AaNkhoN se ab woh KHwaab chhupaayaa nah jayega

[ishtiaq zain]

Haq kya hai kab talak yeh bataayaa nah jayega
Such Khud hi boltaa hai chhupaayaa nah jayega

Kal raat koii milne ko aaya tha khuwaab meN
AaNkhoN se ab woh Khuwaab bhulaayaa nah jayega

Dil meN kisee ka Gham jo basaaye huvay haiN hum
Ik qarz hai jo hum se chukaayaa nah jayega

Hum ne lahuu se dil ke jalaayaa hai yeh diyaa
"PhookoN se yeh chiraaGh bujhaayaa na jayega"

RuuThe thay tum to hum ne manaayaa hazaar baar
Kya tum se aik baar manaayaa nah jayega?

Woh hum se apna haath chuRaa leN yeh aur baat
Hum se to apna haath chuRaayaa nah jayega

Woh shauq se ghamoN ki numaa.ish kareN magar
Hum se to dil ka zaKhm dikhaayaa nah jayega

:Qassim: ga'ee jo dhoop to hum shaad ho gaye
Hum yeh samajh rahe thay keh saayaa nah jayega

Khaaksaar,

Qassim Mirza :Qassim:

[imported_nailahkb]

Very Nice
Very Gooooooooood
Good Jooooooob

[Shahani]

Nice..................

[life.]

nice..............