Urdu Poetry Forum

zindagi itni mushkil bhi nahi jitni tum samajhti ho wafa,
kiya kisi ke chale jaane se sab kuch khatm ho jaata hai? ......... main jaanti hoon is waqt tumhare dil par kiya beet rahi hogi;Arhan tumhe apni zindagi se bhi piyara tha par jab use hi tumhaari koi fikr nahi to tum kyon aise insaan ke liye khud ko tabah karne pat tuli ho?
bhool jao use- wo tumhaare layeq hi nahi tha
suna tum ne bhool jao use wafa aur apni zindagi ko naye sire se shuroo karo
(kamre main almas ki awaz goonj rahi thi -wafa apni jagah khamosh bathi us ki baaton ko sun rahi thi..........
chand klamhe ki khamoshi ke baad Alams phir bol padi
Wafa meri jaan ,ye zindagi ham sirf apni khooshiyon ke liye nahi jii sakte
is par, hamari khushiyon par ham se ziyada doosron ka haque hota hai
is tarha kisike liye sab ko takleef dena kahan ki aqualmandi hai?????
jawab do Wafa..............
kuch to kaho......

Wafa jo ab tak apne aansoon zabt kiye baithi thi,dono hathon main chehra chhupaye sisak uthi thi
uski is haalat se almas bhi pareshan thi

waqt ne wafa ke saath jo bewafai ki thi us se har koi waquif tha
jab se usne hosh sambhala tha us ke liye sirf ek hi naam suna tha aur wo naam tha ARHAAN. us ne apni zindagi ki saari khwahish saare arman usi ke naam kardiye the masoom chahaten anjani khwahishon ke sath us din ka intizaar karti jab wo ARHAN ki zindagi main us ki mankooha ki haisiyat se shaamil hogi
par naajane aisa kiya hua ke saare khwaab saari khwahishe chakna choor hogaye thi
wo shaam har sham ki tarha khooboorat aur khanakdar thi
jab wo chhat par khadi aasman ko takte hue apni sochon main gum thi.

phone ki ring sunkar neeche hall main aayi thi
us ke pahonchne se quabl hi ammi ne phone receive karliya tha
wo wahi quareeb main sofe par baith gayi
ammi ki is tarh badlti kaifiyat ne use chonka diya
kiya??????//
par ye kaise ho sakta hai??????
shaadi karli............... ...?
nahi nahi meri bachchi ki ko wo is tarha tanha nahi chodsakta-
zubaida tum ne use baat ki?
wo hairan nazron se ammi ko zubaida khala se baat karte hue dekh rahi thi
use kiya ilm tha ke chand lamho baad hi uski zindagi apna rang babdal de degi
ammi kiya hua ammi??????//
jaise hi hameeda bano ne phone rakha usne un se sawal kiya
nahi meri bacchhhi kuch nahi
tu jaa apna kaam kar- pareshaan hone ki koi zarorat nahi
khud ko samjhane ke andaaz main kahti wo kamre mian chali gayi aur wo khamosh khadi unhe jata hua dekhti rahi
us din ke baad kabhi us ghar main kisi ne Arhaan ka naam nahi liya
Wafa afaque Ahmed aur hameeda bano ki ekloti aulaad thi aur uski khushi se badhkar un dono ke lye kuch nahi tha
Arhan Wafa ki ekloti phoophi Zubaida ka beta tha bachpan main huye is rishtey se dono hi bahot khush the wafa aur arhan dono hi ek doosre ko pasand bhi karte
the par achanak jaaane kiya hogaya tha arhan kuch dino ke liye business ke silsile main bahar Dubai gaya tha
Wafa aur uske darmiyan kabhi koi wada kabhi koi ahedwafa nahi hua tha par use apni mohabbat aur rishtey par mikammal aitmaad tha
magar jaane kyon uska ye saara aitmaad saari ummeden chakna choor higayi thi
dil hi dil main jise apna sab kuchh maan liya usse judai ka dard hamesha rahta hai. hammeda ko wafa ki fikr thi so unhone ab uski jald se jald shaadi ka faisla karliya tha.hameeda beghum ki bahan farida ke bete Parvez se Wqafa ko munsalik
kardiya.apne dard ko chhupakar nayi zindagi ka aghaz karna bahot mushkil tha.
par parvez ke sacchhhe khuloos aur mihabbat ne use phir se nayi zindagi dedi thi
mazi ka dard itna aam to nahi tha ke aasani se bhoolaa jaasake par waqt ki chadar ne uske dard ko apne andar samet liya aaj taqreeban char saal baad jab wo do piyari piyari bachhiyon ki maaN ban chuki thi ek khuushgawar zindagi guzaar rahi thi.parvez ne sab kuch jaante huye bhi indagi main kabhi use maazi ka ahsaas nahi dilaya. uski bepanah mohabbat ne uske dard ko ek had tak kam kardiya tha.
Parvez, aaj Ammi ke haan chale kaafi din hogaye.
thik hai aaj tum bachhon ke saath cali jaana main office se direct wahan aajaounga thik hai?
ji thik hai.
par zara jaldi aajana takr thoda waqt aap bhi ammi aur abbu ke saath guzaar sako .
ji hukm mer aaqua;
acchhha? Wafa ne khilkhila kar poocha


wafa ke aajane se ghar main hamesha chahal pahal ho jaya karti thi Rifa aur Rida nana nani ke ghar aakar bahot khush hori thiN.
ghar main sab se milne ke baad wo Almad ke kamre main chali gayi
idhar udhar ki baaton ke baad Almas ne use bataye ki Arhan India laut aaya hai maye apni family (apni sharike hayat aur do bachhon ke saath)
magar phoophi ne usse apna sare rishtey tod diye hain. filhaal wo bombay main hi maquam pazeer hai.
Wafa bas khamoshi se sunti rahi uske dil main ek khwahish jaagi uski biwi ko dekhne ki wo janna chahti thi ke akhir us ladki main aisa kiya tha jo Arhan ne uski barson se ki gayi mohabbat ko thukra diya
phir khud hi apni irade ko badal diya ke ab in baaton ka kiya faayeda.
Parwez ke aate hi sab ne khana khaya aur wo sab se mil kar phir apne ghar chali gayi .
rah rah kar us ke zahen main bas wahi poorani baaten raqsan thi.usne zahen jhatakdiya phir se apni duniya main magan hogayi.
waqt par liye udta raha Rida aur Rifa bhi school jaane lagi thi

aaj kafi dinon baad wafa donon ko school se lene gayi thi
nahin ti aksar Parvez hoi unhen le aate aur chhod aate
abhi wo gate ke quareeb pahonchi hi thi ke uski nazar saamne khadi car se utarte huye Arhan ko dekha .ek pal ke liye uska dil zoro se dhadka tha phir khud ko sambhalte huye usne nigahen pherli.use apne quareeeb aata dekh kar wo anjan banne ki koshish karne lagi
Assalam alaikum- quareeb aate hi usne salam kiya
walekum assalam-uski taraf dekhe baghair hi usne jawab de diya
Wafa- ek lamhe ki khamoshi ke baad Arhan ne use pukara
wafa main jaanta hoon main ne tumhe aur sare ghar walon ko takleefen di hain
is ke liya main bahot sharminda hooon
kayi din se ye bojh mere dl par tha tum s milkar maafi maangna chhata tha lekin
himmat na hui - ab jab ke quismat ne hame ek doosre ke saaamne khada kar diya
to tum se maafi maangne ki jasarat ki hai-
ab in baaton ka kiya faayeda Arhan tumhe jo karna tha tum ne kardiya ab un baaton ko ohraane ka koi matlab nahi
tum ne mujhe maaf to kardiya-
Rida aur Rifa ko aate dekh kar usne mouzoo badal diya
Achhha thik hai arhan ab main chalti hoon
waqt mile to ghar aana kabhi
khuda Hafiz
wo khamoshi se khada use jaate dekhta raha
waqt guzarta raha us din ke baad kabhi wafa aur arhan ka saamna nahi hua
aur nahi usne arhan ki zoja ko dekha tha
aaj kayi din baad phir wo ghar aayi thi
Alams ke batane par usse ilm hua ke arhaan sakht beemar hai
kyoj kiya hua use?
usne laoparwahi se poocha
pata nahi ammi bata rahi thi ke khala jaan ka phone aaya tha bata rahi thi ke arhan kki halat bahot kharab hai
apne bure karmon ki saza bhugat raha hoga aur kiya
aisa nahi kahte wafa aaj wo takleef main hain aur phir use apni galtiyon ka ahsaas bhi to hai
wo koi galti nahi thi gunah tha wo ham se hamari rooh hamari zindagi hamare arman sab kuch chheenne ka gunah kiya hai unhon
haan taake wahi armaan wahi khwahishen tumhari zindagi ka azab na ban jaaye
matlab?????
wafa arhaan ne koi shaadi nahi ki
what?
haan wafa usne jo news bheji thi wo jhooti thi
kyon .........?????????? aakhir kyon?
wafa ki to cheekh hi nikal gayi thi
use brain tumer hai
kiya?
wafa ko apna aap zameen main dhansta hua mahsos hone laga
wo saakt khadi almas ka chahra takne lagi
aur jio ladki uske saath thi, wo uske dost ki biwi thi
kisi kaam se India aayi thi Arhan ke saath kaam poora karke wo chali gayi aur arhaan ne sab ko bataya ke wo kuch dino ke liye maayeke gayi hai
wafa usne jo kuch bhi kiya tumhaari khushiyon ke liye kiya hai
baaji, baaji please hame unke paas le chaliye
please baaji
thik hai wafa
shaam main ammi ke saath ham chalege
wo besabri se shaam hone ka intezaar karne lagi
hospital pahonchte huye use trha tarha ke khayalat aane lage
arham ke saath beete saare pal uske zahen main safar karne lage
uski mohabbat apnayiyat ek ke kar ke use sab kuch yaad aane laga
maazi ke dar par wo bilakti rahi
wafa wafa sambhalo apne aap ko
arhaan ne hame tum se chhupaane ke liya kaha tha ab tum istarha karogi to wo bhi toot jayega
baaji ham ne arhan ko kitna ghalat samjha tha
ghalat toham ne bhi use samjha tha beta
ab tum apne dil par koi bojh mat rakho
ammi ke seene se lag kar wo phir sisak uthi thi

wafa ko dekhte hi arhaan uthne ki koshish karne laga
nahi arhaan ab to mat chhupao please
kiya tum ne mujhe is quabil bhi nahisamjha ke apne dukhion main shareek karte
sab kuch akele hi bardasht karte rahe
tum to meri zindagi ho wafa kiya karta jab zindagi ne i dhoka de diya
aisa na kaho arhan
please aise na kaho
wo apne aansuoon ko sambhalne ki naakam kochish karne lagi
aaj phir mohabbat ki usi dahleea par wo dono bathe the
jahan unka bachapan unki zindagi ke sab se haseen pal guzre tha
par maazi to maazi hi hota hai
waqt ki bewafai ne unko juda kiya tha
aaj bhi unki judaai main bas kuch pal hi rah gaye the
arahn ki sansen uska saaath chod rahi thi
aur wafa ki dhadkane tez ho rahi thi
pal bhar main phir se sab kuch ujad gaya
ek talkh cheekh wafa ke mun se nikli aur phir hamesha ke liye band ho gayi
zindaghi ne unhe juda zaroor kiya tha par maut nae unhe mila diya tha
wafa ke dar par mohabbat khil uthi thi
sab ke chahre par ek sukoor taari ho gaya tha
aur mihabbat uske anjaam ko ahonch gayi thi