Asslam O Alaikum

[hotkhan]

fikr ki taufeeq hai nay taaqat-e-guftaar hai
dil ko phir bhii aah-o-zaarii par ajab israar hai


ilm-o-fan, mashq-e-suKhan aur aagahee kaafii naheeN
she'r kehne ke liye kuchh aur bhi darkaar hai


bazm-e-hastii ke mu'amme kaun samjhaaye kise?
yeh ko'ii maktab naheeN, yeh aalam-e-asraar hai


yeh woh Khitta hai samaNdar bhii jahaaN pyaase rahe
yeh woh bastii hai maseehaa bhii jahaaN beemaar hai


yeh woh gulshan hai jahaaN shaakheN bhi shamsheereN hu'eeN
yeh woh khetii hai jahaaN baadal bhi sho'la-baar hai


kyaa zaroori hai k har shai Theek daamoN meiN bikey
yeh ko'ii maNDii naheeN, yeh Misr-ka-baazaar hai


aashiqii se to kayee barsoN ka thaa ukhRaa hu'aa
"ziNdagii se bhii miraa jee in dinoN be-zaar hai"!


daf'atan bazm-e-tasawwur meiN chiraaGhaaN saa h'uaa
yaa koi bijlii girii yaa taabish-e-ruKhsaar hai


phir gulistaan-e-vafaa meiN sarsaraahaT sii hu'ii
yaa naseem-e-sub'h-gaahii yaa tirii raftaar hai


phir mire qasr-e-tamanna meiN bajeeN shehnaaiyaaN
phir kaheeN naGhma-saraa paa-zeb ki jhankaar hai


phir dimaaGh-o-dil pe chhaa'ee kaif-o-mastii ki ghaTaa
phir nigaahoN meiN wuhii aks-e-jamaal-e-yaar hai


sun ke merii she'r-kh(w)aanii us paree-vash ne kahaa
shaa'irii achchhii hai lekin aadmii be-kaar hai!

[Editor]

Thank you for sharing hotkhan - Regards, Editor Urdu Poetry Forum...

[asifshahzad]

kyaa zaroori hai k har shai Theek daamoN meiN bikey
yeh ko'ii maNDii naheeN, yeh Misr-ka-baazaar hai


wha kia batt hi buhat umdha sharing

[WorThless]

Excellent MASHALLAH i was just a visitor and now i think i'll be more active now,

Mujhey yeh kehna tha k Qisas-ul-Anbiya ka silsala shuru kya jaye yaa aik alag section banaya jaye i mean i would be the constant reader of it aur loag bhi share karein gey aur phir kitab bhi hey Qisas-ul-anbiya us ki sharing bhi ho gi toh acha rahey ga... just a suggestion and may be in the wrong section as well