+- Hallagulla - Virtual Home for Real People (https://www.hallagulla.com:443)
+-- Forum: Urdu Adab (https://www.hallagulla.com:443/forumdisplay.php?fid=4)
+--- Forum: Writers (https://www.hallagulla.com:443/forumdisplay.php?fid=790)
+---- Forum: UrduWorld Leading Writers (https://www.hallagulla.com:443/forumdisplay.php?fid=80)
+----- Forum: Worthless (https://www.hallagulla.com:443/forumdisplay.php?fid=723)
+----- Thread: Mein...! (/showthread.php?tid=73917)
Mein...! - imported_naz - 03-20-2006
Main hara hua ik naseeb hoon ..!! Ik b'adbakht ik b'ad dua ik lanat ik mala'mat...!! Thukraya hua bhi seeney sey lagaya hua bhi .!!! Loag khelna jantey hein mujh sey mujh ko taqseem kerna bhi jantey hein seeney sey laga kar phir wo dhitkarna bhi jantey hein ..!! Wo ik umeed ki kiran wo ik khushi ki aas dila kar mujh ko behlana bhi jantey hein ..!!!! Wo loag jo merey apney hain wo apney jo merey sapney hain ..!!! Unhi sabh'on ney mil ker behalaya bhi nikhara bhi sanwara bhi ..!! Jab khawab suhaney lagney lagey jab sapney deewaney kerney lagey phir thokar aisee lagti gaii jo gir gir ker bas thak si gaii .!! Main kis ko ilzam doon yahan ? Main to bas hara hua ik naseeb hoon Ik b'adbakht ik b'ad dua ik lanat ik mala'mat..!!
Mujhey gila nahi kisi sey koi bas sawal USI sey kerta hoon WO jo mujh ko ban'aney wala mujh ko jahan main bulaney wala ..!! Ga'r yehi sab kuch kerna tha Mujh ko Aahon main p'alna tha to kyun deya ye jeewan mujh ko ? Kyun deya ye t'an dh'an mujh ko ? Ibrat ban'aney chahtey ho ? Mujh per azab rekhna chahtey ho ? To kar kyun nahi deytey sab ...!! Khayal main rakhon is ko tab key mujh ko yehi kerna hey mera jeewan yunhi k'atna hey ..!! Sisakta rahon bha'ta'kta rahon main yunhi pal pal tarasta rahon tarapta rahoon ..!!! Gir'giraon main mit jaon main ..!! Bas phir na USEY sataon main ..!! Na sawal keron phir main koi, jo khud ka likha jaan jaon main ..!! Main hara hua ik naseeb hoon Ik b'adbakht ik b'ad dua ik lanat ik mala'mat...!!
Merey apnon merey pyaro mujh sey tum bhi bachna ab ..!!! Yaad tum bhi rekhna ab main nahoosat ka ik saya bhi ..!! Main b'adbakhti ki chaya bhi ..!! Dooor raho tum mujh sey sab ..!! Yaad tum bhi rekhna ab ....!! Jo pass merey tum aoo gey b'adbakhti sey ja'l jao gey ..!! Murjhao gey pa'chatao gey ..!! Kuch na phir ker pao gey ..!! Main wo b'adbakhti ki chaya hoon jo dooor jaye to behtar hey jo mit jaye to behtar hey jo khamosh rahey to behtar hey jo pass na aye to behtar hey ..!! Merey apnon merey pyaro mujh sey tum bhi bachna ab ..!! Yaad tum bhi rekhna ab ..!! Main hara hua ik naseeb hoon ..!! Ik b'adbakht ik b'ad dua ik lanat ik mala'mat...!!
Mein...! - ~*Amna*~ - 03-20-2006
kaisa kaisa likh rakha hai Paa jee aap nay Dil hill jata hai #-o
>D<
Mein...! - imported_naz - 03-20-2006
hmmm.................!
Mein...! - $@GH@R - 03-27-2006
:rose V.NICE WORK DEAR :rose
Mein...! - Kanch Ka Dil - 10-01-2009
hmmmmmmm bahut hi kerwa sach likha hai ...... per ap ko ''mai'' ki jaga insan likhna chaiye tha......... ''mai '' ko chnge ker dien plz