Urdu Poetry Forum

hummmm.... samajh nahi aarahi kya likhon.... kya is saal bhi wohi wadey karney hein khud se.... jhootey waldey ... per koshih tu kar sakti hoon... yeh jo maheena hey... jisko saal ka akhri maheena kaha jata hey...najaney kon kon si yaadein ... kyesey fasaney apney andar simoye huey hey.... waqt tu khair guzar guzrna hey guzrey ga.... magar har December apney pichley decembe se ziyadh sataye ga... apni yaad dilaye ga...apney guzrey sarey dino ki ...aik aik pal ki .... jo aik sadi ban kar guzra karti hein..... har saal yehi aik maheena apney dino mein apni gharyoon key aaseeb se yaadon key nishtar chibhota hey.... jesey kisi rozey daar per apney shuro key chad rozey mushkil lagtey hein .... yoon hi mujh per saal key aakhri chad din ...huh.... chand din apni gharyoon mein kuch khoney ka ahsaas liye meri yaadon mein bazgasht bantye hein....har soo yehi sada aati hey ....haan is saal bhi tum soni rahein.... is saal bhi faqat izzat bhari nigahein parti rahein... is saal bhi koi khushi ki kiran zindagi key laq o daq sehra mein nahi ubhri.....

heeran hoongey na .... ajeeb kahani hey log udaas hutey hein apno se dori per..... koi mohabbat judai per... ksii ki zindagi ko bewafai ki deemak chat rahi huti hey.... Udaasi .... tanhai .... zaroori nahi insaan mehfil mein...khush rang phoolon key sang .... apney azeezon key sang ...apney cahney walon key sang rahey har khush kun mahool key huety hue bhi masroor rahey....

meri misaal us diye ki jesi hey jisko aakhir bujhna hey...jesey hi bharki har soo ujala tu hua ..... ilm ki roshni pheelayi.... apney sathi ustado key saath apney shagirdon mein bhi mumtaaz samjhi janey wali aik bazahir MUKAMMAL aurat .... ghar mein mehfooz ...baap ki mohabbat aur maa ki mamta se sukoon paney wali ...bhayoon ki shafqat aur laad uthaney wali.... aik namukammal hasti...

yehi misaal hey na meri agar meri zindagi ko khoja jaye perr kisi ney merey andar ka andheera nahi deekha.... jistarhan aik moombatti sarey mahool ko roshan tu karti hey per uskey khud neechey andheera huta hey... yoon hi meri hasti bhi aik patal mein basi hey.... jahan haath ko haath nahi sujhayi deeta.....aur aakhir yeh roshni khatam hujani hey pighal pighal kar.....

kuch dost samjhey hoongey... mujhey kisi se bicharney ka gham hu ga..... jo in dino mein bichra hu ga jiska gham har saal manati hoongi :.... hein na....
per mera gham kuch anookha hey... mera dukh tu dhooka hey..... isi dhokey ki chadar lapeetey najaney kis aas mein jiye ja rahi hoon.... aur kon se gham hein jo deemak ban kar mujh ko andar hi andar khaye ja rahey hein .... ajeeb hey na... key gham tu hu per maloom nahi key kis baat ka gham...??

koi manzil hu tu insaan socey key haan mujhey isko pana hey.... per merey samney tu aik beh karan samandar hey.... jiski koi had nahi.... mojein uthti hein.... phir utar jati hein.... yoon hi .... jesey mein apney roz o shab beta rahi hoon.... per yeh saal key aakhri chand din..... baas yehi chand din hein jinko betana mujh per giraan guzarta hey..... har saans totti mehsoos huti hey... aik aik nass chatakhti hey..... har aah sisakti hey.....per ahh wo merey apney merey sathi merey bachey ...wo aqeedat bhari nigahein.... har simt se mujhey aakar sambhalti hein....

mujhey roney nahi deetein... mujhey kuch pal behlati hein ... magar wo Aaina hey jo mujhey soney nahi deeta.... bara sangdil hey .... kehta hey ... yeh jo din aaye hein.... aik arsey baad aaye hein.... yeh kuch tohfey bhi laye hein.... ye balon mein ugti baraf.....suno kuch tum se kehti hey..... ye cehrey per barhti thakan .... shikan har soo nayi shikan....mujhey khud se milatey hein..... har aik pal ko satatey hein..... bina gham hi satatey hein.... barey be reham hein ye.... mujhey sapney dikhatey hein.... phir khud hi toor jatey hein....

ajab gham hey na yeh mujh ko... aur ajeeb baat key gham key baghair gham huna.... ajab yeh december key chand din bhi hein na.... ajeeb si wehshat.... apney andar simoye hue.... har har lamha kuch kehta hua.... koi iltija.... koi aarzo hu jesye....magar jesey december guzar jata hey ...aik naya saal aata hey.... usi tarhan wo aah ...wo sargooshi... wo siski bhi yoonhi dam toor jati hey.... bina alfaaz mein dhaley...bina sama'ton ko cheerey.... bina binaye ko dikhey.....

kyon ...? kyon key yeh tu dil se uthti hein ...inhin tu dil hi sunta hey ... december ab nahi jana mujhey ab kuch pal zara dey do... mujhey khud ko badalna hey... mujhey rangon mein dhalna hey...wo neeley peeley peehran jinsey ... mein aankhon ko churati thi... mujhey tum bheint kar jao.... mujhey tum bhain kar jao........

__________________

Salaams:

Aap ki tehreer perh ker undaza huwa ke, chalo, .... , yahan her aik ke dil per ghum ki lau jummi huwi hai, jisme dube aap ka dil, buruf nahin bunta, bulke julta rehta hai...aik un dekhi aag main...

Khushi , shayed yeh lufz ab dictionary ka ho kr reh gaya hai....mugur... phir bhi...kabhi kabhi kitabain humain un kitaabi duniyaaon ki sair bhi to kerwa deti hain...jahan, phool khilte hain, purriyan urti hain, parinde nughme gungunate hain...aur hum...hum woh hote hain....jo hum dekhna chahte hain....khush...aur be fiker.....azaad...la ubali.....

Shayed, yehi is daur ki zindagi ka hasil hai....shayed...

shayed, aap ki tehreer burwuqt likhi geyi thi, agar main ghulut nahin hoon...
Soch ki lehrain jub apni girift main lane ki koshish kero to phisul see jaati hain, mugur jo bhi haath aati hain, woh amooman...haqeeqat hi hoti hain...afsana nahin

Khush rehiye....agar dil per jubur bhi kerna pare,..., to daregh na keejiye ga...

Fee Aman Illah

mein kya kahoon is par kai zindagi khud kabhi kabhi aik dhoka hi lagti hai...aur sab ka dukh hota hi anokha hai ..

bauhat hi khubsurat tehreer likhi hai aap nai


khush rahiyai aur likhti rahiyai

__________________

__________________

Bohut hii khoobsorat3

__________________