03-19-2006, 08:09 PM
[size=3][color=Navy]mujhe nahi pata ye kya hay ... kahani hay bhi ya nahi per bas mera dill chah raha tha so likh diya
Bari zor ka dhachka laga tha .... wo sotey sey uth betha khair so tu waise bhi nahi raha tha bas zara si ong aa gai thi use .... shaid koi station aaya tha ... train k dabbe main kuch nay log aay aur kuch chalay gai .. un ki manzil aa gai thi ... us nay har bara k aankahin kholeen khirki sey bahar jhanka madham madham roshni thi bahar.... itne main train dobara chalna shru ho gai... us nay dobara aankhain band kar leen k neend ka silsila waheen sey jor sakey jahan sey munqata howa tha... magar kai saa'atain guzarne k ba-wajood neend aankhoon main na aai... tu us nay aankhain khol deen apney charoon or jaiza lene laga... kuch musafir duniya o mafiha sey bakhabar zor zor sey kharratey ley rahe they jab k kuch mehez ongne pe hi iktafa keye howe they.... usey ghabrahat ka sa ehsaas hone laga... us nay ghabra k aankhain khirki sey guzartey manzr per laga deen per wahan bhi sirf tareeki ka raaj tha ... door door tak undhaira aur sirf undhaira....
unhi khaloon main taktey taktey na jane kab wo aaj sey bohat peechey chala gaya... khirki sey bahar kaheen ghup undhairey main door aik roshan nuqtey main us ka maazi muskura raha tha.... wo bargad ka ghana darakht jis ki chaoo.n main wo sara sara din dostoo k saath mukhtalif khail khaila karta tha ... us ki nazar k samene aa gaya tha us nay socha Khuda jane ab wo darkhat kitna ghana ho gaya ho ga aur us k dost wo tu sab usi ki tarha borhey ho chuke hon gai ab tak... wo muskura utha usi pal us ki nazar us pari chehra pe pari jo kabhi us ki saari qainaat thi.... chacha kehta tha k wo us ki mang hay... per waqt nay maang main aisi dhool bhari k kisi ko kisi ki khabr na rahi.... pata nahi ab wo zinda bhi ho gi ya ... is sey agey wo na soch saka.... aj wo porey tees saal baad apney gaoon ja raha tha ... dill tha k qabo main hi na aa raha tha wo soch raha tha k ye safar kab khatam ho ga kab wo us matti ko cho sake ga jis ko bachpan main bohat phanka karta tha... sainatiss (1947) main jab fasadaat nay zor pakra tu wo Pakistan aa gaya tha ... sab dost yaar bhai behen waheen reh gai they aur aaj wo tees saal baad apne dess main pardesi k rop main ja raha tha .... ye nahi tha k wo apney nay dess main khush na tha per kuch khooni rishtey they, kuch dill k rishtey jo usey apni or bulatey they ... per waqt nay ijazat hi na di kabhi ... ab sab faraiz sey farigh howa tu socha wahan jay jahan kabhi us ka sab kuch tha....
akhir rail gari us k matloba station pe ruki ... wo josh o kharosh k saath apni manzil ki janib rawaa.n tha... per ... wo us ka gaoon ... wo waisa nahi tha jaisa wo usey chor k gaya tha... wo sarey rishtey wo nahi rahe they jaisa wo unhain chor k gaya tha
Bari zor ka dhachka laga tha .... wo sotey sey uth betha khair so tu waise bhi nahi raha tha bas zara si ong aa gai thi use .... shaid koi station aaya tha ... train k dabbe main kuch nay log aay aur kuch chalay gai .. un ki manzil aa gai thi ... us nay har bara k aankahin kholeen khirki sey bahar jhanka madham madham roshni thi bahar.... itne main train dobara chalna shru ho gai... us nay dobara aankhain band kar leen k neend ka silsila waheen sey jor sakey jahan sey munqata howa tha... magar kai saa'atain guzarne k ba-wajood neend aankhoon main na aai... tu us nay aankhain khol deen apney charoon or jaiza lene laga... kuch musafir duniya o mafiha sey bakhabar zor zor sey kharratey ley rahe they jab k kuch mehez ongne pe hi iktafa keye howe they.... usey ghabrahat ka sa ehsaas hone laga... us nay ghabra k aankhain khirki sey guzartey manzr per laga deen per wahan bhi sirf tareeki ka raaj tha ... door door tak undhaira aur sirf undhaira....
unhi khaloon main taktey taktey na jane kab wo aaj sey bohat peechey chala gaya... khirki sey bahar kaheen ghup undhairey main door aik roshan nuqtey main us ka maazi muskura raha tha.... wo bargad ka ghana darakht jis ki chaoo.n main wo sara sara din dostoo k saath mukhtalif khail khaila karta tha ... us ki nazar k samene aa gaya tha us nay socha Khuda jane ab wo darkhat kitna ghana ho gaya ho ga aur us k dost wo tu sab usi ki tarha borhey ho chuke hon gai ab tak... wo muskura utha usi pal us ki nazar us pari chehra pe pari jo kabhi us ki saari qainaat thi.... chacha kehta tha k wo us ki mang hay... per waqt nay maang main aisi dhool bhari k kisi ko kisi ki khabr na rahi.... pata nahi ab wo zinda bhi ho gi ya ... is sey agey wo na soch saka.... aj wo porey tees saal baad apney gaoon ja raha tha ... dill tha k qabo main hi na aa raha tha wo soch raha tha k ye safar kab khatam ho ga kab wo us matti ko cho sake ga jis ko bachpan main bohat phanka karta tha... sainatiss (1947) main jab fasadaat nay zor pakra tu wo Pakistan aa gaya tha ... sab dost yaar bhai behen waheen reh gai they aur aaj wo tees saal baad apne dess main pardesi k rop main ja raha tha .... ye nahi tha k wo apney nay dess main khush na tha per kuch khooni rishtey they, kuch dill k rishtey jo usey apni or bulatey they ... per waqt nay ijazat hi na di kabhi ... ab sab faraiz sey farigh howa tu socha wahan jay jahan kabhi us ka sab kuch tha....
akhir rail gari us k matloba station pe ruki ... wo josh o kharosh k saath apni manzil ki janib rawaa.n tha... per ... wo us ka gaoon ... wo waisa nahi tha jaisa wo usey chor k gaya tha... wo sarey rishtey wo nahi rahe they jaisa wo unhain chor k gaya tha