Salaams:

I agree with Karb and Falak....and would compliment myself to Karb regarding the tear shedding process...(Aik namumkin sa fai'l hai)....

Aur...agar rona buzdili hai to shayed main duniya ka top class buzdil hoon...

Rone dhone ki bhi categories hain shayed...apni haalut-e-zaar per rona aaya waali baat hai...mugur in my case...yeh nahin hai....main shayed apni halut per kabhi itna mughmoom nahin huwa ke durya-e-ravi buha doon (kiya ravi durya hai ke neher... )...haan mugur..cartoon dekh ker khoob rota hoon...

Kabhi insaan azziyet ke duldul main dooba apni rooh ki gehraaiyon se derd ki tais mehsoos ker reha hota hai,....mugur phir...us murd-e-mujahid kee nusson main daurne wala khoon aik rawaaniy-e-toofaan bun jata hai...aur woh us naguraiz keechur se apne wajood ko azaad ker deta hai....us waqt beikhtiyaar aankh main aansoo aa jate hain....tushukur ke...shukr ke...yaqeen ke...aise kissi bhi shukhs ko dekh ker, aansoo tupuk jaate hain...us ki lugun aur mehnut ko dekh ker...

Waise...humare Nubee (S.A.W.S) bhi kabhi kabhi aansoo buha dete they....phir dosto...qabahut kaisi.....