Urdu Poetry Forum

**Diya** · #71 10-10-2005, 07:26 PM

Quote:

Originally Posted by ChandniRaat

..Bohat Khoobsurat likhtay ho aap D..hugzz.. aur khubsoorat likha hamesha ki tarha..@};-

..Mujhe alfaaz nahi miltay..

..Khush Rahie Hamesha aur Khush Rakhiye ..@};-

mein khubsurat likhti hoon yaan nahi ye mein nahi janti magar itna zaroor hai kai tumhari tareef isai zaroor khubsurat bana daiti hai

khushi hui tumhein tehreer pasand ai

khush raho bacha

**ChandniRaat** · #72 10-10-2005, 07:39 PM

Quote:

Originally Posted by Diya

mein khubsurat likhti hoon yaan nahi ye mein nahi janti magar itna zaroor hai kai tumhari tareef isai zaroor khubsurat bana daiti hai

khushi hui tumhein tehreer pasand ai

khush raho bacha

..hmm..

..main koun aur meri tareef kya...

..aap likhtay hi aise ho..har lafz main khushion k rang hotay hain..umeed hoti hai..roshni aur khubsoorti hoti hai...@};-

..Bohat khush raho aap bhi...@};-

**WorThless.** · #73 10-10-2005, 07:51 PM

Quote:

Originally Posted by Diya

salaam dostoo @};-

chaliyai aaj aap sab ko apnai aik aur dost sai milwati hoon

AWAIS bhai

aik aisa insaan jis sai mein nai bauhat kuch seekha hai..bauhat kuch samjha hai..har waqt har lamha mere sath ye yakeen chalta hai kai koi mera sath dai na dai ye mera sath dain gain ye mere sath hain aur jaisai mein in sai hamesha kehti hoon in ki duaoon ka hisaar hamesha mere ird gird hota hai

mein in kai barai mein kya sochti hoon ye mere liyai kya hain lafzoon mein shayad bayaan na karsakoon magar ye jantai hain....aur jaisai basit ko yakeen hai kai diya us sai kabhi naraz nahi hogi waisai hi mera yakeen hai kai ye mujhse kabhi naraz nahi hoongai

~*~ ankhoon ka lehja bolta hai ~*~

“ khayal is ka mujhe jab bhi ata hai kisi shant samundar ki sada dai jata hai…ek adhori shaam ho jaisai us kai angan mein ye chand apnai honai ki sada dai jata hai…kabhi hasdai to lagta hai kai deep jal uthai hoon kabhi udasi mein apna bharam rakh jaata hai who kab kehta hai raz-e- dil apna sab sai magar us ki ankhoon ka lehja baidh khool jata hai "

kya samajh pai hain kis ka zikar kar rahi hoon …nahi chaliyai koi baat nahi mein milwati hoon aap sab ko in sai…in sai meri mulakaat purani nahi lekin jab in sai mein pehli baar mili thi to mujhe ye nahi laga kai ye pehli mulakaat ho balkai ye laga tha jaisai is insaan ko mein barsoon sai janti hoon…aur ye sach bhi sabit hua…kyon kai jo ye kehtai bhi nahi mujhe woh bhi samajhnai ki adat si hai mulakaat in sai HG mein anai ki baad hui aur 2 saal pehlai hui…

mein nai jab kabhi bhi in kai barai mein socha pata nahi kyon samundar ka hi khayal aya…yun jaisai lehroon ka in sai bauhat gehra rishta ho yun jaisai ye khud bhi samundar ki tarhaan gehrai hoon shant hoon…pata nahi kyon magar aaj bhi jab bhi in kai barai mein sochti hoon pehla khayal samundar ka hi ata hai…un lehroon ka ata hai jin ki tamanna sahil ko choonai ki hoti hai kai baar toot kar bikharti hain magar phir bhi koshish nahi chorteen himmat nahi haarteen khud pyas bhujai na bhujai us sahil ko zaroor sairab karti hain…us samundar ka khayal ata hai jis kai dil mein janai kitnai armaan hain kitna dard hai kitna pyar hai shayad who khud bhi nahi janta jo har raaz har dard khud mein hi samo kar usai apni kainaat bana betha hai..jo ye nahi janta kai us kai dil mein kitna pyar kitni duain hain jo who sab ko dai kar khud janai kyon khud ko tanha samajhta hai…aik aisa insaan jis mein agar sukoon samundar ka hai to phir toofan bhi isi ki dain hai… bauhat kam dekha hai isai mein nai toofan bantai huwai lekin jaisai samundar apnai andar jeenai waloon ki hifazat karta hai un ki panah banta hai waisai hi hain ye bhi apnoon ka saibaan koi in kai kisi apnai ko choo kar jai to jai kahan…aik pal mein who shant lehrain hifazat ko tayyar ho jaati hain…kya kahoon in sai kai dekho khud jin ki hifazat kartai ho tumhein bhi hifazat ki zaroorat hai…

in ki zaat mein kai rang dekhai hain mein nai…magar sab sai gehra rang mein nai tanhai ka udasi ka dekha hai…jab kabhi bhi udas hotai hain to yun lagta hai jaisa pura mahual hi saakt hogaya ho jaisai fiza bhi tham si gai ho jaisai har soo sirf aur sirf andhera sa ho…haan tab mujhe aik adhori shaam yaad ati hai…aik chand nazar ata hai jo us shaam sai pooch raha ho batao kya mera sath do gi…tum to mujhe tanha nahi karo gi na..aur who shaam jaisai khud bhi bebas ho…ye aisai hi hain us chand jaisai jo adhori shaam sai bhi batain kartai hain …jo apnai sang chalnai wali hawa ko bhi apna kehnai sai dartai hain…jo tanha hoon to bas kehtai hain akailai hi rahain aur jo mujhe isi shaam ka hissa lagtai hain tab dil karta hai kahin aik deep jala kar kahoon kai adhori shaam mein bhi tarai chamaktai hain aur chand tanha to kabhi oh nahi sakta kai us kai sang itnai sitarai ye surmai shaam kai wadai kai sapnai hain…who chand tanha kaisai ho sakta hai jis ki dil mein kai pyar karnai waloon kai raaz hain jis chand ko kai loog dekh kar ye dua kartai hain kai who who un ka ho jai…

inhi ki zaat ka aik aur rang jis sai shayad ye khud dartai hain…kyon kai jantai hain kai who in kai paas aya to shayad ye usai na keh nahi sakain gai…mein bataoon aap ko kaun sa khushi ka rang…who rang jis sai in kai chehrai par aik meethi si chamak ajati hai who rang jis sai in ki ankhoon mein deep jaltai hain…who deep jo mujhe bauhat pyarai hain…kai baar in ko dekha hai khud ko bhool kar apna har gham bhool kar dosroon ko khush kartai…hansi ka khushi ka libaaz orh kar sirf apnoon kai chehroon par muskaan jagatai…haan bauhat jazbaati hain ye nahi dekh saktai in ka koi apna kisi mushkil mein takleef mein ho zameen aasmaan aik kardaitai hain sirf us ki aik muskaan kai liyai..khud kai dil mein chahai jitnai zakhm hon parwa nahi kitna dard ho parwa nahi lekin hasna hai un kai apnoon nai yehi kehtai hain who…yehi kartai hain who khushi daitai hain sab ko khushi bantai hain sab ki magar apni khushi us sai shayad dartai hain …

aik baat aap sab ko batati chaloon mujhe in ki ankhain bauhat achi lagti hain…kai rang dekhai hain mein nai un mein…pyar ka rang…wafa ka rang…dard…darr…kuch sehmi sehmi si kuch hansti muskurati bhi…kuch nahi chupa hai …na hi ye kuch chupa saktai hain ye raaz-e-dil na bolain to bhi kya in ki ankhoon ka lehja sab keh daita hai..mein ye kaisai janti hoon kyon kai ye mujhse kuch chupa nahi pai hain ab tak mujhse kehtai hain meri ankhain na parha karo ghabra jao gi bacha…in mein dard hai khali aur mein in sai kehti hoon dard hai to kya mujhe in mein halki si muskaan bhi nazar ati hai…jab aap khush hotai hain aik khushi nazar ati hai haan dard bhi hai nami bhi hai to kya mujhe parhnai ki adat hai

in ki ankhoon kai barai mein ye keh sakti hoon mein in ki ankhoon mein in ka dil dharakta hai..in kai ehsaas jeetai hain...in ka dard rehta hai

mein nai aksar jab bhi dekha unhain aisi hi soch mein uljha dekha khud sai la parwa beganai...bas aik hi soch mein dubaye huwai kai un ki manzil kya hai kyon hain woh yahan...kaun hai jo un kai sath hai...kya kahoon mein is chanda sai..woh dekhai zara nazar utha kar to jaan jai ga kai us kai sang to sitarai hain jo jhilmiltai hain us ki raushni sai us kai sang ye nazarai hain...jin mein rang us kai khuloos nai pyar nai bhara hai...us kai sang ye badal hain...jo usai sambhaltai hain akaila honai nahi daitai..ye hawain hain jo roz ek naya paighaam usai daiti hain...to phir woh tanha kyon samajhta hai khud ko..zara sochai to janai ga kai tanha woh hai nahi balkai us ki raushni sai to kai dil raushan hain...

mujhe yaheen milai hain woh isi net ki duniya mein jisai loog aik dhoka kehtai hain...lekin meri zindagi ki sab sai bari sachai hai woh rishta jo un sai bana hai woh khuloos jo un sai mila hai jo pyar unhoon nai diya hai...hamesha khud ko itna akela kehna wala ye shakhs wakai nahi janta hai kai kitna loog aisai hai jo un kai liyai dua kartai hain..jin kai dil mein un kai pyar ki shama raushan hai..kabhi aap nai kisi ko pal pal toot tai lekin apnoon ko samaittai dekha hai....mein nai dekha hai...mere ye dost yehi kartai hain..zamanai ki har tez hawa ka samna karnai ki himmat hai magar woh tez hawa kisi apnai ko chooo jai ye gawara nahi..khud tez dhoop mein chalnai kai adi hain lekin koshish ye hai kai dost in kai thandi chaoon mein rahain...sahil kinarai ye aksar apnai khawab jalatai hain khawaishain mitatai hain azooain jagatai hain lekin kisi apnai ko lehroon kai hawalai nahi kartai...unhi lehroon mein apna aap ye khotai hain lekin unhi lehroon ko ijazat nahi kai woh kuch kahain in sai...isi sahil kinarai woh tanha chand khud sai kai batain karta hai isai gawah bana kar woh apna aap toorta hai lekin phir aik azam bhi karta hai kai kisi apnai ko toot nai dai ga nahi...kabhi dekha hai kisi aisi insaan ko jo khud ko jala kar sab ko sambhalai ye aisa hi hain...mohabbat sai khuloos sai sab ko samaittai hain yunhi jaisai aik phool apni mehak ko samaitta hai..aap loog kya samajh pai hian kaun hain ye haan in sai rishta mera khoon ka nahi hai in sai rishta mera dil ka hai…aik apnai pan ka hai aik ehsaas hai jo hamesha mere sath rehta hai…mere dost bhi hain ye…aik bhai bhi hain ye…mere dukh such mein dekhoon to aik guardian bhi hain ye..yahan tak kai mein nai shayad rishtoon ki ahmiyat un ki izzat in sai karna seekhi hai…bauhat kuch hain ye mere liyai aur ye jantai hain sab

mujhe ye dost jo hian kabhi aik badal jaisai lagtai hain...jo tez dhoop mein aik saya ho...jo barsai to sab kuch jal thal kardai aur jo guzar jai to yun lagai jaisai koi apnai bichar gaya ho..haan ye aik badal kai jaisai hain...jo lamha lamha sath ho kar ye ehsaas daitai hain kai koi hai jo bauhat apna sa hai jo barsai to mohabbat aur khuloos kai rang har taraf chaa jatai hain aur jo guzar jai to yun lagta hai jaisai koi bauhat hi anmol cheeze gum hogai ho...aisai hi hain ye diloon ko mohabbat sekhatai hain aur khud ye yakeen nahi kai in sai sab mohabbat kartai hain..paglai sai hain...kai baar ansoon kai sang hans daitai hain to kai baar aik masoom bachai ki tarhaan rooth jatai hain phir laakh jatan karti hoon kai ye maan jain baat karain magar nahi aik hi zidd hai...magar jaisai bhi hain bauhat achai hain...mere ye dost jis ki bhi zindagi mein gai us ki zindagi mein aik khushi ban kar hi dakhil huwai hain ye aur baat hai kai is ka inhain yakeen nahi lekin in kai chehrai par muskurahat na ho ye un kai apnoon ko manzoor nahi in ki ankhoon mein nami ka aik halka sa aks bhi gawara nahi...kya kahoon is chand sai kai dekho tum to duaoon mei ghirai ho phir kaisai kehtai ho tanha ho jis sahil par bethai ye sochtai ho usi sahil kai sang hum sab duaoon ka hissaar bandh tai hain /dua mujhe mere is bhai sai jo mujhe bauhat azeez hai yehi kehna hai

suno
yun chup sai na raha karo
yun khamosh jo hojatai ho
dil ko weham sai ho jata hai
kahin khafa to nahi ho
kahin udas to nahi ho
tum boltai achai lagtai ho
tum dant tai achai lagtai ho
kabhi shararat sai
kabhi gussai sai
tum hanstai achai lagtai ho

hamesha khush rahiyai ga awais bhai kai aap ki khushi mein hi kai logoon ki zindagi basti hai kamaz kam meri to basti hi hai

Asslam O Alaikum Diya, @};-

The respect the love you gave me being my sister is something which is unique, Expressing ur feelings so deeply is forsure a kind of compliment for me or you can say that more then a compliment, I know you wrote something extraordinary which i dont deserve something which is somewhere true n somewhere a perfect false as well : ), I am not the one for whom this writing should be but since it is for me and you named me as well so i must say a heartful thnx and lods of blessings for you as well ..!!! You were and you are always there when i need you this is onething i can makesure always as and when i want to lots of prayers for u from the depth of my heart be blessed always @};-
Waslam

**ghurob-e-aftab** · #74 10-11-2005, 03:23 PM

Buhat khoob,,buhat acha likha hai Diya Aapi ,, Abdul basit bahi or awais bahi kay saat app ki dosti ka parh kar buhat acha laga Allah ya dost yon hi qayaam rakhay (Aameen)

Khush rahiyeay

**Jannu** · #75 10-12-2005, 02:42 AM

salam wow sonya baji kamal karti hain Aap kab likha me ko bataya kio nahi
sach bohat acha likha ek dam sach
bohat acha bohat khush rahye khayal rakhyega apna bye

**Diya** · #76 10-12-2005, 11:22 AM

Quote:

Originally Posted by ChandniRaat

..hmm..

..main koun aur meri tareef kya...

..aap likhtay hi aise ho..har lafz main khushion k rang hotay hain..umeed hoti hai..roshni aur khubsoorti hoti hai...@};-

..Bohat khush raho aap bhi...@};-

mere lafzoon mein khushyoon kai rang

koshish yehi karti hoon kai khushi dai sakoon apnoon ko

khush raho chanda aur bas dua kar mere liyai

Urdu Poetry Forum

~~ Mere Jugnu Meri Khushyaan ~~apnai dostoon kai naam :)

**~~ Mere Jugnu Meri Khushyaan ~~apnai dostoon kai naam :)**

Urdu Poetry Forum

~*~ Mere Jugnu Meri Khushyaan ~*~apnai dostoon kai naam :)

~*~ Mere Jugnu Meri Khushyaan ~*~apnai dostoon kai naam :)

~~ Mere Jugnu Meri Khushyaan ~~apnai dostoon kai naam :)

**~~ Mere Jugnu Meri Khushyaan ~~apnai dostoon kai naam :)**