 Re: Sab Jahil Reh Jain Gay | |
Baat Itni si hi hai bhai k jiss k hath main power hai sikka bhi usi ka chalta hai....kal
tak Sari dunia jissay Mr.10% janti thee...aaj wohi shakhs pak ka king maker bana hua
hai....sary cases khatam hoty ja rhy hain one by one...Aj ki report hai(Date 6th
May..sindh Highcourt nay Zardari key sary Inside & Outside Country Cases Say ussay bari
uz zimma ker dia hai)
Aj us k pass power hai to Election k liye BA Eligibility bhi khatam kion k uss k pass
degree hi nahi hai BA ki...aur usko to banana hai na aab pakistanion nay PM...to aab
Power bhi uski..aur Courts bhi uski..Kon kehta hai k pakistan ki Courts azad hain...Azad
hotin to aisy faisaly na atay...aur rahi 3% ki baat..to Aflatoon kehta tha k ager 90% log
aik gadhay ko hathi bulana shroo ker dein to iska matlab yeh nahi k woh hathi ban jaye
ga...Democracy yeh nahi k jis k pass ziada votes hain he is eligible...pata nahi abhi
kitna waqt lagna hai hamari qoam ko samajhnay main...Logon ko isi pe woh tarkhaty rehty
hain k vote bari taqat hai..logon k vote ley ker hum aye hain...aur badlay main agr koi
kuch mangay to unko kahain gay "Chal paat" Vote deny jaty hain to yeh dekhty hain k kon
hamari zaat baradri ka khara hai election main....Aj tak pak main isi base pe vote milay
hain parties ko....sab heavy loader Wadery jageerzar...Industri alist..in bari partries
main hain..unka hukam chalta hai apni jagah pe...Wadery apni zameno pe Mazary abad kerty
hain..voter list main usi area main shamil kerwaty hain...aur un key vote hi lety
hain...Same is the Case with Industrialists...Apn i colonies banaye hue hain apnay workers
ki...vote bank to khud hi ban jaye ga na...
To jab log unhi ko vote dety hain to aab baad main roty kion hain..tumhary hi select kiye
hue bandy assemblies main hain na..tumne hi vote dia tha apnay memon,chathay,awan
laghari,jatoe,bugti ko...tay Hun ronday kion ho...
Jiss din Pakistanio nay kisi Party k Menifesto..(manshur) ko dekh k vote dena shroo ker
dia..pakistan ki qismet usi din say badalni shroo ho jaye gi...
Isi liye to maine bhi Pakistan chor dia hai...k Jahan kuch ker nahi sakty wahan Critique
bhi na keron..Log to yehi kehain gay k Bahir beth k batain kernay say acha hai pak a ker
kuch struggle kero...mgr wahan her aik dosry ki tang khenchnay pe her waqt tayyar....Agr
koi unko koi baat kahay to unka jawab yeh hota hai....oye toon behh ja...sanu na
sikhha....sanu sab pata aye...Maan da sirr pata aye tuhano...Choro Yaro kiss kiss chez ka
gham khain gay hum jaisy....Oper say sari baat Allah pe chor denay ki afeeem khilaty
rehty hain Mulla log...Sabar kero k Allah sabiron k sath hai....Allah to lagta hai her
kisi k sath hai...zalimon ka sathi to sabse pehlay hai..isi liye to woh zulm ker k derty
nain..Zalim ko Zulm kerny se derny ka khof sirf pehli dafa hi hota hai...jab woh derr
nikal gya to zalim ka hath kon rokay ga...woh derry hue log jo dosron ki berbadi hota
dekh k apnay darwazy band ker
lety hain k shayd woh barbad kerny wala unki traf na a jaye...aur sitam zareefi to yeh
bhi hai k woh darwaza is derr say bhi band kerty hain k kahin woh khanma berbad bhi unki
traf na a jaye madad mangnay....Abb is ko kia kahain gay!!! |