08-23-2006, 12:27 AM
|
 | :SehraNaward: | | | Join Date: Dec 2004 Location: Chiragh Tallay
Posts: 3,158
Country:  Tutorials:
0 Thanks: 0
Thanked 1 Time in 1 Post
Nominated 0 Times in 0 Posts TOTW/F/M Award(s): 0
Rep Power: 638 | |
 **Chahiye Koi** | |
 Bharay saagar mein mojon ko kinara chahiye koi
Meri pur'ashk aankhon ko nazara chaiye koi
tere dar pe jo aa aa ker yun wapas loat jatay hein
teri jaanib se hum ko bhi ishara chahiye koi
kaho tum kon ho pyaray! kahan se loat aaye ho
baray bejaan dikhtay ho, sahara chahiye koi ?
tujhe sheher-e-wafa mein to koi faateh nahi milna
wagarna hum to haazir hein, jo haara chahiye koi
tujhe yun bhi hai rakha yaad ke mere udv ko lamha
teri her yaad se ghaafil, guzara chahiye koi
mera dil tukray tukray hai idher sham-e-alam tu aa
tujhe bhi to hawadas ka hi maara chahiye koi
abhi hon taaq mein rakh ker sabhi khushiyaa'n hi muntazir
manao'n ga jashan main bhi, pyara chahiye koi
ajab dil mein hai moajzan kuch din se parayee yaad
humen phir dard ik shayad udhara chahiye koi
main apnay dil se ger poochon madawa-e-zakhm hai kya?
to ziddi dil ye kehta hai, dobara chahiye koi
beyaa'n kerti hein dil ka dard meri ye laal si aankhen
mera her ashk kehta hai ke chaara chahiye koi
nahi inn chaand taaro'n se mujhe SehraNaward matlab
mujhe to abb muqadar ka sitara chahiye koi
:SehraNaward:
__________________  .......JI RAHAY HEIN KAMAL KERTAY HEIN....... |