Urdu Poetry Forum

**khamoshi07** · #1 01-04-2008, 11:24 PM

...lamhey ,din, ratien guzartey ja rahien hain..jaisey katra katra tapkta hovey paani kay qatrey..jaisey dheeray dheeray shaam ka aanchal main doobta hova aftab, jaisey chaan ki grift main undheeri raat...
saloo ka saath pa kar guzri bichri hovi batien bhi ojhal hoti ja rahien hian..rishtey waqt ki dhol main gum ho rahey hain...tumhari batien, Tum bhi tu aik aisi hi aam si shaam main khamoshi sey mera haath chor gaye they..koi lafz tum nay nahin kaha pher hi main nay suna! Har lafz suna, be-wafai ki har dastaan main nay suni.Tumne meri taraf nazar tak na ki, pher bhi main nay tumhari aankhoon main b-e-had jafa dekhi...kis pe yaqeen karoon? un wadoon per jo hamari zindagi they, woh lamhay jo hum nay saath betai they, kahan hai aaj woh waqt jo gawahi de? kaun si dua main mangoon keh khuda sun le?........tumhari kahi hovi har baat eri samatoon main goonjti hai, tumhara ihsaas aaj bhi ratoon main jaga deeta hai. meray haatoon main sirf tumhara haath ho ga ,aaj woh haath khali hain , na un main koi lakeer hai , na koi faryaad tehrti hai.
tumhi nay kaha tha keh muhabbat kam nahin ho gi...aaj muhabbat meray liye to khatam hi ho chuki hai.zindagi tumhein se shooro thi , tumhi pe khatam hai. main zinda hoon , saans leti hoon , baat karti hoon, baqi rishtoon ko nibhati hoon magar woh aik kasak , tumhari aik aik baat har guzartey hovey saal kay saath aur gehri hoti jati hai....janti hoon key tumhari wapsi na-mumkin hai..keh jisey Duaoon main har lamha manga main nay, woh bin mangien kisi aur ko mil giya!! tumhara intazaar bhi khatam ho chuka hai..tumhari taraf niklney waley raastey ki har manzil ko khoojna choor diya hai main nay..har aahat pe choonk janti hoon magar maloom hai keh ye utthey hovey kadam tumharey nahin hoon gay...
kahan wapis attey hain loog..aur tum tu khud gaye they mujhey choor kar, khuda karey tumhein woh manzil miley jis ke lie tum mujhey raastoon main choor kar gaye they...ye umar guzar jaye gi, magar zindagi saath nahin ho gi...haar raat ayi gi magar chaandni saath nahin laye gi, haar din talooh ho ga magar sehar na aye gi...insaan hoon na, jo hai uss se ziada chihye, jo chin giya woh wapis chaiye, kushiyoon ko paney ke liye bhi wajah chahiye,hijar ki dhoop main koi wasal ka saya chahiye...jo apna nahin hai woh dobara chahiye!!! wafa ka saath aik bar dobara chahiye <=xXx=>

Khush rahiye
Dua go khamoshi

**Pathar Dil** · #2 01-05-2008, 09:32 AM

kuch khamosh baten...dil ka bhoj lamhey bhar k liye utaar phainkti hain...so unhen keh dena chaye...
Nice sharing...

**khamoshi07** · #3 01-05-2008, 06:12 PM

thank u pathar jee
khush rahiye
Dua go
khamoshi

Similar Threads
Thread	Thread Starter	Forum	Replies	Last Post
DiL Chahay Woh Koi Baat Karay....:)	Charagh-e-Shab	Nazam	12	10-14-2007 08:31 AM
Tum Mere Dil Main samao Toh Koi Baat Banay	shut up	Ghazal	9	07-11-2007 05:26 AM
Aik Baat Kahoon ?	imran22	Ghazal	15	07-04-2007 05:23 PM
Aik Hi Baat Hai	nailahkb	Ghazal	8	06-29-2007 06:33 AM

Urdu Poetry Forum

wafa ka saath,teri koi kahi hovi ik baat....

wafa ka saath,teri koi kahi hovi ik baat....