mein aaj tak nahi samajh pai... bas unhain khabar ho jati hai....jab tak baat kartai rahai yehi kehtai rahai kisi ko bhool jaoon tumhein nahi bhooloonga ajeeb hain woh bhi ...jatai jatai bhi bas yehi kaha suno diya kisi pal kisi lamhai udas mat hona mein chahta hoon hamesha hansti raho khush raho... dekha na kaisi mushkil mein daal gai hain...ab har pal har lamha koi kaisai khush ho sakta hai lekin mein ab jab bhi udas hoti hon to un ki batain yaad karti hoon aur yunhi lagta hai jaisai woh samnai hoon aur keh rahai ho dekho diya udas mat hona bas khush rehna hansti rehna.... kitni ajeeb hai na ye zindagi kaisai aik pal mein gham aik pal mein khushi

[$@GH@R]

:rose V.NICE WORK DEAR :rose

[ravail]

haan waqe ajeeb hai ye zindagi kabhi hansi aur kabhi udasi aur kabhi ansu

[merayaanso]

bohat zabardast naazo........ MashaAllah bohat acha likhti ho

[HhAaYyAa]

very nice:x :x :x

[imported_misbah]

Really very good