 Daad o Tehseen | |
Surr jab kisi mahir ki Ungliyoon tak pohachtey hein tu Sangeet ka roop ikhtiyaar kar jatey hein ....aur lafz jab kisi Sachey Aadmi k haath lagtey hein tu wo bolney lagtey hein...aur ayesi zindagi patey hein jin per na khizaan key zard pattey girtey hein na barishein baha kar ley jati hein....
Allah Rab e Kareem ney Funoon e lateefah mein tehreer ko Sehar ata kiya hey...Maseehayi di hey..aur jo log likhtey hein ...Lamhoon mein palkon key neechey Bastiyaan bicha detey hein....Rang bikheir deetey hein....aur Ujaley phela deetey hein......Yeh Darasal khwaab ki dunya hey jis key dar kholney wala Shair aur Adeeb huta hey...Hamein kitabein pasand hein key yeh dunya ki sair karwati hein.... Registano mein ley jati hein...Baraf Poosh paharon ki Chotiyoon ko nazdeek ley aati hein....Ubaltey samandaron ko qadmon key neechey bicha deeti hein....
Wo log zaheen hutey hein jo zindagi mein lafzoon ko jama kartye hein ..... is mein khasara nahi hey....yeh is goshwarey mein shamil hutey hein jo dhoop cha'on aur mosamon key hisaab se door rehtey hein....
Yeh bhi un mutabar likhariyon ki tehreerein...afsaney ...khud kalamiyaan nazar se guzrein tu dobara parh kar bhi un ki daad mein kuch likhney ko jee caha... Un ki tehreeron mein Kirdar-e-zindagi k sard o garam manazir deekhey....Unhein saans leetey,mohabbat,nafr at,dosti,dushmani kartey paya....
Bastiyaan insaanon key khun mein shamil huti hein...yeh dharkan key saath zinda rehti hein...agar din masroof hoon tu raat hutey hi apna qadam kheet khalyano mein rakhti hein....insaan ki zindagi ka sab se bara inaam Khwaab hain....ham raat ka intezaar isliye kartey hein k hamko khuwaab buhat dilkash dunya mein ley jatey hein....vesye hi jesey aik qalam kaar apni kahani ya shairi mein doob jata hey ..... aaj buhat arsey baad kuch umdahh tehreerein nazar se guzrein kuch nazmein kuch ghazlein... jinko parh kar Un likhney walon ki mehfil mein daad deeney aagaya hoon....
wassalam
~Wasi~
__________________ Ager Muhabbat Pe Bharosa Rahe Na Dunya Main To Koi Shakhs Muhabbat Ka Hosla Na Karay Suna Hay Us Ko Muhabbat Dua'in Daiti Hai Jo Dil Pe Chot To Khaye Magar Gila Na Kare |