Urdu Poetry Forum

KYUN?

KYUN APNOON KE LIYE, APNE EHSAAS KO CHUPANA PARHTA HAI?

KYUN ROTEY HOYE BHI, HASNA PARHTA HAI?

KYUN MARTE HOYE BHI JEENA PARHTA HAI?

KYUN DIL HOTE HOYE BHI, DIL TALASH KARNA PARHTA HAI?

KYUN PAAS HOTE HOYE BHI, DOOR HONA PARHTA HAI?

KYUN PASAND HOTE HOYE BHI, NA PASANDIDGI KA IZHAAR KARNA PARHTA HAI?

KYUN DIL KI BAATEIN BAYAAN KARNE KE LIYE,HUMRAAZ PEHLE PYAAR BAAD MEIN BANNA PARHTA HAI?

KYUN KHUD KO AFSANA BANA KAR, AFSANA LIKHNA PARHTA HAI?

KYUN APNOON KA PYAAR HOTE HOYE BHI, PYAAR KO DHONDNA PARHTA HAI?

KYUN ALFAAZ HOTE HOYE BHI, ALFAZOOZ KO DHONDNA PARHTA HAI?

KYUN CHAHTE HOYE BHI, NA CHAHNE KA IZHAAR KARNA PARHTA HAI?

KYUN SACHAI MALOOM HOTE HOYE BHI, SACHAI KO CHUPANA PARHTA HAI?

KYUN ZINDAGI JESI KASUATI KO DEKH KAR, KASUATIYOOIN SE KHELNA PARHTA HAI?

KYUN KUCH BOLTE HOYE BHI, CHUP HONA PARHTA HAI?

KYUN EHSAAS HOTE HOYE BHI, EHSAAS KA EHSAAS KARNA PARHTA HAI?

AAKHIR KYUN??

KYA YEHI ZINDAFGI HAI?

AGR HAAN TOH KYUN HAI YEH ZINDAGI?..


doston mujhe mere ek friend ne yeh sawaliya mail bheja....but me ko samajh nahin aa raha k iska jawab kya hoga:--(...main khud hi isko padh kar confuse ho gai???....k aisa kyun hai....can any one tell

Pata nahi humare paas in sawalaat ka koi sahi jawaab hai k nahi.......aur pata nahi in sawalaat ka koi jawaab ho ga.......hum nahi jaante........

Hum jab tak jite hain apne se wabasta har rishte ka tawaan ada karte hain.......aur aysa karna nah karna humare bas mein nahi hota....hum aysa bohat kuch karte hain jo karne ko dil aur zehen nahi maante par karna parta hai...apne se wabasta logon, rishto ka khaiyaal kar k...kuch paa lena kuch kho dena zindagi k saath saath chalta hai......agar jo bas panaa hi panaa hota to zindagi mein koi kashish nah rehti kisi cheez ki justajoo nah hoti...aur yaksaniyat se ghabra kar phir kahan koi jaaye`?.....waqt marham howa karta hai sunte aye hain aur azmaaya bhi hai......jaante bujhte bohat cheezon se dastbardaar hona parta hai...kabhi kisi dusre k liye kabhi apne liye aur kabhi us k liye jise paane ki chah ho.....zzindagi mein bas ghum hi to nahi howa karte....bas khushi ko talash karna parta hai....aur woh hoti humare andar hi kahin hai.........hum ghumo ki chadar ko aankho se hatha kar hi bas dekh len zara sa to woh nazr aa jaye...phir yeh humara kaam hai k use kahin jaane nah dein ......aur yeh zindagi kabhi mehez bey rang nah hoti......Hum choti choti khushiyon ko khushi nahi gardaante lekin chote se ghum par waweela zaroor karte hain.......Jo mil jata hai us par shukr aur jo nah mile us par sabr karna sikh jayen to shaiyad zindagi karna asaan ho jaye.............



Hum nahi jaante hum ne kya kuch keh diya...aur pata nahi aap k sawalat ka koi jawaab tha is mein k nahi........lekin dil ne cahah hum ne likh diya

tawajo k liye shukriya @};-


Dua go
Naina

__________________
@};- Please update your Signature : Administrator HallaGulla

hmmmmmmmmmmmm sawalat kafi hen par sub say last jo sawal hay osee kay jawab may saray sawaloon kay jawab bhee heen kay zindagi kiyon hay ?


Keya hum nay kabhi yeh socha kay Zindagi kiyon hay ?

keya Zindagi kay saray Taqazay hum Ada kar rahay heen ?

jo zindagi hum say chahte hay wo hum zindagi ko day rahay heen ?

I hope kay jub hum zindagi kay taqazay poray kareen zindagi kay maqsad ko sumjh kar os kay maqasid poray kareen or zindagi ko jannay to yeh sawalat he na hoon @};-


waysay is topic par Eik mukmal post yahaan ho chuki hay jis par kafi acchay andaz may debait bhee hoee thee agher app kaheen to search kar kay os ka link app ko day doon @};-

KYUN APNOON KE LIYE, APNE EHSAAS KO CHUPANA PARHTA HAI?

is liye key Apno'n ko dukhi dekhna ... mazeed dukh mein mubt'la ker deta hey .

KYUN ROTEY HOYE BHI, HASNA PARHTA HAI?

Is liye key Log hasntey chehrey dekhna chahtey hein ..rotey howo'n ko log zyada da'er tek berdaasht nahi kertey .

KYUN MARTE HOYE BHI JEENA PARHTA HAI?

Is liye key zindagi Allah ka diya hwa tohfa hey .... Aur tohfo'n ko zaya nahi kiya jata !

KYUN DIL HOTE HOYE BHI, DIL TALASH KARNA PARHTA HAI?

Dil tou pass he hota hey per dehaan nahi rehta ... tou talash tou kerna parey ga na phir !

KYUN PAAS HOTE HOYE BHI, DOOR HONA PARHTA HAI?

Kyuon key kabhi kabhi dooriya'n qareeb ker deti hein ... aur kabhi yehi behter hota hey ..zindagi ko mazeed kisi mushkil mein dalney key baja'ey door chaley jana !

KYUN PASAND HOTE HOYE BHI, NA PASANDIDGI KA IZHAAR KARNA PARHTA HAI?

KYUN DIL KI BAATEIN BAYAAN KARNE KE LIYE,HUMRAAZ PEHLE PYAAR BAAD MEIN BANNA PARHTA HAI?

KYUN KHUD KO AFSANA BANA KAR, AFSANA LIKHNA PARHTA HAI?

Is liye key kaheen log humarey sach ko , haqa'eq ko jaan ker hum sey Rishtey na'atey na to'r lein ....
Aur kabhi kabhi sach ko saaf lfzo'n mein kehna bhi tou asaan nahi hota na!

KYUN APNOON KA PYAAR HOTE HOYE BHI, PYAAR KO DHONDNA PARHTA HAI?

Is liye key hum samjh he nahi patey Zindagi ko bas apni nazar sey dekhtey hein aur issi terha dekhtey rehney key Aadi ho jatey hein na ...

KYUN ALFAAZ HOTE HOYE BHI, ALFAZOOZ KO DHONDNA PARHTA HAI?

Ta key baat mein asar pai'da ker sakein... ( jubkey asar to lehjo'n mein bhi hota hey ) humein lfzo'n key sehar mein rehney ki adet jo hey !

KYUN CHAHTE HOYE BHI, NA CHAHNE KA IZHAAR KARNA PARHTA HAI?

Koi dil ka haal na jaan ley ..khud ko erz'aan kerna itna asaan tou nahi na !

KYUN SACHAI MALOOM HOTE HOYE BHI, SACHAI KO CHUPANA PARHTA HAI?

Mujboori ....... haqeeqat sey faraar hasil kerney key liye

KYUN ZINDAGI JESI KASUATI KO DEKH KAR, KASUATIYOOIN SE KHELNA PARHTA HAI?

Wo kisi sha'er ne kaha hey na key : Girtey hein Shahsawaar he medaane jung mein ... jub challenge he accept nahi karein gey to ... kiya charm reh ja'ey ga life mein !

KYUN KUCH BOLTE HOYE BHI, CHUP HONA PARHTA HAI?


Key aafiyet issi mein hoti hey ... Wo muneer niazi ne kiya khoob kaha hey na key :

kuch batein un kahi rehney do
kuch batein un suni rehney do
sab batein dil ki keh deen ager , tou baki kiya reh ja'ey ga
sab batein dil ki sun leen ager tou baki kiya reh ja'ey ga
Ek ojhul be-kali rehney do
Ek rungeen un banu DUNYA per
Ek khirki un khuli rehney do ...!

to kabhi kabhi un kahi mein jo lutf milta hey wo keh deney mein nahi hota !
kiya samjhee'n???


KYUN EHSAAS HOTE HOYE BHI, EHSAAS KA EHSAAS KARNA PARHTA HAI?

Dunya daree bhi to nibhaani hey na !

AAKHIR KYUN??

KYA YEHI ZINDAGI HAI?

haan yehi zindagi hey .... mager nahi ... zindagi tou aur bhi ka'e rungo'n per mushtamil hey ... kabhi ghor kerna ... bohat sey rung milein gey ... anokhey , albeley sey ,,dil ko chhoo leney waley ... aur rooh mein derd bher deney waley .. her rung ka apna lutf hey ..... apna charm hey ...

AGR HAAN TOH KYUN HAI YEH ZINDAGI?..

Rehi baat key zindagi kyuon hey tou is key jawab mein mein ne aek poem likhi thee ...aap key liye yahan post ker deti hoo'n
perhna aur phir batana .... key zindagi hey tou kyuon hey !

Khush raho

Wassalam

__________________
@};- Please update your Signature : Administrator HallaGulla

Bint-e-zaib

Zindagi khud ek sawaal hai himat honi chahiye bas samjney ki

Khush rahiye sada

__________________

__________________

thanx /rose
sach aapke jawab bohot achhe the aur samajh bhi aaye