01-09-2007, 05:02 PM
[B][color=blue]'' Rabia Mai'n To Soch Rahi Hoo'n Kay College Say Aik Maheenay Ki Chutti Hi Kar Loo'n, Sach Dhoop Mai'n Tapp Tapp Kay To Maira Rang Hi Jal Gaya Hay.Bhala Chotay Mamoo'n Ki Shaadi Mai'n Khaak Achi Lagoo'n Gi Mai'n?'' Shabana Nay Jhunjhla Kar Gharee Daikhi Owr Phir Say Rabia say Mukhatib Ho Gai '' Is Bus Nay To Mazaaq Hi Bana Liya Hay Ghanta Ghanta Bhar Bus Stop Par Saro Tab Ja Kar Dhuwa'n Urati Chali Aati Hay Owr Woh Bhi Itni Bhari Hui Kay Ba'Mushkil Paa-e-Daan Par Hi Panjay Tiktay Hai'n ''
Rabia Hans Hi To Pari '' Kiya Baat Hay Shabana Aaj To Bouhat Koelay Chabaey Ja Rahay Hai'n? Zahir Hay Kay Garmiya'n Hai'n To Phir Taiz Dhoop To Niklay Gi Hi Na, Ab Is Mosam Mai'n Rim Jhim Phuwar To Parnay Say Rahi Owr Haa'n Khabar'Daar Jo Tum College Say Chutti Ka Khayaal Bhi Dil Mai'n Laei'n? Tumharay Chotay Mamoo'n Ki Shaadi Mai'n Abhi Pooray 4 Maheenay Baaqi Hai'n Owr Tum Yoo'n Hawaas Baakhta Ho Rahi Ho Jaisay Kal Hi Un Ki Baraat Rawana Ho Rahi Ho...Aray Woh Daikho Bus Aa Rahi Hay... Chalo Aagay Barho Owr Dhakka Daiti Hui Andar Ghusnay Ki Koshish Karo Hamai'n To Waisay Bhi Aakhri Stop Par Utarna Hay ''...Owr Woh Dono'n Bus Mai'n Sawaar Honay Ki Koshish Mai'n Lag Gaei'n...
Rabia Owr Shabana Aik Hi Ilaqay Mai'n Rehti Thee'n...Un'ki Dosti Ko Saal Honay Ko Tha..Dono'n Mai'n Tabqaati Farq Baihar Haal Mowjood Tha...Rabia Achay Khatay Peetay Gharanay Ki Larki Thi Owr 3 Bhaiyo'n Ki Iklowti Baihen Thi..Us Kay Walid Ka Chand Saal Paihlay Intiqaal Ho Chuka Tha Laikin Teeno'n Bhaai Bairoon-e-Mulk Muqeem Thay Owr Achi Tankhahai'n Lay Rahay Thay Is Liye Paiso'n Ki Taraf Say Koi Kami Na Thi..Walida Bhi Apna Boutique Chala Rahi Thee'n Owr Shandaar Furnished Zaati Banglow Mai'n Rehaish Pazeer Thee'n...Rabia Kabhi Driver Kay Saath College Jaati Owr Agar Walida Ko Gaari Ki Zaroorat Hoti To Bus Say Ghar Aa Jati Waisay Bhi B.A Kay Baad Us Ka Irada Aagay Parhnay Ka Na Tha Bal'Kay Woh Bhi Walida Kay Saath Boutique Mai'n Hi Haath Batana Chahti Thi...
Shabana Go Kay Rehti To Usi Ilaqay Mai'n Jaha'n Rabia Rehti Thi Laikin Safaid Posh Tabqay Say Taaluq Rakhti Thi..3 Baihno'n Mai'n Us Ka Number Aakhri Tha Owr Bhai Abhi Matric Mai'n Parh Raha Tha..Kanjoosi Ki Hadd Tak Amma'n Saleeqa Mand Thee'n Owr Abba Ka Bhi Yahi Haal Tha..Shabana Ka B.A Kay Baad Aagay Parhnay Ka Irada Tha..Us'Kay Khuaab Wahi Thay Jo Is Umar Ki Aksar Larkiyo'n Kay Hotay Hai'n..Khoobsurat, Ameer Kabeer, Iklowta Owr Jaa'n Nisaar Karnay Wala Showhar Jo Majaal Hay Kay Kisi Bhi Baat Say Inkaar Kar Day..3 Mamuo'n Ki To Shadiya'n Ho Chuki Thee'n Ab Chotay Mamoo'n Ki Shaadi Hona Thi Jo Jagg Kay Chotay Mamoo'n Thay...Un'Kay Liye Sab Nay Chalni Mai'n Chaan Kar Dulhan Talaash Ki Thi Owr Ab Zor.o.Shor Say Tayaariya'n Jaari Thee'n..Shaadi Lahore Mai'n Thi Jab'Kay Shabana Ki Family Karachi Mai'n Rehaaish Pazeer Thi...
'' Kiya Baat Hay Aaj Khilaf-e-Mamool Tum Bouhat Khaamosh Ho?'' Rabia Nay Free Period Mai'n Shabana Ko Gum'Sum Daikh Kar Poocha...Shabana Nay Thandi Saans Bhari '' Haa'n Baat Hi Kuch Aesi Hay ''
'' Aray Pata Bhi To Chalay Kay Aakhir Baat Kiya Hay?'' Rabia Nay Kureda...
'' Rabia Tum To Jaanti Hi Ho Kay Yeh Hamaray Nanhiyaal Ki Aakhri Shaadi Hay Owr Phir Tum Ko Pata Hi Hay Kay Chotay Mamoo'n Ki Honay Waali Susraal Mai'n Khoobsurti Waafir Miqdaar Mai'n Mowjood Hay..Khoobsurti Kay Ilawa Dowlat Bhi Wirsay Mai'n Sab Ko Mili Hay..Ab Daikho Na Aakhir Hamari Bhi To Aik Na Aik Din Shaadi Hona Hi Hay To Phir Kiya Haraj Hay Agar Ham Teeno'n Baihno'n Ki Shaadi Chotay Mamoo'n Ki Susraal Mai'n Hi Tay Ho Jaey..
Daikho Na Ham Teeno'n Baihno'n Ka Naak Naqsha Kis Qadar Khoobsurat Hay Laikin Rang Say Maar Kha Gaey Hay...Baal Hai'n Kay Shaano'n Say Aagay Hi Nahi Barh'Tay..Ghanay Owr Khoobsurat Hai'n To Kiya Huwa? Lambay To Nahi Hai'n Na?...Amma'n Say Kisi Beauty Cream Ka Kaihna To Apni Shaamat Ko Awaaz Daina Hay...Bas Mai'n To Yeh Chahti Hoo'n Kay Chotay Mamoo'n Ki Shaadi Mai'n Ham Baihnai'n Poori Maihfil Par Chaa Jaei'n Owr Kisi Doosray Ki Daal Na Galay..Ham Lahore Say Mangni Ki Anguthiya'n Paihan Kar Hi Karachi Wapas Aaei'n ''
Rabia Nay Ba'Mushkil Apni Jalan Chupaai..Is Mai'n Shak Nahi Tha Kay Shabana Owr Us Ki Baihno'n Kay Naak Naqshay Bay'Had Teekhay Owr Khoobsurat Thay..Sanwlay Rang Mai'n Bhi Bay'Inteha Kashish Thi.. Baal Chotay Thay Laikin Bouhat Ghanay Owr Khoobsurat Thay..Jab'Kay Rabia Bouhat Khoobsurat Shafaaf Owr Gulabi Si Jild Rakhnay Kay Ba'Wajood Chaptay Naak Naqshay Samait Zara Bhi Pur'Kashish Na Lagti Thi...Baal Kamar Tak Lambay Thay Laikin Bouhat Patlay Thay Jaisay Kaali Rassi Latak Rahi Ho...Woh Dil Hi Dil Mai'n Shabana Say Jalti Thi Laikin Ba'Zahir Dosti Ka Dam Bharti Thi...
Shabana Nay Hamaisha Ki Tarha Hasrat Say Rabia Ki Gori, Khoobsurat Jild Ko Daikha Owr Hamaisha Ki Hi Tarha Hasrat Say Boli... '' Kaash Mairi Jild Tumhari Tarha Gori Owr Khoobsurat Hoti..Kaash Mairay Baal Bhi Tumhari Tarha Kamar Tak Hotay Laikin Apni Aesi Qismat Kaha'n Kay......?''
Rabia Achanak Kisi Khayaal Say Dil Hi Dil Mai'n Muskura Uthi Laikin Sanjeedgi Say Boli...'' Daikho Shabana Mai'n Koi Paidaishy Itni Khoobsurat Jild Ki Malik Nahi Thi...Na Hi Mairay Baal Shuru Say Hi Lambay Thay Aray '' Umr Guzri Hay Is Dasht Ki Sayyahi Mai'n '' Tab Ja Kar Yeh Sab Mila Hay Owr Tum Chahti Ho Kay Baghair Kisi Maihnat Kiye Tum Sab Kuch Haasil Kar Lo To Aesa Bhala Kis Tarha Kaam Chalay Ga? Agar Tum Himmat Karo To Mujh Say Bhi Khoobsurat Jild Ki Malik Ban Sakti Ho ''....Rabia Nay Makkari Say Shabana Ko Daikha...
'' Sachhh'' Shabana Ki Aankho'n Mai'n Charagh Say Jal Uthay '' Please Rabia Mujh Par Yeh Tumhara Bouhat Bara Aehsaan Ho Ga, Batao Na Kaisay Yeh Mumkin Hoga? Mai'n To Rozana Hi Naey Naey Nuskhay Aazmati Hoo'n Laikin Ham Teeno'n Baihnai'n Waisi Ki Waisy Hi Sanwli Hai'n Please Tum Hamari Help Karo Na..Batao Na Kaisay?''...Shabana To Bay'Qaraar Hi Ho Baithi...
'' Daikho Shabana Mairay Pass Aik Teer Ba Hadaf Nuskha Mowjood Hay Jo Kay Sasta Bhi Hay Owr Aazmooda Bhi Hay..Raat Sotay Waqt Is Ka Laip Face Par Kar Kay So Jana Owr Subha Qabil-e-Bardasht Hadd Tak Garam Paani Say Moo'n Dho Laina...Shuru Shuru Mai'n Tum Ko Apni Jild Khinchi Hui, Sukri Hui Mehsoos Ho Gi Us Kay Kuch Arsay Baad Face Par Daanay Nikal Aaei'n Gay Phir Mumkin Hay Kay Un Mai'n Peep Bhi Par Jaey Laikin Tum Nuskhay Ko Jaari Rakhna ...Rafta Rafta Yeh Danay Sookh Kar Jhar Jaei'n Gay...Murda Jild Utar Kar Nai Jild Namoodaar Ho Jaey Gi Jo Kay Bouhat Khoobsurat Hogi Jaisay Nou'Molood Bacho'n Ki Hoti Hay...Aesi Kay Kisi Make-Up Ki Zaroorat Hi Nahi Paray Gi....Yeh Jo Bazaar Mai'n Maihngi Creamai'n Waghaira Hoti Hai'n Na Yeh Sirf Us Waqt Tak Faaeda Karti Hai'n Jab Tak In Ka Istimaal Jaari Rakho..Owr Jaisay Hi Cream Choro To Jild Paihlay Ki Tarha Ho Jati Hay Laikin Jab Tak Hamaray Khoon Ki Kasafat, Gandagi, Owr Mawaad Waghaira Bahar Nahi Niklay Ga Maamla Waisa Hi Rahay Ga Na...
Owr Haa'n Suno Agar Laip Karnay Kay Baad Face Par Jalan Maihsoos Ho To Samajh Laina Kay Nuskha Tum Ko Suit Kar Gaya Hay Owr Apna Asar Kar Raha Hay....''
Rabia Nay Aik Ghanta Jild Kay Baray Mai'n Taqreer Kar Kay Shabana Ko Poori Tarha Apnay Hisaar Mai'n Lay Liya....
'' Owr Yaqeen Karo Chotay Mamoo'n Ki Shaadi Tak To Tum Teeno'n Baihnai'n Paihchaani Nahi Jaao Gi....Abhi To 4 Maheenay Paray Hai'n Itnay Arsay Mai'n To Inqilaab Aa Jaey Ga...Aray Tum Nay Ab Poocha Hi Hay To Balo'n Ka Bhi Bata Hi Doo'n...Kamar Tak To Nahi Laikin Phir Bhi Baalisht Bhar To Barh Hi Jaei'n Gay...Shuru Mai'n Tum Ko Baal Bay Wazan Mehsoos Ho'n Gay..Beemar Baal Jhar Jaei'n Gay Jo Doosray Baalo'n Ko Barhnay Say Rok Rahay Hai'n...Tum Bilkul Fikar Na Karna...Kamzor Balo'n Kay Jhartay Hi Naey Baal Itni Taizi Say Ugai'n Gay Owr Doosray Balo'n Ko Barhnay Mai'n Madad Dai'n Gay Kay Tum Hairaan Hi Reh Jao Gi Bal'Kay Mai'n Ammi Kay Boutique Say Sastay Kapray Bhi Dilwa Doo'n Gi...Mai'n Nay Pichlay Hi Haftay Packing Kholi Hay..Tum Say To Aik Paisay Ka Bhi Profit Laina Haraam Hi Ho Ga..Apni Amma'n Ko Bas Kisi Tarha Mana Laina... Fi Jora Mai'n Tum Ko 3000 Ka Ammi Say Zidd Kar Kay Dilwa Doo'n Gi... Ab Taadaad Tum Khud Bata Daina Kay Kitnay Joray Teeno'n Baihno'n Kay Liye Kaafi Ho'n Gay?''
Maaray Khushi Kay Shabana Rabia Say Lipat Gai Owr Jazbaat Ki Shiddat Say Aankhai'n Aansuo'n Say Bhar Gaei'n...Us Nay To Kabhi Boutique Ka Jora Khuaab Mai'n Bhi Nahi Paihna Tha... 3000 Hazaar Fi Jora Pata Nahi Amma'n Dilwaei'n Gi Ya Nahi Ya Phir......
'' Aray Tum Kiya Sochnay Lagee'n?'' Rabia Nay Shabana Ko Hilaya......
'' Nahi...Kuch Nahi .... Yeh Lo Mairi Note Book Is Par Tum Jaldi Say Jild Owr Baalo'n Kay Liye Nuskha Likh Do ''
Rabia Khafa Ho Gai '' Aray Shabana Kaisi Batai'n Karti Ho Mai'n To Istimaal Karti Hi Hoo'n Do Teen Din Mai'n Tum Ko Bana Kar La Doo'n Gi Phir 4 / 5 Maah Baad Jab Yeh Khatam Ho Jaey To Dobara Istimaal Kay Liye Tum Khud Bana Laina..Sirf 1% Logo'n Ko Yeh Nuskha Suit Nahi Karta Warna 99% Ko Bouhat Faaeda Huwa Hay...Hamaray Nanhiyaal Owr Dadhiyaal Ki Sab Larkiya'n Yahi Istimaal Karti Hai'n Owr Sab Ko Hi Bouhat Suit Kar Gaya Hay..Sab Hi Khoobsurat Baalo'n Owr Khoobsurat Jild Ki Maalik Hai'n''
'' Haaey Rabia Kaash Tum Paihlay Bata Daitee'n To Ab Tak To Kab Ka Masla Hal Ho Gaya Hota '' Shabana Nay Apnay Haath Maltay Huway Bay'Taabi Say Kaha...
Woh Nervious Si Bay'Had Khoobsurat Lag Rahi Thi Apni Sanwli Rangat Owr Chamak'Daar Ghanay Baalo'n Samait Bouhat Pyari Lag Rahi Thi...Rabia Kay Dil Par Aari Si Chali...
'' Tum Nay Kabhi Itni Bay'Taabi Ka Izhaar Hi Nahi Kiya Tha Warna Mai'n Paihlay Hi Masla Hal Kar Daiti Waqaai Tum Bouhat Ziyada Sanwli Ho ....Acha Ab Tum Apni Amma'n Ko Raazi Karo Owr Teen Din Sabar Karo...Ab Mai'n Chalti Hoo'n Driver Bhi Aa Gaya Hay Bal'Kay Tum Bhi Mairay Saath Hi Chalo Paihlay Boutique Ka Aik Chakkar Laga Laitay Hai'n Phir Mai'n Tum Ko Ghar Chor Kar Khud Bhi Ghar Hi Jaau'n Gi ''
Shabana Ki Aankhai'n To Boutique Kay Kapray Daikh Kar Khuli Ki Khuli Hi Reh Gaei'n..Tag Par Lagi Qeematai'n Daikh Kar To Us Ka Rang Faqq Ho Gaya Koi Bhi Party Dress 5/6000 Say Kam Ka Na Tha... Us Nay Ghabra Kar Rabia Ki Tawajoh Is Taraf Dilwaai...
''Aray Pagal Yeh Qeemat Tumharay Liye Thori Hay? Jab Mai'n Nay 3000 Kaih Diya Hay To Bas 3000 Hazaar Hi Qeemat Samjho...Yeh Bhi Hamari Apni Cost Hay Tum Say To Ham Aik Paisa Bhi Profit Ka Nahi Lai'n Gay'''
Shabana Aehsaan Mandi Say Rabia Ko Taknay Lagi Us Ko Bhala Kaha'n Khabar Thi Kay Rabia Ki Ammi Sastay Dress Tayyaar Karwa Kar Teen Guna Profit Mai'n Farokht Karti Thee'n...Oonchay Tabqay Ki Saihal Pasand Khawateen Un Ki Mustaqil Custamor Thee'n...
Shabana Owr Us Ki Baihno'n Nay Yeh 3 Din Tarap Tarap Kar Guzaray..Amma'n Nay Boutique Kay Kapro'n Owr Un Ki Qeemato'n Par Woh Hangama Khara Kiya Kay Kaan Pari Awaaz Na Sunaai Daiti Thi..Teeno'n Baihnai'n Amma'n Say Mayoos Ho Kar Sir Jor Kar Baith Gaeei'n Kay Kiya Kiya Jaaey? Owr Kis Tarha Kam Az Kam Baraat Owr Waleemay Kay Liye To Boutique Kay Joray Aa Jaaei'n Mehndi Ki Khair Hay Us Ka Kuch Na Kuch Kar Hi Lai'n Gay...Laikin Masla To Yeh Tha Kay 18,000 Ki Khateer Raqam Kaha'n Say Aaey? Yeh Mamooli Raqam To Thi Nahi Owr Un Kay Liye Na Mumkinaat Mai'n Say Tha Kay Woh Boutique Kay Joray Haasil Kar Laitee'n..Aakhir Bari Aapa Nay Hi Tajweez Paish Ki Kay '' Saqib Ko Bahar Ruqayya Khala Kay Paas Bhaijnay Kay Liye Amma'n Nay Jo Paisay Jama Kiye Hai'n Ham Woh Hi Nikaal Laitay Hai'n...Abhi To Saqib Matric Mai'n Hay Inter Kay Baad Hi Amma'n Us Ko Bahar Bhaijai'n Gi Us Waqt Tak Kuch Na Kuch Intizaam Allah Kar Hi Day Ga..Kiya pata Hamaray Prize Bond Hi Nikal Aaei'n Jo Barso'n Say Yoo'n Hi Rakhay Hai'n Kabhi Aik Rupya Bhi Na Nikla ''...Tarkeeb Teeno'n Ko Pasand To Aai Laikin Woh Dar Bhi Bouhat Rahi Thee'n... Phir Yahi Socha Kay Kuch Na Kuch Allah Band.o.Bast Kar Hi Day Ga..Rabia Ko Dharka Laga Tha Kay Aesa Na Ho Rabia Ki Ammi Ka Irada Badal Jaaey Owr Itnay Khoobsurat Owr Sastay Joray Phir Haath Na Aaei'n.....Bari Tarkeebo'n Say Baray Sandooq Ka Taala Khola Gaya To Us Mai'n Sirf 12,000 Rakhay Thay Ab Bhi Pooray 6000 Kam Thay..Woh Phir Pareshan Ho Gaei'n...
Teeno'n Baihno'n Nay Amma'n Kay Jazbaat Ko Khoob Jhinjhora '' Amma'n Ab To Yeh Kufran-e-Naimat Hi Ho Ga Agar Aap 6 Joro'n Kay Liye 6000 Bhi Na Dai'n...Zara Sochiye..Chotay Mamoo'n Ki Susraal Kitni Ameer Hay... Ho Sakta Hay Kay Boutique Kay Khoobsurat Joro'n Ki Ba'Dowlat Waha'n Hamaray Rishtay Hi Tay Ho Jaaei'n...Libaas Say To Shaan Hi Doosri Ho Jaati Hay Owr Ab To Rabia Ki Ammi 6 Joray Sirf 6000 Mai'n Day Rahi Hai'n..Bouhat Hi Khoobsurat Owr Aala Maiyaar Kay Joray Hai'n..Aap Daikhai'n Gi To Daikhti Hi Raih Jaaei'n Gi ''...Gharaz Yeh Kay Teeno'n Nay Itna Shor Machaya Kay Amma'n Raazi Ho Hi Gaei'n Owr Kaih Diya Kay '' Apnay Abba Ko Na Batana Kal Hi Unho'n Nay Tankhuah Di Hay..Mai'n Kuch Na Kuch Kar Hi Loo'n Gi ''....Unho'n Nay Bag Mai'n Say Bara Khaaki Lifafa Nikaal Kar Hazaar Hazaar Kay 6 Note Laraztay Haatho'n Say Shabana Kay Hawaalay Kar Diye...
Larkiyo'n Kay Chaihray Khushi Say Yoo'n Chamak Uthay Jaisay Hazaar Hazaar Walts Kay Bulb Rowshan Ho'n...Teeno'n Khushi Say Paagal Honay Ko Thee'n..Phone Ki Taraf Lapkee'n To Waha'n Amma'n Yoo'n Khayalo'n Mai'n Gum Baithi Hui Thee'n Jaisay Chand Maah Baad Chotay Mamoo'n Ki Nahi Bal'Kay Un Ki Baitiyo'n Ki Shaadi Honay Waali Ho.....
'' Amma'n Mai'n Rabia Ko Phone Karti Hoo'n Woh Ham Ko Apni Car Mai'n Lay Bhi Jaaey Gi Owr Chor Bhi Jaaey Gi ''...Rabia Khushi Say Bharpoor Laihjay Mai'n Boli...Amma'n Nay Ijazat Day Di...
Joray Waaqai Bouhat Khoobsurat Thay...Amma'n Bhi Designing Say Bouhat Mutassir Hooei'n Colour Combination Bhi Ghazab Ka Tha....Amma'n Samait Woh Teeno'n Itna Khush Thee'n Jaisay Qaroon Ka Khazana Haath Lag Gaya Ho.....'' Agar Amma'n Nay Bara Sandooq Khol Liya To? ''...Shabana Nay Khud Ko Khowf'Zada Honay Say Roka Owr Phir Say Joray Choo Choo Kar Daikhnay Lagi...
'' Agar Amma'n Ko Pata Chal Jaaey Kay Yeh Joray 6000 Kay Nahi Bal'Kay 18000 Kay Aaey Hai'n To Woh Ham Teeno'n Ki Qabrai'n Ghar Mai'n Hi Bana Dai'n Gi ''...Bari Aapa Nay Khowf Say Jhurjhuri Lay Kar Jora Apnay Saath Laga Liya....
'' Rabia Ham Tumhara Shukria Lafzo'n Mai'n To Ada Kar Hi Nahi Saktay...Sach Tum Bouhat Hi Achi Ho '' Shabana Rabia Kay Galay Lag Gai.....
'' Aray, Tumhari Khushi Ko Daikh Kar Mai'n Bhi Khush Hoo'n Owr Yeh Lo Thaila...Is Mai'n Jo Safaid Bari Bottle Hay Woh Baalo'n Kay Liye Hay Owr Yeh Peela Dibba Face Kay Liye Hay..Raat Ko Yeh Face Par Laip Kar Kay So Jana Owr Subha Neem Garam Paani Say Face Dho Laina...Baalo'n Ka Sufoof Kisi Bhi Tail Mai'n Ghol Kar Rakh Lo Owr Baalo'n Mai'n Lagaao..Baal Dopattay Mai'n Lapait Kar So Jana Owr Subha Kisi Bhi Shampoo Say Dho Laina ''
Shabana Shukar Guzari Say Aik Martaba Phir Rabia Say Lipat Gai...
Raat Ko Teeno'n Nay Saada Paani Say Face Dho Kar Face Par Laip Kiya To Jalan Si Maihsoos Honay Lagi..Teeno'n Nay Aik Doosray Say Jalan Ki Tasdeeq Ki Owr Dil Mai'n Khushi Ki Laihar Si Uththi Kay Nuskha Kaam Kar Gaya Hay...Thouri Dair Mai'n Jalan Bardaasht Kartay Kartay Khayaalo'n Owr Khuabo'n Ki Waadiyo'n Mai'n Kho Gaei'n...
Subha Uth Kar Garam Paani Say Face Dhoya Owr Toliye Say Khushk Kiya To Face Kuch Surkh Sa Mahsoos Huwa Owr Rabia Kay Dil Mai'n Khushi Ki Klee Si Chitki...Laikin Jaisay Hi Face Khushk Huwa... Face Bouhat Khushk Ho Kar Jild Sukri Si Lagi...Teeno'n Nay Aik Doosray Say Is Kaifiyat Ko Share Kiya Kay '' Aik Martaba Mai'n Hi Faaeda Huwa Hay Owr Jaisa Rabia Nay Bataya Tha Bilkul Waisa Hi Maihsoos Ho Raha Hay ''...
Teeno'n Kamray Say Niklee'n To Amma'n Nay Kaha '' Aray Chaihray Itnay Khushk Owr Safaid Ho Rahay Hai'n Woh Bhi Is Mousam Mai'n?? Jaao Nivea Hi Laga Lo ''
Woh Teeno'n Muskura Kar Reh Gaei'n..College Mai'n Bhi Shabana Ko Aik Do Nay Toka Laikin Shabana Aetmaad Say Owr Rabia Khushi Say Muskurati Rahi...
Jaisay Jaisay Din Guzartay Rahay Un Kay Saanwlay Chaihray Siyaah Parnay Lagay..Peep Waalay Daano'n Say Chaihra Bhar Gaya..Kanghi Kartay Huway Hair Brush Baalo'n Say Bhar Jaata Owr Farash Par Baalo'n Kay Guchchay Girtay To Teeno'n Hairat Say Sochtee'n Kay Kiya Hamaray Saaray Hi Baal Beemar Hai'n?''.....'' Shukar Hay Bar'Waqt Ilaaj Shuru Kar Diya Warna To Ham Ganjay Hi Ho Jatay '' Teeno'n Bay'Had Muttma'in Thee'n Kay Khoon Ki Saari Kasafat owr Ghilazat Peep Owr Mawaad Say Nikal Rahi Hay Owr Beemar Baal Bhi Sab Jhar Rahay Hai'n Jald Hi Ab Un Ki Jagha Naey Baal Ugg Aaei'n Gay ''...
Jab Kay Amma'n Kay Dil Mai'n To Pankhay Lagay Huway Thay Kay Un Ki Baitiyo'n Ko Kiya Hota Ja Raha Hay? '' Aray Kisi Nay Kaala Jaadu To Nahi Kar Diya Mairi Baitiyo'n Par? Shayed Kaneez Nay Mairay Ghar Par Sifli Ki Haandi Phor Di Hay.. Woh Hamaisha Mairi Owr Mairay Bacho'n Ki Kaat Mai'n Lagi Raihti Hay '' Amma'n Ka Dhiyaan Apni Laraka Nand Ki Taraf Gaya Tha... '' Waisay To Jameela Bhi Bouhat Ghunni Hay Jab Say Mai'n Nay Bari Kay Rishtay Kay Liye Inkaar Kiya Hay Us'Ki Aankhai'n Tairhi Hi Raihti Hai'n '''...Ab Un Ka Dhiyaan Apni Jithaani Ki Taraf Gaya...
Abba Alag Hairat Say Baitiyo'n Kay Chaihray Par Africa Ka Naqsha Daikhtay...Lagta Tha Jaisay Saihra Mai'n Kaali Aandhi Chali Ho Owr Ab Gird Baith Rahi Ho...Chota Bhaai Saqib Bhi Hairat Say Daikhta Owr Sochta Kay Us Ki Itni Pyari Baihno'n Ko Kiya Ho Gaya Hay?
Amma'n To Maaray Howl Kay Chaarpaai Say Lag Gai Thee'n Kay Sirf 20 Din Shaadi Mai'n Raih Gaey Thay Owr Baitiyo'n Kay Chaihray Moti Choor Kay Phapoond Lagay Laddoo Banay Huway Thay...Baal Jhar Kay Podeenay Ki Gaththi Ban Chukay Thay Owr Aakhir Kaar Unho'n Nay Baitiyo'n Ki '' Khoobsurti '' Ka Raaz Rangay Haatho'n Pakar Hi Liya...
Shabana To Amma'n Kay Haatho'n Mai'n Latak Hi Gai Laikin Amma'n Nay Woh Sab Saath Liya Owr Fowran Hi Baitiyo'n Ko Lay Kar Skin Specialist Kay Paas Gaei'n Saath Mai'n Kuch Purani Tasweerai'n Bhi Lay Gaei'n...Doctor Nay To Sab Kuch Sun Kar Apna Sir Hi Pakar Liya... Sufoof Owr Cream Kay, Owr Un Teeno'n Kay Mukhtalif Tests Karwaey To Pata Chala Kay Kiya Kuch Woh Istimaal Karti Rahi Hai'n? Jis Kay Istimaal Nay Baalo'n Owr Skin Ko Khatarnaak Hadd Tak Nuqsaan Pohnchaya Tha... Ab Jo Bhi Ilaaj Hona Tha Woh Bouhat Diqqat Talab Owr Waqt Talab Tha...
Dr. Nay Medicines Owr Khaas Likh Kar Di....
Shabana Samait Baihno'n Ko Sakta Sa Ho Gaya Tha...
Doctor Nay Tasweerai'n Daikh Kar Afsos Say Sir Hilaya....
'' Aap Logo'n Ko To Allah Ka Shukar Ada Kartay Thakna Nahi Chahiye Tha....Aap Nay Apni Bay'Waqoofi Owr Na'Aaqibat Andaishi Say Khud Ko Khatarnaak Hadd Tak Nuqsaan Pohnchaya Hay...Mai'n Hairaan Hoo'n Kay 3 Maah Say Aap Yeh Nuqsaan Day Amal Kar Rahi Hai'n Owr Aap Ko Andaza Tak Na Huwa Kay Aap Kiya Thee'n Owr Kiya Banti Ja Rahi Hai'n? Aap Parhi Likhi Ho Kar Yeh Sab Karti Rahee'n Jis Ki Tawaqoh Kisi An'Parh Say Bhi Nahi Ki Ja Sakti...Aap Ko Fowri Towr Par Dr.Say Ruju Karna Chahiye Tha...Aap Jaisi Kam'Aqal Larkiyo'n Ko Jo Bhi Bay'Waqoof Banana Chahay Minto'n Mai'n Bay'Waqoof Bana Jaaey....Allah Nay Aap Ko Qudrati Towr Par Khoobsurat Saanwli Jild Ataa Ki Thi Owr Aap Goray Honay Kay Chakkar Mai'n, Apnay Na'Shukray Pan Kay Baa'Is Is Saanwli Jild Say Bhi Haath Dho Baithee'n...Kiya Aap Nay Kabhi Koi Saanwla Khoobsurat Chaihra Nahi Daikha? Gora Hona Khoobsurat Honay Ki Zamanat Nahi Hay....Skin Saihat Mand, Saaf.O.Shafaaf Ho To Kaali, Saanwli , Gori Tamaam Skins Khoobsurat Lagti Hai'n...Baal Bhi Aap Kay Itnay Chotay To Nahi Thay Kay Aap Un Ko Lamba Karnay Kay Chakkar Mai'n Tabaah.O.Barbaad Kar Baithee'n...Aap Kay Baal Ghanay, Siyaah Owr Chamakdar Honay Kay Sath Saath Saihat Mand Bhi Thay Owr Ab Aap Kay Saamnay Hi Hai'n...Aap Khoobsurat Owr Haseen.O.Jameeel Bannay Kay Chakkar Mai'n Khud Ko Ibrat Ka Namoona Bana Chuki Hai'n....Baihar Haal Na'Umeedi Kufr Hay...Mujh Say Jo Bhi Ban Para Woh Mai'n Karoo'n Ga Baaqi Shifa Daina Allah Kay Haath Mai'n Hay...Jaaiye Owr Dawa Kay Saath Saath Dua Bhi Kijiye...Dawao'n Kay Saath Jo Aehtiyaat Bataai Hai'n Un Par Poori Tarha Amal Kijiye Aik Maah Baad Phir Aaiye Ga''.....
Shabana Ko Yeh Sap Aik Bhayanak Khuaab Lag Raha Tha Woh Loge Khuaab Ki Si Kaifiyat Mai
Rabia Hans Hi To Pari '' Kiya Baat Hay Shabana Aaj To Bouhat Koelay Chabaey Ja Rahay Hai'n? Zahir Hay Kay Garmiya'n Hai'n To Phir Taiz Dhoop To Niklay Gi Hi Na, Ab Is Mosam Mai'n Rim Jhim Phuwar To Parnay Say Rahi Owr Haa'n Khabar'Daar Jo Tum College Say Chutti Ka Khayaal Bhi Dil Mai'n Laei'n? Tumharay Chotay Mamoo'n Ki Shaadi Mai'n Abhi Pooray 4 Maheenay Baaqi Hai'n Owr Tum Yoo'n Hawaas Baakhta Ho Rahi Ho Jaisay Kal Hi Un Ki Baraat Rawana Ho Rahi Ho...Aray Woh Daikho Bus Aa Rahi Hay... Chalo Aagay Barho Owr Dhakka Daiti Hui Andar Ghusnay Ki Koshish Karo Hamai'n To Waisay Bhi Aakhri Stop Par Utarna Hay ''...Owr Woh Dono'n Bus Mai'n Sawaar Honay Ki Koshish Mai'n Lag Gaei'n...
Rabia Owr Shabana Aik Hi Ilaqay Mai'n Rehti Thee'n...Un'ki Dosti Ko Saal Honay Ko Tha..Dono'n Mai'n Tabqaati Farq Baihar Haal Mowjood Tha...Rabia Achay Khatay Peetay Gharanay Ki Larki Thi Owr 3 Bhaiyo'n Ki Iklowti Baihen Thi..Us Kay Walid Ka Chand Saal Paihlay Intiqaal Ho Chuka Tha Laikin Teeno'n Bhaai Bairoon-e-Mulk Muqeem Thay Owr Achi Tankhahai'n Lay Rahay Thay Is Liye Paiso'n Ki Taraf Say Koi Kami Na Thi..Walida Bhi Apna Boutique Chala Rahi Thee'n Owr Shandaar Furnished Zaati Banglow Mai'n Rehaish Pazeer Thee'n...Rabia Kabhi Driver Kay Saath College Jaati Owr Agar Walida Ko Gaari Ki Zaroorat Hoti To Bus Say Ghar Aa Jati Waisay Bhi B.A Kay Baad Us Ka Irada Aagay Parhnay Ka Na Tha Bal'Kay Woh Bhi Walida Kay Saath Boutique Mai'n Hi Haath Batana Chahti Thi...
Shabana Go Kay Rehti To Usi Ilaqay Mai'n Jaha'n Rabia Rehti Thi Laikin Safaid Posh Tabqay Say Taaluq Rakhti Thi..3 Baihno'n Mai'n Us Ka Number Aakhri Tha Owr Bhai Abhi Matric Mai'n Parh Raha Tha..Kanjoosi Ki Hadd Tak Amma'n Saleeqa Mand Thee'n Owr Abba Ka Bhi Yahi Haal Tha..Shabana Ka B.A Kay Baad Aagay Parhnay Ka Irada Tha..Us'Kay Khuaab Wahi Thay Jo Is Umar Ki Aksar Larkiyo'n Kay Hotay Hai'n..Khoobsurat, Ameer Kabeer, Iklowta Owr Jaa'n Nisaar Karnay Wala Showhar Jo Majaal Hay Kay Kisi Bhi Baat Say Inkaar Kar Day..3 Mamuo'n Ki To Shadiya'n Ho Chuki Thee'n Ab Chotay Mamoo'n Ki Shaadi Hona Thi Jo Jagg Kay Chotay Mamoo'n Thay...Un'Kay Liye Sab Nay Chalni Mai'n Chaan Kar Dulhan Talaash Ki Thi Owr Ab Zor.o.Shor Say Tayaariya'n Jaari Thee'n..Shaadi Lahore Mai'n Thi Jab'Kay Shabana Ki Family Karachi Mai'n Rehaaish Pazeer Thi...
'' Kiya Baat Hay Aaj Khilaf-e-Mamool Tum Bouhat Khaamosh Ho?'' Rabia Nay Free Period Mai'n Shabana Ko Gum'Sum Daikh Kar Poocha...Shabana Nay Thandi Saans Bhari '' Haa'n Baat Hi Kuch Aesi Hay ''
'' Aray Pata Bhi To Chalay Kay Aakhir Baat Kiya Hay?'' Rabia Nay Kureda...
'' Rabia Tum To Jaanti Hi Ho Kay Yeh Hamaray Nanhiyaal Ki Aakhri Shaadi Hay Owr Phir Tum Ko Pata Hi Hay Kay Chotay Mamoo'n Ki Honay Waali Susraal Mai'n Khoobsurti Waafir Miqdaar Mai'n Mowjood Hay..Khoobsurti Kay Ilawa Dowlat Bhi Wirsay Mai'n Sab Ko Mili Hay..Ab Daikho Na Aakhir Hamari Bhi To Aik Na Aik Din Shaadi Hona Hi Hay To Phir Kiya Haraj Hay Agar Ham Teeno'n Baihno'n Ki Shaadi Chotay Mamoo'n Ki Susraal Mai'n Hi Tay Ho Jaey..
Daikho Na Ham Teeno'n Baihno'n Ka Naak Naqsha Kis Qadar Khoobsurat Hay Laikin Rang Say Maar Kha Gaey Hay...Baal Hai'n Kay Shaano'n Say Aagay Hi Nahi Barh'Tay..Ghanay Owr Khoobsurat Hai'n To Kiya Huwa? Lambay To Nahi Hai'n Na?...Amma'n Say Kisi Beauty Cream Ka Kaihna To Apni Shaamat Ko Awaaz Daina Hay...Bas Mai'n To Yeh Chahti Hoo'n Kay Chotay Mamoo'n Ki Shaadi Mai'n Ham Baihnai'n Poori Maihfil Par Chaa Jaei'n Owr Kisi Doosray Ki Daal Na Galay..Ham Lahore Say Mangni Ki Anguthiya'n Paihan Kar Hi Karachi Wapas Aaei'n ''
Rabia Nay Ba'Mushkil Apni Jalan Chupaai..Is Mai'n Shak Nahi Tha Kay Shabana Owr Us Ki Baihno'n Kay Naak Naqshay Bay'Had Teekhay Owr Khoobsurat Thay..Sanwlay Rang Mai'n Bhi Bay'Inteha Kashish Thi.. Baal Chotay Thay Laikin Bouhat Ghanay Owr Khoobsurat Thay..Jab'Kay Rabia Bouhat Khoobsurat Shafaaf Owr Gulabi Si Jild Rakhnay Kay Ba'Wajood Chaptay Naak Naqshay Samait Zara Bhi Pur'Kashish Na Lagti Thi...Baal Kamar Tak Lambay Thay Laikin Bouhat Patlay Thay Jaisay Kaali Rassi Latak Rahi Ho...Woh Dil Hi Dil Mai'n Shabana Say Jalti Thi Laikin Ba'Zahir Dosti Ka Dam Bharti Thi...
Shabana Nay Hamaisha Ki Tarha Hasrat Say Rabia Ki Gori, Khoobsurat Jild Ko Daikha Owr Hamaisha Ki Hi Tarha Hasrat Say Boli... '' Kaash Mairi Jild Tumhari Tarha Gori Owr Khoobsurat Hoti..Kaash Mairay Baal Bhi Tumhari Tarha Kamar Tak Hotay Laikin Apni Aesi Qismat Kaha'n Kay......?''
Rabia Achanak Kisi Khayaal Say Dil Hi Dil Mai'n Muskura Uthi Laikin Sanjeedgi Say Boli...'' Daikho Shabana Mai'n Koi Paidaishy Itni Khoobsurat Jild Ki Malik Nahi Thi...Na Hi Mairay Baal Shuru Say Hi Lambay Thay Aray '' Umr Guzri Hay Is Dasht Ki Sayyahi Mai'n '' Tab Ja Kar Yeh Sab Mila Hay Owr Tum Chahti Ho Kay Baghair Kisi Maihnat Kiye Tum Sab Kuch Haasil Kar Lo To Aesa Bhala Kis Tarha Kaam Chalay Ga? Agar Tum Himmat Karo To Mujh Say Bhi Khoobsurat Jild Ki Malik Ban Sakti Ho ''....Rabia Nay Makkari Say Shabana Ko Daikha...
'' Sachhh'' Shabana Ki Aankho'n Mai'n Charagh Say Jal Uthay '' Please Rabia Mujh Par Yeh Tumhara Bouhat Bara Aehsaan Ho Ga, Batao Na Kaisay Yeh Mumkin Hoga? Mai'n To Rozana Hi Naey Naey Nuskhay Aazmati Hoo'n Laikin Ham Teeno'n Baihnai'n Waisi Ki Waisy Hi Sanwli Hai'n Please Tum Hamari Help Karo Na..Batao Na Kaisay?''...Shabana To Bay'Qaraar Hi Ho Baithi...
'' Daikho Shabana Mairay Pass Aik Teer Ba Hadaf Nuskha Mowjood Hay Jo Kay Sasta Bhi Hay Owr Aazmooda Bhi Hay..Raat Sotay Waqt Is Ka Laip Face Par Kar Kay So Jana Owr Subha Qabil-e-Bardasht Hadd Tak Garam Paani Say Moo'n Dho Laina...Shuru Shuru Mai'n Tum Ko Apni Jild Khinchi Hui, Sukri Hui Mehsoos Ho Gi Us Kay Kuch Arsay Baad Face Par Daanay Nikal Aaei'n Gay Phir Mumkin Hay Kay Un Mai'n Peep Bhi Par Jaey Laikin Tum Nuskhay Ko Jaari Rakhna ...Rafta Rafta Yeh Danay Sookh Kar Jhar Jaei'n Gay...Murda Jild Utar Kar Nai Jild Namoodaar Ho Jaey Gi Jo Kay Bouhat Khoobsurat Hogi Jaisay Nou'Molood Bacho'n Ki Hoti Hay...Aesi Kay Kisi Make-Up Ki Zaroorat Hi Nahi Paray Gi....Yeh Jo Bazaar Mai'n Maihngi Creamai'n Waghaira Hoti Hai'n Na Yeh Sirf Us Waqt Tak Faaeda Karti Hai'n Jab Tak In Ka Istimaal Jaari Rakho..Owr Jaisay Hi Cream Choro To Jild Paihlay Ki Tarha Ho Jati Hay Laikin Jab Tak Hamaray Khoon Ki Kasafat, Gandagi, Owr Mawaad Waghaira Bahar Nahi Niklay Ga Maamla Waisa Hi Rahay Ga Na...
Owr Haa'n Suno Agar Laip Karnay Kay Baad Face Par Jalan Maihsoos Ho To Samajh Laina Kay Nuskha Tum Ko Suit Kar Gaya Hay Owr Apna Asar Kar Raha Hay....''
Rabia Nay Aik Ghanta Jild Kay Baray Mai'n Taqreer Kar Kay Shabana Ko Poori Tarha Apnay Hisaar Mai'n Lay Liya....
'' Owr Yaqeen Karo Chotay Mamoo'n Ki Shaadi Tak To Tum Teeno'n Baihnai'n Paihchaani Nahi Jaao Gi....Abhi To 4 Maheenay Paray Hai'n Itnay Arsay Mai'n To Inqilaab Aa Jaey Ga...Aray Tum Nay Ab Poocha Hi Hay To Balo'n Ka Bhi Bata Hi Doo'n...Kamar Tak To Nahi Laikin Phir Bhi Baalisht Bhar To Barh Hi Jaei'n Gay...Shuru Mai'n Tum Ko Baal Bay Wazan Mehsoos Ho'n Gay..Beemar Baal Jhar Jaei'n Gay Jo Doosray Baalo'n Ko Barhnay Say Rok Rahay Hai'n...Tum Bilkul Fikar Na Karna...Kamzor Balo'n Kay Jhartay Hi Naey Baal Itni Taizi Say Ugai'n Gay Owr Doosray Balo'n Ko Barhnay Mai'n Madad Dai'n Gay Kay Tum Hairaan Hi Reh Jao Gi Bal'Kay Mai'n Ammi Kay Boutique Say Sastay Kapray Bhi Dilwa Doo'n Gi...Mai'n Nay Pichlay Hi Haftay Packing Kholi Hay..Tum Say To Aik Paisay Ka Bhi Profit Laina Haraam Hi Ho Ga..Apni Amma'n Ko Bas Kisi Tarha Mana Laina... Fi Jora Mai'n Tum Ko 3000 Ka Ammi Say Zidd Kar Kay Dilwa Doo'n Gi... Ab Taadaad Tum Khud Bata Daina Kay Kitnay Joray Teeno'n Baihno'n Kay Liye Kaafi Ho'n Gay?''
Maaray Khushi Kay Shabana Rabia Say Lipat Gai Owr Jazbaat Ki Shiddat Say Aankhai'n Aansuo'n Say Bhar Gaei'n...Us Nay To Kabhi Boutique Ka Jora Khuaab Mai'n Bhi Nahi Paihna Tha... 3000 Hazaar Fi Jora Pata Nahi Amma'n Dilwaei'n Gi Ya Nahi Ya Phir......
'' Aray Tum Kiya Sochnay Lagee'n?'' Rabia Nay Shabana Ko Hilaya......
'' Nahi...Kuch Nahi .... Yeh Lo Mairi Note Book Is Par Tum Jaldi Say Jild Owr Baalo'n Kay Liye Nuskha Likh Do ''
Rabia Khafa Ho Gai '' Aray Shabana Kaisi Batai'n Karti Ho Mai'n To Istimaal Karti Hi Hoo'n Do Teen Din Mai'n Tum Ko Bana Kar La Doo'n Gi Phir 4 / 5 Maah Baad Jab Yeh Khatam Ho Jaey To Dobara Istimaal Kay Liye Tum Khud Bana Laina..Sirf 1% Logo'n Ko Yeh Nuskha Suit Nahi Karta Warna 99% Ko Bouhat Faaeda Huwa Hay...Hamaray Nanhiyaal Owr Dadhiyaal Ki Sab Larkiya'n Yahi Istimaal Karti Hai'n Owr Sab Ko Hi Bouhat Suit Kar Gaya Hay..Sab Hi Khoobsurat Baalo'n Owr Khoobsurat Jild Ki Maalik Hai'n''
'' Haaey Rabia Kaash Tum Paihlay Bata Daitee'n To Ab Tak To Kab Ka Masla Hal Ho Gaya Hota '' Shabana Nay Apnay Haath Maltay Huway Bay'Taabi Say Kaha...
Woh Nervious Si Bay'Had Khoobsurat Lag Rahi Thi Apni Sanwli Rangat Owr Chamak'Daar Ghanay Baalo'n Samait Bouhat Pyari Lag Rahi Thi...Rabia Kay Dil Par Aari Si Chali...
'' Tum Nay Kabhi Itni Bay'Taabi Ka Izhaar Hi Nahi Kiya Tha Warna Mai'n Paihlay Hi Masla Hal Kar Daiti Waqaai Tum Bouhat Ziyada Sanwli Ho ....Acha Ab Tum Apni Amma'n Ko Raazi Karo Owr Teen Din Sabar Karo...Ab Mai'n Chalti Hoo'n Driver Bhi Aa Gaya Hay Bal'Kay Tum Bhi Mairay Saath Hi Chalo Paihlay Boutique Ka Aik Chakkar Laga Laitay Hai'n Phir Mai'n Tum Ko Ghar Chor Kar Khud Bhi Ghar Hi Jaau'n Gi ''
Shabana Ki Aankhai'n To Boutique Kay Kapray Daikh Kar Khuli Ki Khuli Hi Reh Gaei'n..Tag Par Lagi Qeematai'n Daikh Kar To Us Ka Rang Faqq Ho Gaya Koi Bhi Party Dress 5/6000 Say Kam Ka Na Tha... Us Nay Ghabra Kar Rabia Ki Tawajoh Is Taraf Dilwaai...
''Aray Pagal Yeh Qeemat Tumharay Liye Thori Hay? Jab Mai'n Nay 3000 Kaih Diya Hay To Bas 3000 Hazaar Hi Qeemat Samjho...Yeh Bhi Hamari Apni Cost Hay Tum Say To Ham Aik Paisa Bhi Profit Ka Nahi Lai'n Gay'''
Shabana Aehsaan Mandi Say Rabia Ko Taknay Lagi Us Ko Bhala Kaha'n Khabar Thi Kay Rabia Ki Ammi Sastay Dress Tayyaar Karwa Kar Teen Guna Profit Mai'n Farokht Karti Thee'n...Oonchay Tabqay Ki Saihal Pasand Khawateen Un Ki Mustaqil Custamor Thee'n...
Shabana Owr Us Ki Baihno'n Nay Yeh 3 Din Tarap Tarap Kar Guzaray..Amma'n Nay Boutique Kay Kapro'n Owr Un Ki Qeemato'n Par Woh Hangama Khara Kiya Kay Kaan Pari Awaaz Na Sunaai Daiti Thi..Teeno'n Baihnai'n Amma'n Say Mayoos Ho Kar Sir Jor Kar Baith Gaeei'n Kay Kiya Kiya Jaaey? Owr Kis Tarha Kam Az Kam Baraat Owr Waleemay Kay Liye To Boutique Kay Joray Aa Jaaei'n Mehndi Ki Khair Hay Us Ka Kuch Na Kuch Kar Hi Lai'n Gay...Laikin Masla To Yeh Tha Kay 18,000 Ki Khateer Raqam Kaha'n Say Aaey? Yeh Mamooli Raqam To Thi Nahi Owr Un Kay Liye Na Mumkinaat Mai'n Say Tha Kay Woh Boutique Kay Joray Haasil Kar Laitee'n..Aakhir Bari Aapa Nay Hi Tajweez Paish Ki Kay '' Saqib Ko Bahar Ruqayya Khala Kay Paas Bhaijnay Kay Liye Amma'n Nay Jo Paisay Jama Kiye Hai'n Ham Woh Hi Nikaal Laitay Hai'n...Abhi To Saqib Matric Mai'n Hay Inter Kay Baad Hi Amma'n Us Ko Bahar Bhaijai'n Gi Us Waqt Tak Kuch Na Kuch Intizaam Allah Kar Hi Day Ga..Kiya pata Hamaray Prize Bond Hi Nikal Aaei'n Jo Barso'n Say Yoo'n Hi Rakhay Hai'n Kabhi Aik Rupya Bhi Na Nikla ''...Tarkeeb Teeno'n Ko Pasand To Aai Laikin Woh Dar Bhi Bouhat Rahi Thee'n... Phir Yahi Socha Kay Kuch Na Kuch Allah Band.o.Bast Kar Hi Day Ga..Rabia Ko Dharka Laga Tha Kay Aesa Na Ho Rabia Ki Ammi Ka Irada Badal Jaaey Owr Itnay Khoobsurat Owr Sastay Joray Phir Haath Na Aaei'n.....Bari Tarkeebo'n Say Baray Sandooq Ka Taala Khola Gaya To Us Mai'n Sirf 12,000 Rakhay Thay Ab Bhi Pooray 6000 Kam Thay..Woh Phir Pareshan Ho Gaei'n...
Teeno'n Baihno'n Nay Amma'n Kay Jazbaat Ko Khoob Jhinjhora '' Amma'n Ab To Yeh Kufran-e-Naimat Hi Ho Ga Agar Aap 6 Joro'n Kay Liye 6000 Bhi Na Dai'n...Zara Sochiye..Chotay Mamoo'n Ki Susraal Kitni Ameer Hay... Ho Sakta Hay Kay Boutique Kay Khoobsurat Joro'n Ki Ba'Dowlat Waha'n Hamaray Rishtay Hi Tay Ho Jaaei'n...Libaas Say To Shaan Hi Doosri Ho Jaati Hay Owr Ab To Rabia Ki Ammi 6 Joray Sirf 6000 Mai'n Day Rahi Hai'n..Bouhat Hi Khoobsurat Owr Aala Maiyaar Kay Joray Hai'n..Aap Daikhai'n Gi To Daikhti Hi Raih Jaaei'n Gi ''...Gharaz Yeh Kay Teeno'n Nay Itna Shor Machaya Kay Amma'n Raazi Ho Hi Gaei'n Owr Kaih Diya Kay '' Apnay Abba Ko Na Batana Kal Hi Unho'n Nay Tankhuah Di Hay..Mai'n Kuch Na Kuch Kar Hi Loo'n Gi ''....Unho'n Nay Bag Mai'n Say Bara Khaaki Lifafa Nikaal Kar Hazaar Hazaar Kay 6 Note Laraztay Haatho'n Say Shabana Kay Hawaalay Kar Diye...
Larkiyo'n Kay Chaihray Khushi Say Yoo'n Chamak Uthay Jaisay Hazaar Hazaar Walts Kay Bulb Rowshan Ho'n...Teeno'n Khushi Say Paagal Honay Ko Thee'n..Phone Ki Taraf Lapkee'n To Waha'n Amma'n Yoo'n Khayalo'n Mai'n Gum Baithi Hui Thee'n Jaisay Chand Maah Baad Chotay Mamoo'n Ki Nahi Bal'Kay Un Ki Baitiyo'n Ki Shaadi Honay Waali Ho.....
'' Amma'n Mai'n Rabia Ko Phone Karti Hoo'n Woh Ham Ko Apni Car Mai'n Lay Bhi Jaaey Gi Owr Chor Bhi Jaaey Gi ''...Rabia Khushi Say Bharpoor Laihjay Mai'n Boli...Amma'n Nay Ijazat Day Di...
Joray Waaqai Bouhat Khoobsurat Thay...Amma'n Bhi Designing Say Bouhat Mutassir Hooei'n Colour Combination Bhi Ghazab Ka Tha....Amma'n Samait Woh Teeno'n Itna Khush Thee'n Jaisay Qaroon Ka Khazana Haath Lag Gaya Ho.....'' Agar Amma'n Nay Bara Sandooq Khol Liya To? ''...Shabana Nay Khud Ko Khowf'Zada Honay Say Roka Owr Phir Say Joray Choo Choo Kar Daikhnay Lagi...
'' Agar Amma'n Ko Pata Chal Jaaey Kay Yeh Joray 6000 Kay Nahi Bal'Kay 18000 Kay Aaey Hai'n To Woh Ham Teeno'n Ki Qabrai'n Ghar Mai'n Hi Bana Dai'n Gi ''...Bari Aapa Nay Khowf Say Jhurjhuri Lay Kar Jora Apnay Saath Laga Liya....
'' Rabia Ham Tumhara Shukria Lafzo'n Mai'n To Ada Kar Hi Nahi Saktay...Sach Tum Bouhat Hi Achi Ho '' Shabana Rabia Kay Galay Lag Gai.....
'' Aray, Tumhari Khushi Ko Daikh Kar Mai'n Bhi Khush Hoo'n Owr Yeh Lo Thaila...Is Mai'n Jo Safaid Bari Bottle Hay Woh Baalo'n Kay Liye Hay Owr Yeh Peela Dibba Face Kay Liye Hay..Raat Ko Yeh Face Par Laip Kar Kay So Jana Owr Subha Neem Garam Paani Say Face Dho Laina...Baalo'n Ka Sufoof Kisi Bhi Tail Mai'n Ghol Kar Rakh Lo Owr Baalo'n Mai'n Lagaao..Baal Dopattay Mai'n Lapait Kar So Jana Owr Subha Kisi Bhi Shampoo Say Dho Laina ''
Shabana Shukar Guzari Say Aik Martaba Phir Rabia Say Lipat Gai...
Raat Ko Teeno'n Nay Saada Paani Say Face Dho Kar Face Par Laip Kiya To Jalan Si Maihsoos Honay Lagi..Teeno'n Nay Aik Doosray Say Jalan Ki Tasdeeq Ki Owr Dil Mai'n Khushi Ki Laihar Si Uththi Kay Nuskha Kaam Kar Gaya Hay...Thouri Dair Mai'n Jalan Bardaasht Kartay Kartay Khayaalo'n Owr Khuabo'n Ki Waadiyo'n Mai'n Kho Gaei'n...
Subha Uth Kar Garam Paani Say Face Dhoya Owr Toliye Say Khushk Kiya To Face Kuch Surkh Sa Mahsoos Huwa Owr Rabia Kay Dil Mai'n Khushi Ki Klee Si Chitki...Laikin Jaisay Hi Face Khushk Huwa... Face Bouhat Khushk Ho Kar Jild Sukri Si Lagi...Teeno'n Nay Aik Doosray Say Is Kaifiyat Ko Share Kiya Kay '' Aik Martaba Mai'n Hi Faaeda Huwa Hay Owr Jaisa Rabia Nay Bataya Tha Bilkul Waisa Hi Maihsoos Ho Raha Hay ''...
Teeno'n Kamray Say Niklee'n To Amma'n Nay Kaha '' Aray Chaihray Itnay Khushk Owr Safaid Ho Rahay Hai'n Woh Bhi Is Mousam Mai'n?? Jaao Nivea Hi Laga Lo ''
Woh Teeno'n Muskura Kar Reh Gaei'n..College Mai'n Bhi Shabana Ko Aik Do Nay Toka Laikin Shabana Aetmaad Say Owr Rabia Khushi Say Muskurati Rahi...
Jaisay Jaisay Din Guzartay Rahay Un Kay Saanwlay Chaihray Siyaah Parnay Lagay..Peep Waalay Daano'n Say Chaihra Bhar Gaya..Kanghi Kartay Huway Hair Brush Baalo'n Say Bhar Jaata Owr Farash Par Baalo'n Kay Guchchay Girtay To Teeno'n Hairat Say Sochtee'n Kay Kiya Hamaray Saaray Hi Baal Beemar Hai'n?''.....'' Shukar Hay Bar'Waqt Ilaaj Shuru Kar Diya Warna To Ham Ganjay Hi Ho Jatay '' Teeno'n Bay'Had Muttma'in Thee'n Kay Khoon Ki Saari Kasafat owr Ghilazat Peep Owr Mawaad Say Nikal Rahi Hay Owr Beemar Baal Bhi Sab Jhar Rahay Hai'n Jald Hi Ab Un Ki Jagha Naey Baal Ugg Aaei'n Gay ''...
Jab Kay Amma'n Kay Dil Mai'n To Pankhay Lagay Huway Thay Kay Un Ki Baitiyo'n Ko Kiya Hota Ja Raha Hay? '' Aray Kisi Nay Kaala Jaadu To Nahi Kar Diya Mairi Baitiyo'n Par? Shayed Kaneez Nay Mairay Ghar Par Sifli Ki Haandi Phor Di Hay.. Woh Hamaisha Mairi Owr Mairay Bacho'n Ki Kaat Mai'n Lagi Raihti Hay '' Amma'n Ka Dhiyaan Apni Laraka Nand Ki Taraf Gaya Tha... '' Waisay To Jameela Bhi Bouhat Ghunni Hay Jab Say Mai'n Nay Bari Kay Rishtay Kay Liye Inkaar Kiya Hay Us'Ki Aankhai'n Tairhi Hi Raihti Hai'n '''...Ab Un Ka Dhiyaan Apni Jithaani Ki Taraf Gaya...
Abba Alag Hairat Say Baitiyo'n Kay Chaihray Par Africa Ka Naqsha Daikhtay...Lagta Tha Jaisay Saihra Mai'n Kaali Aandhi Chali Ho Owr Ab Gird Baith Rahi Ho...Chota Bhaai Saqib Bhi Hairat Say Daikhta Owr Sochta Kay Us Ki Itni Pyari Baihno'n Ko Kiya Ho Gaya Hay?
Amma'n To Maaray Howl Kay Chaarpaai Say Lag Gai Thee'n Kay Sirf 20 Din Shaadi Mai'n Raih Gaey Thay Owr Baitiyo'n Kay Chaihray Moti Choor Kay Phapoond Lagay Laddoo Banay Huway Thay...Baal Jhar Kay Podeenay Ki Gaththi Ban Chukay Thay Owr Aakhir Kaar Unho'n Nay Baitiyo'n Ki '' Khoobsurti '' Ka Raaz Rangay Haatho'n Pakar Hi Liya...
Shabana To Amma'n Kay Haatho'n Mai'n Latak Hi Gai Laikin Amma'n Nay Woh Sab Saath Liya Owr Fowran Hi Baitiyo'n Ko Lay Kar Skin Specialist Kay Paas Gaei'n Saath Mai'n Kuch Purani Tasweerai'n Bhi Lay Gaei'n...Doctor Nay To Sab Kuch Sun Kar Apna Sir Hi Pakar Liya... Sufoof Owr Cream Kay, Owr Un Teeno'n Kay Mukhtalif Tests Karwaey To Pata Chala Kay Kiya Kuch Woh Istimaal Karti Rahi Hai'n? Jis Kay Istimaal Nay Baalo'n Owr Skin Ko Khatarnaak Hadd Tak Nuqsaan Pohnchaya Tha... Ab Jo Bhi Ilaaj Hona Tha Woh Bouhat Diqqat Talab Owr Waqt Talab Tha...
Dr. Nay Medicines Owr Khaas Likh Kar Di....
Shabana Samait Baihno'n Ko Sakta Sa Ho Gaya Tha...
Doctor Nay Tasweerai'n Daikh Kar Afsos Say Sir Hilaya....
'' Aap Logo'n Ko To Allah Ka Shukar Ada Kartay Thakna Nahi Chahiye Tha....Aap Nay Apni Bay'Waqoofi Owr Na'Aaqibat Andaishi Say Khud Ko Khatarnaak Hadd Tak Nuqsaan Pohnchaya Hay...Mai'n Hairaan Hoo'n Kay 3 Maah Say Aap Yeh Nuqsaan Day Amal Kar Rahi Hai'n Owr Aap Ko Andaza Tak Na Huwa Kay Aap Kiya Thee'n Owr Kiya Banti Ja Rahi Hai'n? Aap Parhi Likhi Ho Kar Yeh Sab Karti Rahee'n Jis Ki Tawaqoh Kisi An'Parh Say Bhi Nahi Ki Ja Sakti...Aap Ko Fowri Towr Par Dr.Say Ruju Karna Chahiye Tha...Aap Jaisi Kam'Aqal Larkiyo'n Ko Jo Bhi Bay'Waqoof Banana Chahay Minto'n Mai'n Bay'Waqoof Bana Jaaey....Allah Nay Aap Ko Qudrati Towr Par Khoobsurat Saanwli Jild Ataa Ki Thi Owr Aap Goray Honay Kay Chakkar Mai'n, Apnay Na'Shukray Pan Kay Baa'Is Is Saanwli Jild Say Bhi Haath Dho Baithee'n...Kiya Aap Nay Kabhi Koi Saanwla Khoobsurat Chaihra Nahi Daikha? Gora Hona Khoobsurat Honay Ki Zamanat Nahi Hay....Skin Saihat Mand, Saaf.O.Shafaaf Ho To Kaali, Saanwli , Gori Tamaam Skins Khoobsurat Lagti Hai'n...Baal Bhi Aap Kay Itnay Chotay To Nahi Thay Kay Aap Un Ko Lamba Karnay Kay Chakkar Mai'n Tabaah.O.Barbaad Kar Baithee'n...Aap Kay Baal Ghanay, Siyaah Owr Chamakdar Honay Kay Sath Saath Saihat Mand Bhi Thay Owr Ab Aap Kay Saamnay Hi Hai'n...Aap Khoobsurat Owr Haseen.O.Jameeel Bannay Kay Chakkar Mai'n Khud Ko Ibrat Ka Namoona Bana Chuki Hai'n....Baihar Haal Na'Umeedi Kufr Hay...Mujh Say Jo Bhi Ban Para Woh Mai'n Karoo'n Ga Baaqi Shifa Daina Allah Kay Haath Mai'n Hay...Jaaiye Owr Dawa Kay Saath Saath Dua Bhi Kijiye...Dawao'n Kay Saath Jo Aehtiyaat Bataai Hai'n Un Par Poori Tarha Amal Kijiye Aik Maah Baad Phir Aaiye Ga''.....
Shabana Ko Yeh Sap Aik Bhayanak Khuaab Lag Raha Tha Woh Loge Khuaab Ki Si Kaifiyat Mai
