Mere Sajna Tu Kyun Samajhta Nahi.n?

******************** ******************** ******************** ***************



Yeh Chah Waysi Chah Nahi.n

Yeh Pyaas Waysi Pyaas Nahi.n

Yeh Talb Waysi Talb Nahi.n

Yeh Chah Ho Poori Nah Terey Lams Sey

Yeh Chah To Koi Aur Hai

Tere Hont Bujha Nah Paye.n Jisey

Yeh Pyaas To Koi Aur Hai

Yeh Jism.-O-Jaa.n Ki Talab Nahi.n

Yeh Talb To Koi Aur Hai….

******************** ******************** ******************** ***************

Mere Sajna Tu Kyu.n Samajhta Nahi.n?

******************** ******************** ******************** ***************

Chah Hai Faqt Itni Si

Tu Mujhe Eik Nigah Nawaaz Dey

Ruh Mein Sadiyo.n Sey Utartey Zeher Ka

Yehi Hai Tariyaaq Dey

Pyaas Jo Bujhaani Hai To Bas Zara Sa Muskoraa Dey

Woh Muskaan Jo Meri Ruh KI Parat Parat Ko Khila Dey

Rago.n Mein Utaar Jaye Jo Mujhe Aysi Awaaz Dey

Phir Palat Jaa Mujhe Sire Sey Bhoola Dey

K Yeh Jism-O-Jaa.n Ki Talb Nahi.n

Yeh Talb To Koi Aur Hai……..

******************** ******************** ******************** ***************

Mere Sajna Tu Kyu.n Samajhta Nahi.n?

******************** ******************** ******************** ***************

Tu Kehta Hai Parastish Karta Hai Meri

Mein Tere Is Juth Ko Seh Sakoo.n

Mujhe Aysi Bardasht Dey !

K Jisey Paa Lena Teri Chah Hai

Jisey Chum Kar Bujhti Teri Pyaas Hai

Jise Chu Lena Teri Talb Hai

Usey Pujta Tu Hai Bhala Kis Tarha?

******************** ******************** ******************** ***************

Mere Sajna Tu Kyu.n Samajhta Nahi.n?



Yeh Jism-O-Jaa.n Ki Talb Nahi.n

Yeh Talb To Koi Aur Hai……..