 ~%...Zaaviye...%~ | |
@};- @};- @};-  @};- @};- @};-
~*...Zaaviye...*~
bey rabt aur adhoori baton ka bhi aik hussn hota hey....aik gehrayee hoti hey
aik thehraou hota hey....
Aik majzoob shakhs k labon sey jazb k aalam main ada honey waley
adhoorey bey tarteeb alfaz....magar bohat ba maeney ,wo aik hi shey ko
mukhtalif zaaviyon sey dekhta tha....uskey kahey hoye har agley lafz main shidat
aur manviyat barhti jati thi...bil aakhir aakhiri bat uski mukmal aur shdeed hoti thi...
(sehra main betha ungliyon sey rait par aankhain banatey aur mitatey hoye hoye....)
Aankhain....
gehri aankhain.....
gehri soch wali aankhaiN.....
gehri soch main gum sum aankhain....
gehri soch main gum sum *uski* aankhain....!!!
(aankhon sey aik aansoo ka qatra ungli ki poron pey ley k taktey hoye....)
Ik lamha...
dard ka ik lamha....
uss key dard ka ik lamha....
tanhayee main uss k dard ka ik lamha...
tanhayee main uss key dard ka ik *rayeegaaN* lamha...!!!
(aik jhulsey hoye pair k taney sey taik lagaye aasmaaN ko taktey hoye...)
baarish...
dheemi dheemi barish....
sehraoun pey dheemi dheemi baarish....
jaltye baltey sehroaun pey dheemi dheemi baarish....
*hijrr* k jaltey baltey sehraoun pey dheemi dheemi baarish....!!
(aik tooti choori ka tukra hatheli par rakh kar dekhtey hoye...)
mohabat....
sachi mohabat...
dil main sachi mohabat....
merey dil main sachi mohabat....
merey dil main *usski* sachi mohabat....!!
(Falak sey tootey aik taarey ko dekhtey hoye...)
judayee....
ummr bhar ki judayee....
uss sey ummr bhar ki judayee....
meri uss sey ummr bhar ki judayee.....
meri uss sey ummr bhar ki *bey sabab* judayee...!!
__________________
Kuch Aansoo Kuch KhushiyaaN Dey Kar Taal Gaya
Jeevan Ka Ik Aur Sunehra Saal Gaya ...!!
Meri Zaat Zarra E Bey NishaaN
Mera Ishq Naghma E Bey Nawa
Last edited by Kanwal; 01-06-2006 at 09:57 AM.
|