Main Tanziya Muskura Rahi Hoon

[~Biya~]

Na-janey kYa gunguna rahi hoon
udasiyoo.n main naha rahi hoon

wo jo guzra hai mor k munh
kabhi main uski dua rahi hoon

hai zindagi sey nibah mumkin!!!!
Main zindagi sey nibha rahi hoon

Hai us nay pocha udaas ho tum!
main tunziya muskura rahi hoon

hain meri aankhoo.n main aay aanso
magar main sab ko hansa rahi hoon

ye sher apney leye hoon likhti
magar kyu sab ko suna rahi hoon?

wo janey wala chala gaya per
main haath ab tak hila rahi hoon

na-janey kiya ho chala hai mujh ko
seher ko jo shab bata rahi hoon

ye zindagi mujh ko jee rahi hai
main zindagi ko bita rahi hoon

merey dushmano main kaha.n thi himmat
main teer apnoo.n sey kha rahi hoon

hij'r ki chokhat pe so gaya hai
main apney dill ko jaga rahi hoon

kahee.n wo sun k na muztarib hoon
main apney dukhrey chupa rahi hoon

ye chain mujh ko na leney dain gai
main saarey armaa.n sula rahi hoon

hijratoo.n key suna key qiss'ssey
unhain main kyu kar rula rahi hoon

Ajeeb ehmaq hoon main Shagufta
shajar sey panchi ura rahi hoon

Shagufta Basit
March 06, 2006.

[$@GH@R]

:rose V.NICE DEAR :rose

[cool Umair]

Thanks for sharing good job*_*

[faizan_itec]

Hmmm... Nice Sharing Sister............

[roxana]

nice sharing sis........

[imported_nailahkb]

very nice...............................

[Shahani]

Bahut Umda.........