Thread: ~*~ Mere Jugnu Meri Khushyaan ~*~apnai dostoon kai naam :)
View Single Post
  #107  
Old 10-14-2005, 08:28 PM
Diya's Avatar
Diya Diya is offline
HG Administration
  
Join Date: Aug 2003
Location: dil mein
Posts: 18,042

Country:

Tutorials: 0

Thanks: 0
Thanked 1 Time in 1 Post
Nominated 0 Times in 0 Posts
TOTW/F/M Award(s): 0
Rep Power: 1393
Diya has a reputation beyond reputeDiya has a reputation beyond reputeDiya has a reputation beyond reputeDiya has a reputation beyond reputeDiya has a reputation beyond reputeDiya has a reputation beyond reputeDiya has a reputation beyond reputeDiya has a reputation beyond reputeDiya has a reputation beyond reputeDiya has a reputation beyond reputeDiya has a reputation beyond repute
Awards Showcase
Poet of the Month 
Total Awards: 1
Wink Re: ~*~ Mere Jugnu Meri Khushyaan ~*~apnai dostoon kai naam :)
permalink


salaam dostoo

chaliyai aaj aap ko apni aik aur dost sai milwati hoon aap in sab ko jantai hoongai aik bauhat hi khubsurat shaira hain ye magar us sai bhi khubsurat insaan hain...masoom si bhooli bhali si kuch shareer si bhi hain magar meri bauhat hi achi dost hain aur behan bhi...KANWAL SHAHAB ...g haan HG ki chand un dostoon mein sai hain jo mujhe janti hain pehchanti hain mujhe aaj tak kanwal sai kuch chupanai ki zaroorat nahi pari aur kanwal mujhe bina kuch kahai bhi jaan jaati hai jaisai kai isai pata ho mien kya mehsoos karti hoon...kanwal tum sai bas itna kahoongi kai shayad tum bhi nahi janti tum mere liyai kya ho i just love u and thanks for always being there sweety kabhi kabhi ye mujhe dant bhi daiti hain kabhi larti hai kabhi manati hai magar ye janti hai kai diya is kai bina adhori hai

~*~bheegi palkoon par khawab kai sai...~*~


"woh khoi si anjani si khud sai juda lagti hai shaam kai rangon mein dhal kar inhi ka hissa lagti hai..hain ankhoon mein kuch khawab haseen un mein uljhi is rehti hai hai palkoon par ek sitara us kai us mein hi doobi rehti hai"

mein nai aksar jab bhi apni is dost kai barai mein socha na janai kyon hamesha bheega huwa sama hi yaad aya..ek bheegi shaam kai sang kuch yadain kuch rang yaan bheegi palkoon par kuch khawaboon kai sai..na janai kyon mujhe yehi sama yaad ata hai jab bhi is ka tasuwur karti hoon ...nahi ye udas nahi hai nahi ye roti bhi nahi lekin phir bhi isai dekh kar mujhe hamesha bheega huwa mausam hi yaad ata hai...shayad isliyai kyon kai ye bhi is mausam jaisi hai..shafaaf ..masoom...haseen... jaisai barish akar fiza ko jal thal kar daiti hai jaisai sab kuch nikhar sa jata hai...har taraf aik khushi ki lehar si hoti hai waisi hai ye bheegai huwai mausam jaisi...jo apni batoon sai apni dosti sai sab kai diloon ka rang hi badal daiti hai

kya aap nai kabhi masoom ankhoon ko dekha hai..un mein machaltai khawab dekhain hain aisi ankhain jo shafaaf hoon aainai ki tarhaan....mein nai dekhi hain...apni is dost ki ankhain aisi hi hain woh..masoom si jin mein zindagi ko jeenai ki tamanna hai apna khawaboon ko panai ki khawaish hai...jin mein hausla hai har baat seh janai ka lekin jin mein aik hasaas larki ka dil bhi dharakta hai...meri ye dost aisi hi hai...har pal hansti muskurati rehti hai sab ko kehti hai khush raho kabhi kabhi to mujhe itni sakhti sai dant daiti hai kai mein sochti rehti hoon ye wohi nazuk si larki hai...haan nazuk si hi to hai...kanch jaisi kanch jaisai khawab hain in ka kabhi kabhi dil darta hai kahin toot na jain...lekin mein janti hoon himmat bhi is mein bauhat hai seh lai gi sab kisi sai kuch nahi kahai gi ...woh jo yun har baat par muskura daiti hai us ki ankhoon mein chupai dard sai mein wakif hoon...us ki bheegi palkon par usi kai khawab sitara ban kar chamaktai hain...

nahi mein mili nahi hoon kabhi is sai...isai mein nai sirf ehsaas sai jana hai..is ki batoon sai samjha hai is kai jazboon sai parkha hai...bauhat hi masoom si dost hai ye meri chahti hai duniya mein jo is kai apnai hain khush rahain...zara zara si baat par paraishaan ho jati hai samjhati rehti hoon isai kai chanda duniya hai hota hai ye bhi kyon ulajhti ho kyon sochti ho to kehti hai "diya kya sochoon par pehra hai " kai baar is sai kehti hoon udas mat huwa karo kehti hai nahi hoti udas yunhi lagta hai tumhein aur kabhi jo mein udas ho jaoon to bas meri shamat ajati hai yehi kehti rehti hai "udas achi nahi lagti tum khush raho " kitni pagli hai bhala koi har waqt kaisai khush reh sakta hai...lekin ye dost meri aisi hai jis nai mujhe khushi ka aik naya matlab samjhaya hai jis nia zindagi ko lamha lamha jeena sekhaya hai...yehi dua karti hoon kai is ki har dua kabool ho aur is ka har khawab pura ho ameen sum ameen

woh khoi si anjani si
khud mein hi doobi rehti hai
khud sai hi batain karti hai
kabhi khushyoon ki
kabhi dukhoon ki
woh yadain bunti rehti hai
hai laboon par hal pal
muskaan saji
ankhoon mein har pal
yadoon ki nami
woh palkoon par
khawaboon ko
sajai sajai phirti hai
apni apni si lagti hai"

khush raho bauhat tum

khush rahiyai aap sab baki ainda















__________________
Reply With Quote