Quote:
|
Originally Posted by F-A-L-A-K
"Insaan Apne NaAsuda Jazboun ki Takmeel K Liye Kisi Dosre Insaan ka Wajoud Talash Karta Hai aur Usi ko Mohabat Ka Naam day daita hai" |
walaikum assalam bhaii. aap ne jo tareef ki he us k pehle hisse se mein ittefaaq karon ga, yaanii insaan apne Na asuda jazbon ki takmeel k liye kisi dusre insaan ka wajood talash kerta he, yahan agarche na asuda jazbon se agar aap ki murad apni zaat ka kilaa he to ye woe baat he jo mein ne mazmoon mein kahi he, leykin jazbon ki takmeel agar mehz khahishon ki takmeel he to pir ye baat zara mukhtalif he, is leye k khahishein kabhi to us khila ki peyda kerda hotii hein jo her insaan apne saath le ker is duneya mein aata he, aor kabhi wo khahishein insaan k apne mahool se interect kerne se peyda hotii hein. Aap ki dusari baat k jazbon ki takmeel ko mohabbat kehna, is se mein shayad ittefaaq na ker sakon. jazbon ki takmeel ya is k leye jo lafz mein ne istemaal kia he yaanii 'zarurat' mohabbat k leye moharrik ka kaam dete hein, leykin ye zarurat mohabbat nahein hotii, yaanii ye zarurat aik moharrik to he leykin mohabbat is ka lazmi natija nahein. yahan is farq ko samne rakhne ki zarurat he.