Urdu Poetry Forum

Ishq wahid hai ............ Ishq Is'lah hai ............ Ishq Ebadet hai .......... Ishq Mizaj hai ........... Ishq Nafreen hai ..........Ishq Yakta hai .......... Ishq KHUDA hai

yeh ishq jis ka zikar bar bar kiya jata hai aur kitabain bhari hoyi hain isi say motaliq tu dar'asl yeh hai kiya ...........

Kaheen mizaj ki girani ka naam tu Ishq nahi hai ........... Kaheen Jazbat ki ravani ko tu Ishq say tabeer nahi kiya gaya ......... Kaheen .................... ..................
lekin yeh kaheen, kahaan hai .......... kyoon hai .......... kiya hai............ yeh sab sawalat bhi tu eham hain aur inki ehmiyat say inkar mumkin bhi nahi ............ muje aaj tak yeh samaj nahi ayi ke Sarab kiya hai aur kiya ISHQ main sarab zaroori hai, ya ishq main sab kuch Sarab hi lagta hai , ya yeh Ishq khud hi ek Sarab hai ........... lekin nahi ager ishq Sarab hai tu pher ALLAH jee say kiya gaya ISHQ kiya hoa!!! .......... ya pher Ishq, Ishq main bohut faraq hai ....... matlab ke jo ISHQ ALLAH pak say hai wo tu Ishq hai lekin jo Ishq kisi insaan say hai wo ISHQ nahi wo ............. lekin pher wo kiya hai .................... .... aksir yeh suna hai ke ISHQ main wahda'niyet ka bohut amal dakhal hai ........... aur amoman ishq ki wahda'niyet ki batain bhi hoti rehti hain lekin masla yeh hai ke Wahid wo cheez hai jis ka koyi Sani nahi , jis ka koyi Maqarab nahi, jis ka koyi Ham'Asar nahi , jis jaisa koyi nahi ......... tu pher kiya Ishq ke saath Wahada'niyat ka lafz lagaya ja sakta hai ........... aur pher IShq ki intiha kiya hoyi .............. wo kehte hain na ke "Taray Ishq ki Intiha Chahta Hoon" tu kiya Ishq ki koyi intiha hai ........... kyoon ke Intiha tu uss cheez ki hoti hai jiss ke baad wo cheez khatam ho jati hai us ke agay ka koyi rasta nahi milta .................. tu ager Ishq ki Intiha hoti hai tu pher iska Matlab yeh hoa ke Ishq bhi Ikhtitam pazeer chah hai ........... aur jo cheez khatam honay wali ho usko karne say Faida ................... lekin nahi .............. Ishq apne Deen say bhi hota hai .......... Ishq NABI PAK (PBUH) say bhi kiya jata hai aur pher yehi Ishq hi tu hai jo ALLAH (SWA) say bhi hota hai aur iss tarha hota hai ke Kuhd ALLAH jee kehte hain ke main us shakhas ke haath, paoun, Zuban aur dil-0-Demagh ban jata hoon jo shakhas mera ho jata hai ............. lekin wo shakhas bhi yeh nahi keh sakta ke main ne Intiha ko choo liya hai kyoon ke Ishq ki koyi intiha nahi aur Ishq ke liye sirf aik zat hai .......... balke yoon kehna chahiye ke Fayel tu kayi ho sakte hain lekin jo Maf'ool aur jo Majhol hai wo aik hi hai............... ISHQ ke liye zaroori hi ke yeh Wahid zat say hi ho ............. kyoon ke Ishq khud Wahid hai aur iski Wahda'niyet ke liye yeh zaroori hai ke yeh ussi tarha Yakta ho jaise ke ki janay wali ZAT hai .................... ................haan Ishq main kuch Had'dain zaroori hain ......... jaise ke ALLAH say ishq ki had yeh hai ke ALLAH ki qayem karda hadood-e-qyood ka khyal rakha jana chahiye ......... ab ager isi baat ko ham insaani Ishq ke Tarazoo main rakh kar tolain tu pher Insaan say insaaan ke Ishq ki had kiya hai ........... Shayed kuch bhi nahi ........... matlab ke jab insaan insaan say ishq karta hai tu na'janay usse kis kis cheez say mila daita hai aur uske hasool ke liye kaye ghalat raste bhi apnata hai kyoon ke Ishq jo tehra aur pher Hadood ki pasdari bhi nahi karta tu pher yeh Ishq jo insaan say hota hai yeh kiya hoa !!!!!! .................... ............... Ishq main apni Zat sab manay kho deti hai aur dosre ki Zat main dilchaspi itni bhar jati hai ke Ma'Sivaye uske kuch aur yaad hi nahi rehta aur na rehna chahiye .......... tu yaaR ager aisa hi hai tu pher kia aik insaan ko dosre insaan say Ishq karna chahiye jab ke sivaye ALLAH ke insaan sab kuch bhi bhol jaye tu parva nahi jab ke Ishq ki sharat yehi hai ke sab kuch bhool jao sivaye Mehboob aur Mohib kay ...............
Lehaza maray is Bayaan ka Hasil yeh hai ke Ishq kisi aam insaan say nahi kiya jana chahiye ya yoon keh lijiye nahi kiya ja sakta

"Meri baat say kisi ka bhi Mutafiq hona zaroori nahi lekin main choonke aisa hi soochta hoon is liye likh bhi raha hoon .................... ......."

__________________
*Apna Khyal Rukhiye Ga Aur Agar Ho Sake Tu Dosrun Ka Bhi*

nice ............. wesay ishq kisi insaan say ho bhi nahi sakta
ishq ka matlab to apnay aap ko fana karna hota hay na or kisi insaan ki zaat main ham apnay aap ko kesay fana kar saktay haiN

__________________

jee sahi kaha ke yeh kisi Aam insaan say na tu ho sakta hai aur na hi hona chahiye ...................

Pasand karne ke liye shukriya

hum tu bas itna jante hain bhaee k kisi k agey apni zaat ki nafi kar dena ishq-e mijazi hai aur Khuda e buzurgo bartar k samney apni zaati ki nafi karna aur itni karna k mun tu shudam tu man shudam ka muqaam aa jay ishq-e haqeeqi hai

waise aap nay acha likha hai kai sawal uthay kai ka jawab bhi diya .. aur kai sochne k leye humarey demagh k chokhat khatkhatate chor deye

jetey raheye khush raheye aur likhte raheye

__________________

Bouhat Umda Khayaal Raqam Kiya Hay Aap Nay...Pyar, Mohabbat, Ulfat, Chahat, Ishq Yeh Sab Jazbay Khuda Daad Hai'n Mohabbat Bhi Ham Jaan Boojh Kar Iradatan Nahi Kar Saktay Owr Jis Ko Iradatan Kiya Jaey Woh Mohabbat Nahi Hoti..Ishq Insaan Say Bhala Kiyoo'n Nahi Ho Sakta?...Allah Jis Ko Chahay Is Dowlat Say Bhi Nawaaz Daita Hay...Allah Say Jo Kuch Bhi Hota Hay Woh To Ishq Say Bhi Maawra Hi Koi Jazba Hota Hay Jo Aam Insaano'n Kay Bas Ki Baat Nahi Owr Yeh Jazba Bhi Khuda Daad Hota Hay Allah Kab Kis Ko Muntakhib Kar Lay Ham Nahi Jaantay...Ishq Say Mawra Bhi Aik Jaba Zaroor Hay Jo Insaan Ko Insaan Say Bhi Ho Sakta Hay...Owr Is Say Bhi Maawra Koi Jazba Hota Zaroor Hay Jis Ka Ham Ko Adraak Nahi Jo Sirf Allah Owr Us Banday Kay Darmiyaan Reh Jata Hay Jo Sirf Owr Sirf Allah Owr Woh Allah Ka Banda Hi Jaanta Hay Kay Woh Kis Kaifiyat Mai'n Hay? Ishq-e-Mijazi Ishq-e-Ilaahi Dono'n Khuda Daad Hai'n Laikin Mujhay Yahi Lagta Hay Kay Ishq Say Bhi Maawra Kaai Jazbay Hai'n..Owr Allah Ki Zaat Say Jo Banday Ko Ishq Hay Woh Ishq Say Bhi Kahee'n Maawra Jazba Hay....

Aap Ki tehreer Mujhay Bouhat Pasand Aai Jis Par Bouhat Kuch Likha Ja Sakta Hay But Jitna Bhi Likh Lai'n Tashnagi Ka Aehsaas Daaman Geer Raihta Hay... Umeed Hay Kay Mazeed Sharing Karai'n Gay..

__________________

امتِ مسلمہ کا یہ مشترکہ عقیدہ ہے کہ ۔۔۔
رسول کے سب سے زیادہ جاں نثار ، آپ (ص) کے سب سے زیادہ فرمانبردار اور آپ(ص) کو سب سے زیادہ چاہنے والے ۔۔۔
خود نبی کریم صلی اللہ علیہ وسلم کے صحابہ (رضی اللہ عنہم اجمعین) تھے ۔

اسلام کی تاریخ میں ایک چھوٹی سے چھوٹی سطر بھی ایسی نہیں ملتی جس میں کسی صحابی نے اپنے آپ کو یا کسی دوسرے صحابی کو عاشقِ رسول کا لقب یا خطاب دیا ہو ۔

ثابت یہی ہوا کہ ۔۔۔ رسول سے محبت تو کی جا سکتی ہے لیکن رسول (ص) سے عشق ، قطعاََ نہیں کیا جا سکتا ۔

باقی باتیں اس تھریڈ میں ۔۔۔

__________________