Quote:
Originally Posted by Inam  lejeye aap ne dolat ka taqabul us se kia he jis k muqable per dolat ko koe vote nahein milne wala. To sahab ham aaj mohabbat k muqable per dolat k haq mein khare hote hein, aor jin ko mohabbat zeyada aazeez he un se guzarish kerte hein k apni dolat hamare han jamah ker k mohabbat ki himayat ka amli saboot dejeye.
hazraat muge ye kehni ki ijazat dejeye k dolat ya us ki lalach aik achi cheez he. kam azkam is mein koe milavat nahein, ye apni sorat mein suraj ki terha waze aor apne maqasad mein shishe ki terha shaffaaf he. App beshak is ko mohabbat se kam derje pe rakheye, leykin subh se le ker shaam tak aap ki tag o do ka bara hissa is se muttaliq he. Ye wo he k jis ka hasool aap ki zindageyon k nisf hissa ka buneyadi maqsad qarar pata he. Ye wo chupa huwa moharrik he jo zindagi ko aage berhata he. Duneya k karobar issi k dam se hein. ye mohabbat ki terha logon ki zuban per nahein un k amal per hukmurani kertii he.
hazraat ye dolat he ye duneya he jis k wajood se mohabbat aabbad he. so Isse apne wajood k isbaat k leye kisi harf e taheed ki hajat nahein. Ye aap k inkaar mein zinda aor aap k amal mein payenda he. |
mohabbat ke dawedaar aisa zaroor karein ger woh app se mohabbat mein sachche hoon, yani dawa mohabat ka aur dawlat app ke der per! app ki fermayish app ki khush fehmi peh hi ebarat ki ja sakti he!
basid e shook, app ko appni baat kehne ka poora haq he keh yahan keb hukm e zuban bandi he. Arz to sirf ittni he keh jisse app dowlat ke hasool ka muharik keh rahe hoon kaheen woh mohabbat ka haq adda kerne ki koyee kahish aur kawish to nahi.
Chaliye pal bhar keliye app ki baat ko sach manne lainte hein keh insaan ke muherikaat to hamaisha se hi mashkook rahe hein mager phir baqi ki tamaam makhlokaat ke bare mein kia fermayein ge keh kahan ghalti hovi keh woh bhi appni oalaad ki khatir khast kaat rahe hein. Khaliq ne mohabbat yoon tamaam jandaroon ki ghuthi mein daal di he keh inkaar mumkin nahi. Afqaar o amaal appne bunadi muherikaat ki bunaid peh hi parhke ja sakte he, so kuch darustagi iss ki bhi 'yeh app ke inkaar mein zinda aor app k amal mein payenda he' keh niyat app sirf appi pehchaan sakte hein!