aap ne jo likha woh kisi had to theek hai lekin mein yahan aik baat zarror kahon gi.....yeh nazame qainat hai ke roshni ke bghair andhera.....jism ke baghair rooh aur ansoo ke bagair ankh be mani hoa kartey hein....har door men acha likhne wale aur bora likhne waley mojood rehe hen.... achai aur borai hama waqt mojood rehi hen...mera nehin khayal ke acha adab sirf mardoon ki warasat hai balkay mard aur aurat dono hi ko Allah Taala ki zaat e aqdas ne acha bolney, acha likhney aur acha dekhne...ki salahiat ata farmai hai.....yahan na mard awrat se bartar hai na awrat mard se.....writers jab likhtey hen to har tehreer ke sath on ki grooming hoti rehti hai...jaise koi pehli sirhi par paon rakhe bagair age ka safar nehin kar sakta isi tarah writers bhi ahista ahista age ka safar jari rakhtey hen... shayad inhi writers men kal humen Amjad Islam amjad, Ishfaq Ahmed aur Bano Qudsia jaise likney wale mil jayen....Umera Ahmed, Riffat Siraj aur Shazia Chaudhary(marhoma)ki taraha haqeeqat pasand mil jaen....koi bhi darwaza akhri nehin hota....let,s hope
Alama Iqbaal farmatey hen...zara si nam ho to yeh matti bari zarkheiz hai saqi
Har writer apni atakarda salahiyat ke motabak likhta hai aur ose aisa hi karna chahie...agar parinda apni bisaat se barh kar orhne ki sai kare ga to monh ke ball gire ga.....
aur jahan tak rehi baat mohabbat ki to hum logon ko na to mohabbat karna ati hai na hi nibhana....jis jazbe ko hum barat nehin saktey os par alfaaz ke darya baha kar bhi kuch hasil nehin hota..... zikre mohabbat aam hai lekin sooze mohabbat aam nehin.....
Hum darasal on dhayoon mein zinda hain jahan hum na imaan ki hifazat kar saktey hain na amal ki.....na chardewari ki na chadar ki......na nazar ki na haya ki.... hum bas zinda hain is habs ke mahol mein aur shayad likhne wale is lie os mohbbat ko baar baar apni tehreeron men le ate hen jis ka hum men foqdaan hai....
Aap mujh se barh kar jante aur samajtey hon ge....mera maqsad app ki dil azari nehin....aap ne jo likha ose parh kar jo khayal mere zehen mein aya woh men ne likh diya......aap meri raye se bharpor ikhtalaf kar saktey hein.....
Khush rehye
May Allah bless us all