http://forum.urduworld.com/f187/bhanwra-aur-konpal-352878/

[COLOR="#696969"]Assalam o Alaikum
Umeed hai Sab Ache hon gay:dua
Aik adad mazeed tehreer likhne ki koshish ki hai umeed hai ziada buri nhi likhi hogi:blush1
(Naam k lye Hum Sis ka shukrya:hehe)

Tumhain maloom hai mard aur aurat main kya farq hai?
Zameen se sar uthathi konpal ne bhanware se poocha,han mard bohat aqalmand hota hai,mazboot hota hai, museebat pe ghabrata nai,rota nahi. Bhanware ne konpal ko daikhte hue kaha, han sahi kahte ho lekin ye aqalmandi bi tu aurat ki bewaqufi k agay chalti hai,aurat ki duayain uski mazbuti,uski himat k peeche kisi ki zaat ka fakhar hota hai aur na ronay ki waja bi aurat.. Wo khud kisi k ansuyun ki waja hota hai phr usko rona kyun aye? Ye farq bi tu sub uski zaat ne dale konpal ne kaha. Nai tum ghalat kah rahi ho mard ki mazbooti aur taqat tu khud usko apni mehnat se haasil hoti ho aur ansuyun wali bat bi bohat ghalat hai,bhala mard aurat ko kyun rulaye ga wo tu uska negheban hai aur negheban aisa nahi karte.
Negheban tu pahle ki baat thi,aj kal tu bhairye bas rahe hain is jahan main.. Konpal ne aik aah bharte hue kaha. Bhanware ne jhunjhula kar baat kati,ye tu sara sar ilzam hai pahle tu tum ne mard k haq main diye jane wale dalayal se inkar kiya aur ab rahbar se rahzan bana bethi ho akhir tum batao mard aur aurat ki zaat main kya farq hai? Bhanware ne aik teekhi nazar konpal pe dalte hue tanziya lehjay main pucha. Aik pal ko konpal chup hui phr dheemay lehjay main boli Aurat aur mard main farq hai aesar ka,khaloos ka, waffa ka aur sakhti sah kar bi chup rahne ka.. Wo aesar karti hai magar bar bar ginwati nahi,bure bhalay halaat ki sakhti sahti hai lekin jatati nahi, waffa karti hai tu marte dam tak is azeeyat ko muskura kar qaboolti hai. Kya ye sub batain mard ki zaat main hain?
Kya kisi aik se harne wala kisi aur ko jeetne deta hai? Kya kisi khuwab ki lu se jhulasnay wala kisi aur ka chiragh-e-himmat banta hai? Konpal ne sar utha kar bhanware se poocha jo itni si dair main kisi dosri konpal dhundhne nikal gya tha,hawa ka jhonka aya aur kuch qatre konpal k wajood pe jagmagane lage..
Kuch k khayal main ye shabnam thi aur meri nazar main apne wajud ki be wuq'ati pe behne wala aansu..

H.Malik[/COLOR]