+- Hallagulla - Virtual Home for Real People (https://www.hallagulla.com:443)
+-- Forum: Urdu Adab (https://www.hallagulla.com:443/forumdisplay.php?fid=4)
+--- Forum: Writers (https://www.hallagulla.com:443/forumdisplay.php?fid=790)
+---- Forum: UrduWorld Leading Writers (https://www.hallagulla.com:443/forumdisplay.php?fid=80)
+----- Forum: Shagufta Basit (https://www.hallagulla.com:443/forumdisplay.php?fid=722)
+----- Thread: Wo Aik Patta Khizaa.n Zada Sa...! (/showthread.php?tid=73843)
Wo Aik Patta Khizaa.n Zada Sa...! - imported_naz - 03-19-2006
sarak k donoo.n atraaf shah-balot k qad-awar darakht they .... jin k be-tahasha sokhey pattey sarak pe bikhrey parey they.... fiza main chahar so sirf sokhey ... murjhaay.. khizaa.n raseeda patoo.n ki kharkharahat thi ... jo us k qadoo.n taley rondhey janey pe ehtajaaj buland kartey per mehez chand lamhey siskiyaa.n ley k dam tor jatey .... wo duniya o mafiha sey bekhar ... un sokhey churmuraay howe pattoo.n ko apney qadmoo.n taley rondhti chali ja rahi thi .... anchal dhalak k latak gaya tha jis sey ja-baja pattey atkey howe they .... chehrey pe sakoot tha ... aur nazar kahee.n door khala main kisi nuqtey pe markooz thi .... kya sochain thee.n jo un ko daman geer thee.n kuch undaza na hota tha .... per chehrey pe phaila sokoot under uthney waley tofaan ki ghum'mazi kar raha tha ....
us ko hamesha sey hi khizaa.n passand thi ... per aise tu na thi ....wo tu khizaa.n raseeda patoo.n ko bari chah sey utha liya karti thi ... kehti thi k in ki akhiri saansain mehfooz karni hain.... kabhi kehti ... mujh pe khizaa.n aai tu kiya main bhi yoon shakh sey juda ho jaoo.n gi .... ajeeb thi wo bhi bahaar main khizaa.n ki chah karni wali ... ye na tha k usey bahaar sey koi anaad tha per shaid khizaa.n us ki ghutti main rach bas gai thi ...
wo chaltey chaltey ruki aur aik darakht k taney sey taik laga k baith gaii ... aas paas bikhrey patoo.n ko barey piyaar sey dekha ... aik pattey ko uthaya ... dekha ... chehrey pe ajeeb si muskurahat phaili ... aik tara ubhra .. toota aur ........... us nay pattey ko seeney sey laga liya .........
wo akhiri saansain mehfooz karna chahti thi apni .. apney sey us pattey ki ..................
Wo Aik Patta Khizaa.n Zada Sa...! - $@GH@R - 03-27-2006
:rose V.NICE WORK DEAR :rose
Wo Aik Patta Khizaa.n Zada Sa...! - king of kuwait - 08-11-2006
Nice one thanks for sharing