It seems that you are unregistered. Please register with us by clicking Here, or if you are already registered login here
It seems that you are unregistered. Please register with us by clicking Here, or if you are already registered login here
Welcome to Urdu Community & Poetry/Shayari Forum
This is a discussion on ~*~woh kehta hai mein barish hoon~*~ within the Urdu Writer's Club forums, part of the Urdu Adab category; ~*~woh kehta hai mein barish hoon~*~ “woh kehta hai mein barish hoon…kabhi mohabbat ki phuwaar jaisi naram si…kabhi lehjoon ki ...
| |||||||
| Poetry | Video | Photo | Books | Games | Sites | Register | Groups | FAQ | Calendar | Mark Forums Read | Chat [5] |
| Notices | |||||||||||
|
 |
| | Thread Tools |
|
#1
01-10-2006, 09:58 PM
| |||||
| |||||
~*~woh kehta hai mein barish hoon~*~ “woh kehta hai mein barish hoon…kabhi mohabbat ki phuwaar jaisi naram si…kabhi lehjoon ki mithaas jaisi…komal si…kabhi barsoon jo mein chahat mein dasht ko bhi sairaab kardoon..kabhi roothoon jo mein us sai to bahaar ko bhi khizaan kardoon” aaj badal phir ghir kai ai hain…main kafi dair sai bethi yunhi aasmaan ko dekh rahi thi..jahan badal apas mein janai kya keh rahai thai…kabhi ghir kar atai to yun lagta jaisai abhi baras jain gai aur kabhi yun door ho jatai jaisai kabhi milain gai hi nahi…kafi dair sai ye khel dekh rahi thi…dua kar rahi thi kai aaj barkha jhoom kar barsai…hawain bhi aaj kuch keh rahi theen..shayad unhain bhi intezar tha us lamhai ka jab who bheeg kar fizaa ko sairaab kardain…aaj mujhe yun mehsoos horaha tha jaisai puri kainaat in badloon ka raks dekh rahi hoon..kabhi in sai shikwa kar rahi hoo kai barastai kyon nahi aur kabhi in sai ilteja kar rahi ho kai who is ki pyas bhuja dain…mein bhi sochoon mein gum janai kab sai ye khel dekh rahi thi….kai achanak..tip tip tip barish ka pehla katra meri hatheli par gira..aur mein nai hatheli yun band karli jaisai ye darr ho who kahin kho na jai..magar phir jo nazrain utha kar apnai aas paas dekha to barkha nai jaisai sab kuch jal thal kardiya tha…aaj wakai barkha jhoom kar barsi thi…aur mein to thi hi sada barish ki deewani..is kai har rang sai mujhe ishq tha…so mein bhi is sang jhoom uthi.. woh na janai kab sai khirki mein khara mujhe dekh raha tha…magar us nai mujhe roka nahi awaaz nahi di..janta hai mein us kai rooknai sai rukoongi nahi..janai kyon usai hamesha barish sai mera ye ishq acha lagta tha so woh bina kuch kahai bina kisi ahat kai bas mujhe dekhta raha…mein nai zara si nazrain utha kar khirki ki oor dekha aur usai neechai anai ka ishara karke khud phir magan hogai..aisa hi hamesha hota hai…woh mujhe waheen khara dekhta rehta muskurata rehta aur mein hamesha usai anai ka ishara karti…aaj bhi wohi hua..woh waheen sehan mein beth kar mujhe dekhnai laga…na janai hi hamesha kin sochoon mein gum hojaya karta tha ..jab bhi nazar uth ti hamesha shararat bhari nazroon sai hi dekhta paya usai aik meherbaan muskaan laboon par sajai mujhe dekhta rehta…magar woh jo mujhe kabhi barish ki boondoon sang khelta dekh kar pukara na karta tha aaj us nai mujhe awaz di aur kaha "kya pagal ho janti ho sardiyoon ki barish hai beemar ho jao gi kuch nahi hota mausam ki pehli barish hai kuch nahi hoga kya mausam ki pehli barish kuch alag si hoti hai haan alag si hoti hai aik umeed aik khushi ban kar aati hai tum wakai pagal ho kitni baar kaho gai yehi jitni baar tum suno gi " aur mein muskura di janti thi isai meri fikar hai ye bhi janti thi kai mujhe rokai ga nahi lekin jab tak mein thak nahi jaoongi yaan mera dil nahi bhar jai ga who yunhi mere aas paas rahai ga aur mujhe hamesha ye lamhai bauhat achai lagtai hain..khamosh sai lamhai jin mein hum kuch na bhi keh kar bauhat kuch keh jaya kartai thai…magar aaj mera dil kar raha tha who bhi is mausam ki pehli barish ko mehsoos karai..so mein nai hathoon kai payalai mein paani bhar kar us par uchala..to woh jo mujhe dekhai ja raha tha khud hi chaunk kar poochnai laga… "ye kya kar rahi ho kuch nahi chahti hoon tum bhi ye mehsoos karo kya mehsoos karoon mausam ki pehli barish mein hamesha mehsoos karta hoon woh kaisai kabhi bheegtai to ho nahi mein mausam ki har barish tum mein mehsoos karta hoon bheeg to gaya hoon tumhari mohabbat mein " woh jo kabhi kuch na kehta tha aaj janai kyon sab keh gaya tha..."tum to hamesha yehi kehtai ho kai izhaar ko lafzoon ki zaroorat nahi to phir aaj " "haan aaj janai kyon dil cha raha hai tumse ye sab baatain kahoon aur dekhoon tumharai chehrai par un jazboon ka rang jo tumhari ankhoon mein nazar ata hai " aur mein us ki is baat par hairaan thi...bas usai dekhai gai to woh dheerai sai mera hath thaam kar bola.. "suno… itni hairaan kyon ho rahi ho tum hairaan kar rahai ho kyon kyon kai aaj sai pehlai tumne kuch kaha nahi aur aaj ye haan aaj ye sab mein kahoonga tum suno gi" aur mein kya karti sirf muskura kar usai dekhnai lagi aur woh kehta raha haan sahi keh raha hoon mein barish tum mein mehsoos karta hoon tumhari hansi mein tumhari khushi mein tumhari mohabbat mein hairaan ho rahi ho na aur mein nai sirf sar hila diya nahi chahti thi ye sehar tootai haan mujhe tum barish jaisi lagti ho naram naram si phuwaar jab parti hai to yun lagta hai jaisai tumhari hansi ki jaltarang har taraf ho sard si hawain jab bheegti hain to yun lagta hai jaisai kahin ghata cha gai ho jaisai barish ki boond fiza ko taaza karti hai waisai hi tum meri zindagi ki taazgi ho jaisai barish ki ye boond sehra ko gulshan karti hai waisai hi tumhari mohabbat mere dil ko abaad karti hai mujhe tum is barish jaisi lagti ho jaisai ye apnai sang khushyaan lai kar ati hai tum khushyaan baant ti jaati ho jaisai ye bahaar ka samaan laati hai tum waisai hi meri zindagi mein raushni lai ho jaisai ye umeed ban kar barasti hai tum mujh par wafa ban kar chai rehti ho to batao phir mein mehsoos kaisai nahi karta barish ko ye barish to mausam kai sath ati hai meri barkha to mere sath har pal rehti hai meri sansoon mein meri ankhoon mein meri rooh mein meri zaat mein" aur mein us ki deewangi par bas hans di aur woh jo bas ek tik mujhe dekhai ja raha tha haulai sai mere paas akar us nai sirf itna kaha “haan mujhe tum barish jaisi lagti ho "
__________________ Last edited by Diya; 01-12-2006 at 10:24 AM.                  |
|
#2
01-11-2006, 04:12 AM
| |||||
| |||||
Quote:
__________________ .. JiS pE LikHa tHa Ki tU MeRe MuQaddaR MeiN NaHi .. apNe HaaTh Ki wOh LakeeR MiTa Di MeiNe .. !  |
|
#3
01-11-2006, 04:40 AM
| |||||
| |||||
 Salam Di... wazzup... Eid Mubarak.... thorri si parhi hai baqi baad main parhoon gi inshaAllah... bohat nice likhi hai...  bohat khush rahye... Happy Happy Eid Ul Adha ...
__________________ Pase el tiempo con amó unos  No sea Quitter |
|
#4
01-11-2006, 10:09 AM
| |||||
| |||||
Quote:
HMmmmmmmm Alfaz ki pokhtagi tu bata rahe hai k aap is maidan ki kafi porani khiladi hain.. waise yeh kuch itna zaroori bhi nahi k sirf kafi arse say likhne walay loug hi acha likh sakte hain kabhi kabhi khyalat ki humahungi aur unki baleedgi bhi aap ko bohut acha likhwa daiti hai .... ab aap ka shumar kin lougoon main hota hai yeh tu aap hi bata sakti hain kyoon k main ne tu aap ki yeh pehli cheez parhi hai... kafi acha likha hai aap ne .... kafi RABT hai khyalat main aur main yeh bhi kahoon ga k aap k TAKAYUL ki parvaz kafi ounchi aur Bakamal hai... likhti rahiye INSHAH ALLAH aur bhi Zabardast likhne lagain gii..... aur koye Ta-Ujab nahi kay aap is say bhi kaheen behtar likh sakti hain kyoon k jahaan tak main ne samja hai aap k paas Alfaz ki kami nahi hai aur jis k dil ki zameen lafzooon k liye Zarkhais ho wo bohut ummda likhta hai aap k jaise ... Khsuh rahiye Jeeti rahiye
__________________ *Apna Khyal Rukhiye Ga Aur Agar Ho Sake Tu Dosrun Ka Bhi*  |
|
#5
01-11-2006, 11:10 AM
| |||||
| |||||
Yaar yeh ittefaq hai ke nahin.... mugur kel eid thi, aur raat moosladhaar barish....siref aik problem hai....woh mere joote abhi bhi geele hain....KIYA KEROON....  ...baqi sub sookh gaya hai khair se...JOOTE.....:cry6 Tehreer to aap ki buri shaandaar hai, husb-e-ma'mool, mugur woh sub choriye, jub us nain woh haath pukra to mere moon se to beikhtiyaar HAY LA nikel gaya.... Ehem, aapi....yeh kiya maajra hai..ehem ehem....  ......yaani ehem ehem,,,... Hahaha...khair, tunqeedi nuqta-e-nuzur se...well...hmm....f ilheel to mere joote geele hain, so....main pehle inhain dekh loon....aap bhi kaun si gunjaish deti hain tunqeed kee...HUNH :angry6  |
|
#6
01-11-2006, 05:15 PM
| |||||
| |||||
aaahaaaa .........dil nahi tha per phir bhi tumharee tehreer perh li chalooo pehlay to card ka shukriya........... tumhari post per kuccch kenay sey pehlay FALAK key reply per taajub huwa reply mein itnee pukhtagee thee woh (abhi kHUDKALAMI wali post ka MARTAM kiya hay) tehreer mein nahi dikhaii dee.  hojata hay.............waisay ajab nahi key tumharay sath bhi wohi kucch kiya jai per............lerki (lerkiooN se mazzrat) tum kab haal mein hoti aur kab bayhaal matlab MAZI mein chali jati hooo is per qabu rakhteeN to waqaiii khoob tehreer thee.............soo ch aur unmein rabt is mein tum se ziyada us AADMI ka kamal tha jo khirki mein tha aur bheeg bhi raha tha aur tum CHULUU bhar pani mein usko DABO baithee............. yeah mahawaray ka practical demo tha jis per aap ka shukriya..........ha aaan aik baat is banday se mujhay zaroor mutaraf karwa'oo jo GUM SUM ho aur hamesha shareeer nazroo sey takta ho aur musalsal muskan laboo per basaira rakhti ho...............tum hareee tehreer sey ZIYADA BANDA QABIL E TAWAJOO hay khush rahoooo
__________________ koii aasaib hey ta'aluq mein qurb chah ho to fasla ho jaey |
|
#7
01-12-2006, 09:06 AM
| |||||
| |||||
Salam Aapi abhi aap ka likha parha, abb iss pe kiya tankeed ki jaiay? samjh he nahi aa raha, Eik achi tehreer ko kissi tankeed ya tahreef ki mohtaaj nahi howti , woh appna aap khud manvaya kerti hai, aur achi tehreer wohi hua kerti hai jissay parhtay parhtay aap oossi k rang mein khud ko ranga hua mehsoos kernay laggtay ho, jaisay app ne likha: ''janti thi isai meri fikar hai ye bhi janti thi kai mujhe rokai ga nahi lekin jab tak mein thak nahi jaoongi yaan mera dil nahi bhar jai ga who yunhi mere aas paas rahai ga aur mujhe hamesha ye lamhai bauhat achai lagtai thai..khamosh sai lamhai jin mein hum kuch na bhi keh kar bauhat kuch keh jaya kartai thai…magar aaj mera dil kar raha tha who bhi is mausam ki pehli barish ko mehsoos karai..so mein nai hathoon kai payalai mein paani bhar kar us par uchala..to woh jo mujhe dekhai ja raha tha khud hi chaunk kar poochnai laga…'' mein jab iss jagha pohancha tow yakeen kerrien aapi kuch dair k liay aisay mehsoos hua k mein bhi wahein kahein kharra yeh sab daikh raha houn khush rahein abad rahein !
__________________ ISS LIAY KOI ZIADAA NAHI RUKKTA HAI YAHAN....... LOWG KEHTAY HEIN MERAY DIL PE TERA SAYA HAI ! |
~*~woh kehta hai mein barish hoon~*~ 
Re: ~*~woh kehta hai mein barish hoon~*~ 
