Salams Sagar ji ... mashallah bohat hi khoob sahib... dard chuntay chuntay .. ye dard kab se dena shuru ker dia.. aap ne ye kaisay soch liya ke yunhi chalay jayen gay.. kahe'n nahi ja rahay... dunia mien kahen bhi ho'n aap HG per aa saktay hein .. to phir aisa bhi kya.. ke na aanay ka keh dala.. apnay pyaro'n ka hi socha hota... ho sakta hai ... koi aap ko dekh dekh jeeta ho.. ho sakta hai .. koi aap ki badolatt bikher ker simta ho... kuch to sochiye....aakhir hum bhi to hain jo ... Ji rahay hein kama kertay hein .. to phir.. ?? ////////

Dey ker judai kehtay ho abb ji ke bhi dikhao
Kabhi pyaro'n ko yun bhi aazmaya kertay hein??
Kisi ki zindagi ke waastay iss mohabbat mein sagar
Kuch waaday zaroori hein jo nibhaya kertay hein
Phir nikal partay hein hijr ki tapti dhoop mein hum
Phir tere ghum ke saye, ... saya kertay hein
wo humen chor gaya to hum per ye bhedd khula
kuch safeenay sar-e-sahil bhi doob jaya kertay hein

Sagar ji ... meri aap se kuch zayada rah-o-rasm to nahi rahi.. haan jitni bhi rahi .. chahat aur khaloos se bharpoor rahi.. aap ko jitna parha hai ... uss se barh ker suna hai... abb tak aisa na koi mila .. jisay aap se koi gila ho.. koi shikwa .. koi shikayat ho ... Mera kuch zayada maan to nahi aap per.. phir bhi kahay deta hon .. ke mat jaiye.. loat aayiye.... nahi to hum bhi yunhi jaltay rahen gay....

Itnay baray jahan mein jaye ga tu kahan
iss ik khayal ne mujhe marnay nahi diya
Ye hijr hai to iss ka faqt wasl hai ilaaj
Hum ne ye zakhm waqt ko bharnay nahi diya

so... ye zakhm abb waqt nahi .. aap hi bhar saktay hein... aap ke faislay ka intazar rahay ga... @};-

apni sabhi wafao'n aur duao'n ke saath
withlove @};-

__________________
Signature Removed - Image exceeds 650 px by 350 px