Urdu Poetry Forum

Aaj phir Eid palt kr aa gai....loag kehtay hain k abhi kal ki he to bat hai....kal he to ye khushyun bhara din hamari dastrus main tha....kal he to sab gharoN main charaagaN tha ...jashan-e-Eid tha....magr....ye sadyun...jesay pal jeenay walay ya alam-e-barzakh...main nahin hain na......in ka hr din eid he hai....hr khushi ka pal dosaray pal se jura hoa....to ye kab jantay hain k eid.....hr dil main palat kar nahin aati...ye to kabhi kabhi pehli sans se aakhri sans tak bhi ....intzaar ko intazaar he rehnay deti hai....baz gharoN aur diloN k naseeb main chand raat nahin hoti....wo tamaam umer.....intazaar likhtay aur sehtay hoaye jeetay hain jiye chalay jatay hain is aik pal k liye...magr ye nahin milta .....baz hatheliyan...mehndi. ..se chand ...ubharnay ki bajaye..lakh mahir naqash gr honay par..bhi..hath par siyahi he ubhar pati hain..... anchal k palo main khawab k jugno bandhnay walay hath ....anchal ko hawa k hath se bachatay bachatay thak kr choor ho jatay hain....mgr in pr koi jugno koi sitara mehrbaN nahin hota.....eid ki rah main bichanay ko phol chuntay hath khud khizaaN ki zad main aa jatay hain....mgr phir bhi aik aas k sath ....aik umed k sath....zakham zakhm ungliun..ki parwah nahin kartay ....iss aik din k liye ruton ka zulam sahay jatay hain....bahaar ka damnn tham kr iltaja kiye jatay hain k thora ruko.... k eid ko teri zarort hai...teray bina wo na aa paye gi....tum he to os k aanay ki ..pehli khabar tum mat jao ....zara si der to tehro.....bas pal do pal main aanay he wala hai wo pal....jab hamaray hath par aik roshan chand utray ga...aik dhanak rang din ....ka hath thamay....aik roshan raat ki bahoN main bahain dalay
magr hota kia hai....in alam-e-barzakh k qadiyun k sath....aasman k aik neelay zehar rang goshay se chamakta khanjar nikalta hai....jo in ki umed k dil main uter jata hai.........aur ye loag.......sab se galay mil k kehtay hain chand raat mubarik.........agr in se koi ye kahay to bass dil par hath rakhay.........sara dard pee jatay hain...sara dard.........aur yun jashan-e-eid main shareek hotay hain....yahi to hain jin ki band muthi main ....aik dagh aur ....hontoN k kanptay goshoN main aah dabi hoti hai....yahi to hain jin k hath phol chuntay chuntay thak kar bay jan hoaye jatay hain ...yahi to hain jin par kabhi koi jugno ya sitara mehrbaN nahin hota......ye hm he to hain.

__________________

eik umdah nasri tehreer.. bohat achi likhti hein .. MashaAllah..

wafa aur dua ke saath
withlove

__________________

.......JI RAHAY HEIN KAMAL KERTAY HEIN.......

__________________

Bohat shukria Ali bhaya.....
jeetay raho khush raho
aur ye lo eidee

__________________

Hosla afzai k liye bohat mamnoon hoN
bohat khush rain aabad rahin...[Aamin]

__________________

hmm.khoob hain ji aap,,sitaray or jugno pr bhi bhala koi or sitara or jugno mahrbaan hota hay?

boht achi or jugnoon or sitaron jesi chamkti damakti tahreer main bay intiha dard or karb pinhan nazar aaya,,har satar misra lagti hay,,nazmiyan andaz numaya hay..,mera mashwara hay kay kanwal koshish kr kay inpage kiya karo,,tahreer ka jadoo or sar charh kay bolay ga,,,boht si daad kanwal ji kay liye

As-salam-o-alaikum Kanwal, ap ka qalam to nasar meiN bhi jadu jaga raha hy... Saahir bhai ne durust kaha k nazmia andaaz meiN aap ki is tehreer k lafz lafz se dard tapak raha hy, aur is khas dard ko ap ne jis trha is tehreer meiN phailaya hy, wo qaabil-e-staish hy... Allah aap k alfaaz ko mazeed roshni aur aap k qalam ko mazeed roshnaei ata kary, aur aap ko apny mehsoosaat bayan krny ka hosla ata kary... aap ki mazeed tereeroN ka intzar rahy ga....

__________________