bohat acha Sawal hay aap ka , sawal ko Agr sawal Samjh kar poochja jaye tou us ka jawab Aasan hota hay laikin agr Sawal he aik Sawal ban jaye tou jawab Sawal hota hay,,,


yooN to Amir Khusro (14th century) kee shaairee meN us daur meN murawwij urdu geet nigaaree ke tehet aise ashaar mil jaate haiN jin meN shaair aurat ban kar apne premee se muhabaat kaa izhaar kartaa hai. misaal ke taur par:

sakhee piyaa ko jo maiN na dekhooN to kaise kaaTooN anderi ratiyaaN

lekin jahaaN tak Khwaateen kaa taaluq hai to aam taur par Maah Liqaa Chandaa(1798) jin ka kalam:
tum moonh lagaa ke Ghair ko maGhroor mat karo
lag chalnaa aise waisoN se dastoor mat karo

Taswe bahaa ke har ghaRee zaaree naheeN hai Khoob
ye raaz e ishq hai, ise mahhoor mat karo

aye ham-damo, jo mujh se hai manzoor iKhtilaat (iKhtilaat = interaction)
juz zikr e yaar tum koee mazkoor mat karo (juz = except)


or ,Lutf-un Nisaa Imtiaaz(1797)

ham se nazroN ko churaa, GhairoN se kartaa baataiN
ras bharee aankhaiN phiraa kar wo raseelaa, meraa

aab e rawaaN ho, sabza ho, aur gul-ezaar ho
saaqee ho jaam aur baGhal meN nigaar ho (nigaar = beloved; mehboob)

Alan Christinia urf Ruqayya Baigam(18th century)

rooThaa hai hamaaraa jo wo dilbar kaee din se
is waaste "rehtee hooN" maiN muztar kaee din se

maqsoom kee Khoobee hai, ye qismat kaa hai ehsaaN
rehtaa hai Khafaa mujh se jo dilbar kaee din se


Urdu shaairee meN niswaaneeat sab se pehle 20ween sadee ke wast meN jaa kar nazar aatee hai. us daur kee shaairaat meN Ada Jafri kaa naam sab se numaayaaN hai. lekin Ada ke kalaam meN bhee shuroo shuroo meN wahee riwaayatee, lage-bandhe Khayaalaat milte haiN jin se is baat kaa pataa naheeN chaltaa k she'r kee Khaaliq sinf e naazuk se taaluq rakhtee hai.

aisay he Kishwar Naheed ,Fehmeeda Riyaz,Parveen Shakir,Naushi Gilani ,Reehana Qamar,Shabnam Shakeel, FaKhira Batool

Liqaa Chandaa ka yeh sh'er hai mulahiz'a farmy'e.

tum moonh lagaa ke Ghair ko maGhroor mat karo
lag chalnaa aise waisoN se dastoor mat karo

Taswe bahaa ke har ghaRee zaaree naheeN hai Khoob
ye raaz e ishq hai, ise mahhoor mat karo

aye ham-damo, jo mujh se hai manzoor iKhtilaat
juz zikr e yaar tum koee mazkoor mat karo

Is sh'er meN niswaaneeat apnii donoN suuratoN meN raqam ho gayii hai. Pehle un do suuratoN se t'arruff ho jaye. Ek to woh k jismeN aurat kHud ko laachaar samajhtii hai aur fariyaad kartii hai.("har ghaRee zaaree.." ). Duusrii suurat woh k jahaN faryaad baGaawat ka ruup le letii hai. Aur apne husn ko, bajaae apnii kamzorii samajhne k, apnii taaqat maan letii hai.("..nahiiN hai kHuub,ye raaz e ishq hai, ise mahhoor mat karo")

Sawal Yeh ha k Aap ko Kais'ay Perhna Hay,


Let Them Expressive

Aurat Ab sai nahi Likh RAhi, yeh Jang Tou Bohat pehly Sai jaar'e hay

RemEmBER: Peace comes through love and love comes through peace.

__________________
Sister By Heart and Soul
This is some1 who has been there 4 me whn I've needed some1 to talk to & to listen.We are relative by heart&soul if not by blood.You are a very beautiful person..inside&out.