yh aik aisey insan ke liye..jisay khoney ka milal mujhey sari umer rahey ga...!!!

Aik unkahi si baat hai jo tum se kehni hai , pher shaid moqa miley na miley..
samey guzarta hi ja raha hai..nah waqt khud rukta hai nah humein ruknay deta hai.Main nay socha tha keh zindgi yoon hi bin kahey ki beta Doon gi, kiya faraq parta hai bata denay se aur na bataney se, kuankeh tumhari khamoshi tu meray har kahey hovay lafaz pe havi ho jaye gi..
Aab jab keh hamarey bichernay main sirf Do qadam ka fasla hai, sirf chand lamhoon ki muhlat mili hai tu main tumhein keh dena chahiti hoon.....
main nahin janti ke mujhey tum se muhabaat hai ya nahin kuan keh yh zindgi itni taiz taiz chaal rahi hai ke mera sara mal-o-matah har mor per girta ja raha hai..
main itna zaroor janti hoon ke agar raab se Dua mangtey waqt meri Duaoon main asar aa jaye tu yaqeenon tumhein mang loon..per kaisy mangoon..Zubaan saath nahin deti keh haqeeqat yeh hi hai ke tumhien shaid aab pher kabhi na dheek paoon, mil paoon...
Janti hoon ke aab hamara safar ikhtatam ko phonchaney wala hai...manzalein alag honey vali hain aur rastay bichernay valey hain .................... .....per pher bhi agar tum aik bar bhi apni khamosh Duaoon main mujhey mang lo tu mujhey yaqeen hai ke Raab zaroor hamarey iss Do pal key khushiyoon key safar ko sadiyoon per muheet karey ga!!!!inshallah

Khuda tumhien woh sab kuch day jis ki tumhein tamana hai
aur meri khowahish hai keh tum kabhi meri tamana karo..
Kabhi ......yah per..... ....Abhi..!!!
Khamoshi!!!!!!!..... .Zindgi ki !!

__________________
Silence.....of unspoken words
...............unfor gotten times...