03-19-2006, 03:33 PM
kabhi kissi andhay ko daikha hai.. uss ko kissi anjaan rah pay choor do.. bina kissi sahaaray kay.. thookrain khata hai.. rah dikhaye nahi daiti.. kabhi kaheen baith jaata hai.. kabhi uth kissi aur chalnay lagta hai.. ankhoon pay patiyaan see bandh loo kabhi chaloo uss tarhaan tu janoo.. kuch sujhayee nahi daita.. kuch dikhayee nahi daita.. waqat guzarta nahi hai.. kabhi kaheen baithnay ko dil karta hai.. tu kabhi uth chalnay ko machal jaata hai.. koi haath thama dai tu thaam laita hoon.. kabhi thokar lagay gir parta hai.. kapray jharta hai.. hansta hai bay kasi pay apni.. siskiyaan sunayee kisay daitee hain.. chup rehta hai.. phir say chalnay lagta hai.. koi daira hai .. aghaaz nahi jis ka anjaam koi nahi hai.. buss challay jana hai.. waqat hai na.. nahi kat'ta .. buss issi ko tu kat'tna hai.. kabhi jee mein aata hai kay yeah jo door see bandhi hai iss ko hee kaat phainkoon.. par janay kahaan say soya woh buzdil shakhas jaag uth'ta hai.. rook laita hai.. dhaa jata hai.. aur sa'hay jaata hai.. sa'hay hee chala jaata hai.. koi manzar nahi hai.. koi manzil nahi hai.. rasta hai gar koi.. nishaan koi nahi hai.. awazain hain hazaar.. chahray hain kayee.. naqash koi nahi hai.. bus saddain he saddain hain.. jo har pal hee rullain hain.. aisay mein naam lay.. koi pukaar lay.. lagta hai jaisay... manzil hai yeahee.. ik pal mein hee.. sadiyoon say lamba.. khawb ban'nay lagta hai.. kaanch say bana ik bloori khawb.. beenayee say mehroom loug.. kitni dair chaltay hain..? kitni door chaltay hain..? kayee thokrain lagti hain.. hazaar baar girtay hain... aisay mein woh khawb baloori.. hathoon say gir parta hai.. kirchi kirchi hoo jata hai.. rahoon mein bikhar jaata hai.. har barhtay kadam sang.. jism mein utarta jata hai.. kuch haat nahi rehta.. khoo jata hai sab.. hazar awazoon kay beech mein.. khamoosh khaa'la mein kissi.. jo bhar kay nahi daiti.. Iss kadar mayoosi mein.. iss kadar andhairay mein.. kis taraf ko jayain hum.. kay apna aap payain hum.. ? Aapna nahi milta koi.. kitni parchaiyaan hain magar.. paas kabhi jo aa jaye.. apna samajh laitay hain hum.. ik lamkay ko millay kabhi.. woh roshni kay jis mein hum.. apna aap nehaar sakain.. naqoosh jo khoo rahay hain.. un ko he sanwar sakain.. uss aik lamhay ko.. sab samajh laitay hain hum..!! palak jhapkain guzar jatay hain lamhay.. aur lout'tay hain hum.. phir unhee andhairoon ke aur ko.. naseeb mein hain jo likhay howay.. kitna anjaan lagta hai sab.. sadiyoon kay safar kay baad.. ussi muqaam pay pohanchna.... challay thai kabhi jahaan say hum.. dairoon mein banay yeah rastay.. aur in mein rehti parchaiyaan.. millain jo tum ko kabhi raah mein.. rasta badal laina kay yeah.. pass apnay bulla kay tum ko.. beenaye cheen lain gi tum say.. parchayee ban jaoo gi tum bhi.. jaisay kay aaj bana baitha hoon mein.. !!