+- Hallagulla - Virtual Home for Real People (https://www.hallagulla.com:443)
+-- Forum: Urdu Adab (https://www.hallagulla.com:443/forumdisplay.php?fid=4)
+--- Forum: Writers (https://www.hallagulla.com:443/forumdisplay.php?fid=790)
+---- Forum: UrduWorld Leading Writers (https://www.hallagulla.com:443/forumdisplay.php?fid=80)
+----- Forum: Shokh (https://www.hallagulla.com:443/forumdisplay.php?fid=732)
+----- Thread: Chokher Bali ! (/showthread.php?tid=74300)
Chokher Bali ! - Shokh - 03-26-2006
Dost to hamesha say hi rahay meray, kio kay dosti wahid jazba thi jis nay aaj say pahlay kabi mayoos nahi kia. 'BEST FRIENDS' hamesha is lafz ko sunn kar bohat hiran hoti thi kay akhir 'friends' aur 'best friend' may kia farak hota hay? Meray nazdik har dost apnay tarikay say khoobsurat hi raha to phir dostoon may ye moazna kesa? Phir tum ayin zindagi may...Tum chahii zindagi may... aur tumharay agay har raang pheeka parnay laga...
Shoru din say hi asa laga jesay aik dosray ko sadhion say jantay hain... haan na shoru din say hi !!! Jesay ye mulakat aik itefak nahi raaz hay... Raaz hi to tha... par aaj ye raaz kisi gulab ki pation ki tarhan bikhartay ja rahay hain... aaj shoru din ki har baat galat sabit ho rahi hay... Aaj pahli bar jab sadhian guzar gain to asa laga kay ma nay tumhain jana hi nahi !!!
Ye safid chadar jo hamari dosti ki alamat thi... isay aurh kar ham nay kitnay khoobsurat din guzaray !!! Daro maat...Idhar ao, meray pass... ma tumhara hath tham kar tumhain yaadoon kay uraan baglon ma lay chalon... zara ankhain baand karo... hmm aab kholo... Daykho Pardes may Daes... ye 'Chandani' the coffe shop, yahan ham baith kar ghantoon gapain mara kartay thay, luddo khailtay thay aur khoob lartay thay... daykho na samnay 'Oslo city' yahan ham nay kitni shopping ki ho gi aaj tak maloom hay?.?.?... hmmm meray khiyal say to idhar ki 'economy boost' ka 'credit' hamin ko jana chahiye!!! Aur ye, ahaan 'Subhan' ya kahoon Subhan uncle mmm Subhanay theek rahay ga, nai? Bazahir video shop aur tumharay liye shikway gilon ka markiz... zara aur chaltay hain, O daykho na 'Chachay ka Dhaba' yahan anay kay liye hamain sardion ma freeze hona parta tha... bahir -20 C aur ham yahan baith kar garam garam gajraila aur mix chai pitay thay... Yahan say zara agay Lo 'Siddiqi' ah gia, sari hoi sabzian aur mirch masalon kay darmiyan 'Tibet Snow' face cream, jis ko daykhtay sath hi besakhta kah-kay nikal jatay thay... baat to ajeeb hi thi na, duniya kahan ki kahan ah gai aur 'Tibet Snow' Norway... ''hmmm... kia howa thak gain... do apna hath...'' Hmm hath thaam kar tumhara wo mera 'red signal' par zabardasti sarak cross karana, khoob yaad aya... Aray, nahi nahi abhi nahi thakna, himat karo zara aur agay chaltay hain... Chalo zara tumharay ghar chaltay hain... ''Lo 'ting tong' darwaza kholain 'HAM' hain... Aunty ji aaj khanay ma kia hay bari bhook lagi hay?'' Kitnay paito hain ham bhi na... uff pait bhar jata hay niyat nahi...''Aunty ji zarda milay ga?'' Oh haan.... Yaad hay eid par kitnaaaaaaaaaaaaaaaaaaaaaaaa maza atta tha? Jaldi jaldi kapray silahtay, phir baith kar ghantoo darzan ko kostay kay hai, zalim nay aab ki bar phir galat seeh diye... chalo silai sikhtay hain... 'O gai bhains pani may'... mera tumhain eid par mehndi lagana aur bas mujhay, siraf mujhay, tumharay hathoon par keeray makoray bananay ki ijazat thi...non-stop masti... ye tha tumhara ghar aur tum, aab meray ghar chalain? Lo ji, ah gai meray ghar par, 'knock knock' koi hay?.?.? Hmm ho bhi kesay sakta hay...yahan bas ma aur meri tanhai aur sardion ki saard shaamain meri muntazir rehtin hain... yahan 'fire place' kay samnay baith kar zamnay ko munafik kahna, duniya bhar kay mozaon par bahis uff aur thak haar kar phir wohi 'fire place' jis ki aag ko khamoshi say ghantoo taktay rahna... Suno... Ye yaadoon kay uraan bagolay to kabi pur-sakoon nahi ho saktay... chalo aab hakikat may chalna chahiye !!!
Imaan... wah!!! kitna khoobsurat naam hay tumhara... Kabil-e-goar (o fikar) !!! Aur mera Shokh !!! Par kia kahoon apnay naam kay baray may...Shokh ko Shokh ki shokhion nay marva diya? Haan shaid !!!
To ma kah rahi thi 'Ye safid chadar jo hamari dosti ki alamat thi' Daykho na, tumhari is Shokh nay isay kia raang diya SAFAID... pakizagi ki alamat... Aur Tum jo is dosti ka Imaan theen, najanay is chadar ko kab say, jhoot kay siah raang say, maaili karti chali gai?.?.? Haan Shaid, shoru din say hi... Suno, tumhain to saab pata tha, saab !!! Ma kitni safai pasand hoon, hath ghis gay meray saaf ko mazeed saaf kartay kartay... Itna nazm-o-zabt hay zindagai may kay radhi ki akhbar bhi tah laga kar line ma rakhti ... aur towels uff, 90 C pay dhooti, do din nahi chaltay kambakht !!! Kaho na Imaan, tum to saab janti ho... aaj jo Shokh ko tum nay ye 'maaili chadar' uraha di hay... is may wo kesay sans lay... kesay?.?.? You know she is 'Paranoid' ... Daam ghut raha hay Imaan say... Jawab nahi tumhara, kabhi sunah hay 'Shokh Ansoo' ye do lafz aik sath munasib nahi lagtay...samajh nahi ah raha kay apni is 'maaili safaid chadar' ko ansoon say dhoon loon...ya phir tumhari bad-naseebi pay ansoo baha loon... bad-naseeb hi to hotay hain wo loog jin ki zindagi ma shokhi nahi !!!
Kia kahoon tumhain... MERI Bali? ya phir... ankhoon ma dhool jhookti hoi MERI...
CHOKHER BALI !!!
Chokher Bali ! - $@GH@R - 03-27-2006
:rose V.NICE WORK DEAR :rose