Ab ham mojuda dor mein no jawanon k aadabi raweyon ka jayeza lete hein.
In raweyon k numayan pehlu ye hein.

1- Hamare kheyal mein aaj k nojawan ne aadab ki buneyadi aasaas ko samne rakhte huwe apni tehzeeb k buneyadi aadabi izhaar ko tark nahein keya. Is ki baaz suraton mein waqt k mahashi, seyaasi aor scienci inqilaab k zeyr-e-asar kuch kaami waqeya huwe he, leykin baheseyate majmuhi us ne apni tehzeeb ko thaam rakha he.

2- Apne kheyalaat ka izhaar. Aaj ka nojawan apni zaat ka izhaar chahata he, wo ijtamahi soch ka hissa hone k saath saath infiraadi soch na sirf apnata he balke us ka izhar bhi kerta he. Is se pehle ham dekhta hein k is baat ko hi bura tasawer keya jata tha k baron ki mehfil mein chote apne raye ka izhar karein. Is terha ki aadabi bandish logon ki infiradi soch k raste mein rukawat thi.

3- Mulk k mahashi aor khas mazhabi pasmanzer mein nojawanon k andar jo jinsi frustration dabi huwe thi, wo media ki taraqi k bahiz numayan ho ker samne aaye he. Is ne mard aor aurat k meyl milaap k tariqkon per numayan aasar dala he. Is ka hal chunke hamare rawayati mazhabi tehzeeb aor kamzor maaheshat mein nazar nahein aata so dusari tehzebon mein is ka hal talash kerne ki koshish ki gaye he.

Is tabdeeli ko kulli tor per rad ker dena hamare kheyal mein darust nahein. Ye apne andar bohat se musbat aor manfi rujahnaat rakhti he. Hamein is tabdeeli ka jaheyza buneyadi ikhlaqi qawad ki roshni mein lena hoga. Hamein sirf un cheezon ko rad kerna he jo hamari tehzeeb k buneyadi aadabi izhaar k khilaaf hon.

Inam

__________________
Learner
................