Urdu Poetry/Shayari Forum - View Single Post - Interview with writer of the month

**Udas Sham** · #35 09-25-2005, 02:20 PM

Quote:

Originally Posted by Aas

Shukriya Shokh.....Ab to police records bhi khulain ge mere....hay....

Khair...aap ke kiye gaye sawalon ka jawaab dene ki koshish kerta hoon....ummeed hai ke aap log bohot mayoos hon ge...nahin....

1. Aap ka naam ?

Atif Munir......wuld Munir Ahmed......Wuld..... .hmmm....bhool gaya...(sorry dadu)

2. Tarikh-e-paidaish?

29th March 1978.....abhi chota sa to hoon...

3. Aap nay adbai safar ka ahgaz kab shoru kia?

Diary rukhne se aghaaz huwa, keh sekte hain....us main teacheron , doston aur cousnon ke khaase poal khole the,,,aur jee bhur ker buraaiyaan kee theen..(Matric main woh un ke haath lug gayi...hay... )...phir college main aise lerkon main ghul mil gaya jo ke adabi zaoq rukhne ke saath saath khaase zaheen aur shatir bhi the....phir waheen se likhne ka shoq paida huwa (likhne se muraad teacheron ko tung kerne ka aur principal ko terah terah ki shikayetain bhejne ka...woh bhi gumnaam addresses se)....

4. Kis baat say mutasir ho kar likhna shoru kia?

Qalam telwaar se taiz hai....yeh perha tha kabhi....magar apni khudki zindagi main mehsoos bhi huwa....jub kitabain perhne ke ba'd akul ghunton unheen simton main bhutukti rehti...aur zindagi jeene ke nut naye rung dikhane lugti....

Aur jub mere jaan'ne wale mujhe se zayadah mere khutoot ko passand kerne luge to mujhe bhi ehsaas huwa ke jee ...ethe te daal hi kaali he gi jee....

5. Kia aap apni pahli tehreer hamaray sathio kay sath share karain gay?

Jee jaise ke main keh chuka hoon....meri pehli tehreer aap se pehle mere ahbabon ke huthe churh chuki hai......sooli per churha diya mere juzbaat ko...hay...

6. Apki tehreer jis par aap nay writer of the month ka khitab jeeta wo kis jazbay kay tahat likhi ?

6 September ke hawale se soch reha tha....aur phir aisi tehreer ke liye sochne ki zarooret to derkaar nahin....yeh to humare khoon main hai....qurbani ka juzba...

7. HG par kin writers ko shok say parhtay hain?

HG per aane ki wejha bhi aik tehreer hi thi....Taen Taen fish fish....perh ker bura haal....office main gala phaar ker qehqahe maarne per bisti...

HG per bohot ache qalam daan hain.....jaise Shokh ....moon corona....with love....diya.....Sha gufta Saleem.... Aur phir sub se berh ker...Basit bhai khud.............. aur bhi kaafi hain....bhooolne per muaziret

8. Urdu adab may apka koi pasandia tehreer-kar?

Jee maine khud Urdu ki kitabain bohot kum perhi hain...laiken jo mujhe passand hain....1

Ibn-e-safi....un ka koi sani aaj tek nahin.....Shafeeq-ur-Rehman....Dept. Nazeer ahmed.....Ashfaq Ahmed..........Ahmed Nadeem Qasmi sahib...and many more.....

9. Likhnay kay alawa ap kay kia mashagil hain?

Mashaghil to bohot se hain....waqt ke saath saath budulte bhi rehte hain....aaj kel,,....LAN per challenges kerna...games i mean......aur nayi technologies aur applications per search waghaira....gane shane....u know...soch reha tha ke jogging bhi shurroo keroon...magar ab subah kaun kumbukht uthe...hay.....

10. HG par nai writers ko kia tajweez dain gay?

Main aur TAJWEEZ???

Main kiya meri auqaat kiya........Aap ke aage, meri bisaat kiya....!!

Allah Hafiz

3 mujhay nahi parhta kia maira nam likh