Urdu Poetry Forum

@};-

"aaj phir mujhse hawaoon nai sargoshi ki hai...aaj phir mujhe fizaoon mein geet sunai diya hai...aaj phir ye badal jhoom kar barsai hain...aaj phir yun laga hai mohabbat ka kisi nai naam liya hai "

haan aaj yunhi huwa hai...aaj mere anchal ko hawa nai thama hai aur kaha hai suno...kya janti hoo mohabbat kya hai...mein nai kaha nahi tum batao mohabbat kya hai....to woh dheerai sai muskurai aur kehnai lagi...mohabbat woh hai jo in nazaroon mein dekhti hai...mohabbat woh hai jo in fizaoon mein rachti hai...mohabbat woh hai jo in pattooon ki sarsarahat hai mein hai...mohabbat woh hai jo mujhe is fiza sai hai...mein mohabbat hoon @};- aur mein usai dekhti rahi kai ye hawa kaisai mast aaj in nazaroon kai sang jhoom rahi thi shayad yehi mohabbat ho @};-

phir yun laga jaisa paas hi kisi nai sargoshi ki ho bauhat dheemai sai pukara ho...mein nai dekha to woh aik phool tha...jis nai ankhoon sai kaha ao betho mere paas mein batati hoon mohabbat kya hai @};- mein nai muskura kar usai dekha us kai rukhsaar par kai shabnam kai kadrai chamak rahai thai us ki khushboo usai hisaar mein liyai bethi thi...usai to kantoon nai bhi apni panah mein rakha tha @};- us nai kaha mujhse sai kuch sharma kar mohabbat janti ho kya hai....mohabbat ye shabnam hai...jis kai naram jazboon sai mere rukhsaar par ye haya hai....mohabbat isi ki tarhaan nazuk hai...pakeeza hai @};- mohabbat ye khushboo hai jo har pal har lamha mujhe apni aghosh mein rakti hai mujhse batain karti hai mera sath daiti hai @};- mohabbat in kantoon ko bhi hai mujhse jo yehi chahtai hain mein kili rahoon...jo mere murjhanai par har pal udas hotai hain apnai askhoon sai mujhe yaad kartai hain @};- yeh mohabbat kai rang mein dhalai mohabbat ka saaz hain haan yehi mohabbat hain @};- mein nai dheemai sai usai dekha woh jo aik naaz sai apnai angan mein khili khud hi apni baat par sharma gai thi @};-

phir yunhi sochtai sochtai janai kahan nikal ai mein...agai sirf dhalti shaam kai sai thai aur lehroon ka shor...socha yahan sai wapas jaoon....ye to mohabbat nahi jantai ye to udas hain...tabhi mujhe us shaam nai kaha suno!aik baat suno mein mohabbat hoon mujhse baat karo...haan mujhe mohabbat hai apnai shaam kai is sai sai mein har rooz is kai honai ka intezar karti hoon roz mein is sai baat karti hoon....mein tanhai mein is sai hal-e-dil kehti hoon aur apni thakan mitati hoon..haan ye bhi mohabbat hai...kai hum kabhi mil nahi pain gai sath nai hoongai magar mohabbat hai mujhe is sai... @};- mein usai dekh rahi thi jis kai chehrai par aik gheri muskaan thi aur ankhoon mein khawab mein na poocha kyon hai aisa to us nai masumiat sai kaha bas ye yunhi kuch dair mere sang hota hai mujhe yehi sangat zindagi sai azeez rahi @};-

mein chup chaap wahan sai chali ai.....lehroon kai paas gai aur unhain dekha woh jo sahil kai sang athkailiyaan kar rahi theen khush theen woh hans rahi theen/rose mujhe dekha to kehna lageen..dekho mohabbat woh nahi jo sirf mil jai to us ki chaa puri hogai...mohabaat to sath dainai mein hain sang chalnai mein hai..hamein sahil sai mohabbat hai...is kai sang hum rehtai hain har pal betatai hain...haan magar ye sath kabhi umar bhar ka ho kar bhi ye maloom hai kabhi milan hoga nahi...kai is kai kinaroon par akar zara si dair rukna hai hamein phir aik nai safar par chalna hai hamein...magar ye sahil hamara intezar karta hai...zara si dair ko hi sahi us ki aghosh mein sukoon milta hai....haan mohabbat hai is sahil sai hamein @};- mein nai muskura kar lehroon sai kaha haan mohabbat hasool-e-yaar to nahi @};-

mujeh bhi to mohabbat hai.....apnai sapnoon sai apnai khawaboon sai...us sai jo zindagi kai har pal mein mere sath hota hai...woh jis ki khushboo meri sansoon mein hai...woh jo mere sang sang hi chalta hai...haan mujhe bhi to mohabbat hai us sai @};- woh jo jugnu ban kar meri zindagi mein chamakta hai woh jis ka ehsaas meri rooh mein rach gaya hai...woh jo mujhe apni panahoon mein rakhta hai @};-

haan mujhe bhi mohabbat hai mohabbat aisi hi hoti hai shayad @};-

__________________

Bohat hee umdah ..! Kya sach hee kaha hai diya Mohabbat waqaye main Pakeeza jazba hai gar sacha ho toh ..! par maloom parta hai aaj kal sachey jazbon ki bhi qadr nahi aaj key zamaney main sacha pyar bhi jhoota lagta hai aur waja yehi key shayad koi mujh jasa kahin kisi ki mohabbat key saath khel gya ho ..! yaan phir koi mujh jasa kisi ko mohabbat kai adhey rastey main chor gya ho ..! yaan phir koi mujh jasa mohabbat kerney ki himat na rakhta ho ..! yaan phir koi mujh jasa mohabbat ker key bhi usey khoney key liye chor gya ho ..! janey kya hai kyun hai bas jo bhi hai ajab hai yeh mohabbat Jaan lewa hai ..! sach main ..!

Bohat umda likha bohat ala likha @};-

haan mohabbat hasool-e-yaar to nahi .... !

__________________

__________________

__________________

bahut hi zaberdast diya janiiii kia khoob likha hey kamal naaaa...
hamesha hi tum muhabatoon ko likhti hoo aur itni chashni hey na tumharay lafzoon mein k buss insaan doob hi jata hey is seher mein
khush rahoooo
abad rahooo
and keep writing

__________________
@};- Please update your Signature : Administrator HallaGulla

__________________

Soch Ke Be'kinara Sehra MaiN
Dhool Urata HaY
YaaD Ka MausaM..!

Haan mughe bhe muhhabat hai @};-

Buhat khoobsorat nazuk chanchal se bilkul muhabbat jaise

Buhat pyaree Aapi

__________________

Haan Mohbat hasoo-e-yaar to hay

zabarsdast