Urdu Poetry Forum

Apnay Atraaf Mein Dekhti Hoon To Her Soo Kahaaniyaan Bikhri Hoyi Nazar Aati Hain Her Shaks Hi Kahaani Nazar Ataa Hai,koyi Khushboo Si Kahaani Mein Basaa Hua Hai
Koyi Dukhoon Ki Rawaani Mein Or Kisi Ko To Ahsaas Tak Nahin Os Ki Kahaani Kiya Hai.

Jaisay Kay Wo,un Ko Jab Bhi Dekhaa Main Nai Muskurataa Hua Dekhaa,her Baat Per Un Ko Hanstaa Hua Dekhaa Or Un Ki Hansi Mein Un Ki Muskurahat Mein Kuch Aisaa Zaroor Thaa Kay Mujhay Fizaa Mein Nami Si Mehsoos Honay Lagti.or Main Dil Say Un Ki Khushi Kay Liye Duaa Karti....
Ye Haqeeqat Hai Main Nai Aaj Tak Un Jaisi Koyi Khatoon Nahin Dekhi Or Shayad Na Kabhi Dekh Sakoon,phir Bhi Dil Hai Kay Her Chehray Mein Un Ki Shabeeh Talash Kartaa Hai....

Un Kay Waalden Nai Bohat Behtreen Tarbiyat Ki Thi Un Ki Or Os Waqt Taleem Dilwaayi Jab Khawateen Doli Mein Aik Jagaah Say Doosri Jagaah Jayaa Karti Theen

Taleem Haasil Kar Hi Rahi Theen Kay Shadi Ka Silsilaa Chal Niklaa
Or Shayad Yaheen Say Un Ki Azmaayish Ka Silsilaa Bhi Chal Niklaa
13 Saal Ki Umer Mein Shadi Tay Paayi Or Jis Roz Baraat Thi Os Hi Roz Un Kay Walden Ko Khat Musool Huaa Kay Mangetar Kaheen Or Dil Haar Bethay Hain..

Or Wo 13saal Ki Umer Mein Dulhan Bani Logon Kay Sawaalon Ko Samajhnay Ki Koshish Karti Raheen Or Ghabraa Kar Jaa-e-namaz Per Khari Ho Gayeen.....

Kuch Arsay Baad Walden Kay Saath Sair Ki Gharz Say Doosray Sheher Gayeen Or Waheen Un Ki Masoomiyat Kuch Logon Kay Dil Mein Ghar Kar Gayee R Wo Apnay Betay Ka Rishtaa Lekar Aagaye.
14 Saal Ki Umer Mein Shadi Ho Gayi,

Or Jab Un Ho Nai Susral Ka Jaayizaa Liya To
Wo Sub Say Bari Bahu Ki Hesiyat Say Theen Or Un Per 6 Bachon Ki Zimedaari Thi Jo Un Kay Masoom Dewar Or Nund Thay,saas Un Ki Guzar Chuki Theen Or Soteli Saas Nai Behisi Ki Inteha Ki Hoyi Thi....
Shadi Kay Kuch Arsay Baad Hi Soteli Saas Nai Sub Ko Ghar Say Nikaal Bahar Kiya....
Or Wo Apnay Masoom Dewaron Or Nand Ko Sambhalnay Ki Koshish Mein Apnay Shohar Kay Saath Saath Raheen...itni Si Umer Mein Is Kadar Zimedaari Or Wo Khushasloobi Say Anjaam Deti Raheen Jaisay Kay Koyi Buzrg Khatoon Hon....
Phir Pakistan Banaa Or Wo Puray Kunbay Ko Samet Kar Pakistan Agayeen Jin Mein Un Ka 1 Beta Or 1 Beti Bhi Shamil Thay,jee Jaan Say Khidmat Ki Parwarish Ki Sub Ki Or Is Kaabil Banayaa Kay Apnay Peron Per Kharay Ho Saken Sub Ki Shadiyan Karwaayeen...
Or Jo Aksar Logon Nay Sulook Kiya Un Say Shayad Main Yaa Aap
Muaaf Nahin Kar Paatay Lekin Un Ho Nay Kiya Or Karti Raheen
Puri Zindagi Logon Ki Khidmat Mein Waqf Kardi Kabhi Khud Ki Taraf Dekhaa Hi Nahin,sirf Khandaan Ki Hi Nahin Ghairon Ki Bhi Dil-o-jaan
Say Khidmat Ki Her Mumkin Madad Ki......
Phir Waqt Badla Sub Dewar Apni Family Mein Magan Ho Gaye,beti Shadi Ho Kar Bahar Chali Gayi,betay Ki Bhi Shadi Ho Gayi
Jab Tak Un Kay Shohar Hayaat Rahay Un Ko Aik Sahara Raha Or
Jab Shohar Daar-e-faani Say Kooch Kar Gaye Wo Waqi Tanha Si Ho Gayee Theen,sub Apni Zindagi Mein Magan Thay Un Ko To Sub Bhool Hi Gaye Thay,jis Kay Jab Dil Chaha Un Say Kuch Chubti Hoyi Baat Keh Di Un Kay Itnay Kuch Karnay Per Bhi Kisi Ko Ahsaas Tak Nahin Thaa Or Naa Hai.......

Wo Bojh Ban Gayee Theen Sub Per Beta Rakhnay Per Apnay Ghar Aajiz Rehtaa Kay Wo Her Baat Per Samjhaati Theen Or Un Ko Lagta Kay Un Ki "personal Life Mein Interfer" Kar Rahi Hain.....or Ye Hi Haal Beti Ka Bhi Wo Bhi Rakhnay Per Aajiz Hi Rehti......
Or Wo Os Per Bhi Muskuraati Rehteen,kiya Kiya Na Sahaa Un Ho Nai
Wo Waqi Os Darakht Ki Terhaa Theen Jo Khud Jalnay Kay Bawajood
Bhi Doosron Ko Chaaon Hi Deti Theen.......
Aakhri Waqt Mein Wo Haar Hi Gayi Theen Is Terha Tarap Kar Rotay
Howay Kabhi Nahin Dekhaa Thaa Kay Un Ki Bahu Nai Un Ko Ghar Say
Nikaal Diya Thaa Un Kay Betay Kay Saamnay .....
2 Din Baad Un Ka Nervous Breakdown Ho Giya Or 12 Din Behosh
Rehnay Kay Baad Wo Duniya Say Azaad Ho Gayeen,or Akhri Baar Jab
Hosh Mein Ayeen Theen To Kis Terha Haath Barhayaa Tha Or Kaisay
Ankhon Say Anson Rawaan Thay.....
Or Jab Doctor Nay Kaha Kay Wo Jaa Chuki Hain Os Waqt Bhi
Beta Ye Behs Kar Raha Tha Kay Ghar Kon Lejaayega Un Ko
Kon Akhri Rasoomaat Adaa Karegaa......
Or Main Door Khari Soch Rahi Thi Un Kay Apnon Ki Behisi Per
Roan Yaa Un Ki Moat Per............
Main Fakhar Kay Saath Kehti Hoon Main Nai Un Say Jeena Seekha
Meri Tarbiyat Un Kay Haathon Mein Hoyi......
Allah Talaa Un Ko Jannat Mein Jagaah Ataa Farmaayen Ameen
Or Allah Talaa Un Kay Khatawaar Rishtaydaaron Ko Muaaf Karen Ameen

__________________
@};- Please update your Signature : Administrator HallaGulla

bohat shukriya saahir ji,jab tehreer mein haqeeqat shaamil ho to asar rakhtee hai
shayad ye asar kisi kay dil mein utar jaaye shayad koyi kuch behter seekh sakay bus ye hi khwahish hai

aap ki is baat main aik boht ahm baat nikal aae hay,,kay tahreer ka asar kahan gaya?,, aaya kay waqae is doar main tahreer asar rakhti hay?
aisay hi chand sawalat ahl e ilm o danish kay haan mazkoor hay,,,ham din bhar main boht kuch parhtay hain,,jo sab ki sab achi achi batain hi hoti hain,,laikin un ka asar boht hi waqti hota hay,,,aap daikhain kitabon pr kitabain likhi chap rahi hain,,din raat tulba apnay schools main parh rahay hain,,,laikin wo jo parhaya jata hay muashray main anzar nahi aata,,, main khud na janay kiya kuch likhta rahata hon,,log boht tareef bhi krtay hain,calls krtay hain ,,tareef main zameen asman aik krdaytay hain,,per us baat ka asar nahi laytay,,,
ye itna lamba reply is liye likha kay aaj main bhool chuka tha kay kal main nay aap ki tahreer main kiya parha tha,,aapka reply perh kay dobara tahreer parhi to yaad aaya kay haan har haal main muskaran bhi aik boht bari dolat hay,,,ye to hamara haal hy
khush rahain,,likhti rahain or or or

aap ka reply parh k bohat khushi hui,kyun k itna sach kaheen kaheen hi miltaa hai aap ki saaf goyee mashaAllah bohat achi lagi.agar bandaa sach kehta ho to tamaam buraayiyun say bach saktaa hai....
koshish karna humara kaam hai aur behtreen result denaa Allah Talaa ka
is liye sir aap bhi koshish kartay rahen aur hum bhi
khush rahen

__________________


SVhost
Cell: +9203332399324
http://www.hallagulla.com/urdu/information-technology-64/

bohat shukria janaab

welcome Aasma in writers @};-

acha likha hey aap ney ..younhi hamarey sath share karti rahyheyh @};-

__________________

Asma Bibi,
Kucch log apne aap mein aik jeene ki umang hote hein....Aur aisse log bahut se marte huwe logon ko zindagi de jaate hein...Shayad aissie hi logon ki wajah se duniya chal bhie rahi hai...Achee kaawish hai...Likhti rehiyye.

KhairAndesh
Dazzlin