Ham berre sagheer mein rehne wale logon ki tehzeeb ki asal buneyad Mazhab rahe he. Is khitte mein Islam ki aashaat se pehle sirf hindu mazhab yahan k ikhlaqi qawayed ki buneyad raha, aor pir is k baad islam ne in qawayad per apne asraat murattab keye. Mukhtalif mazahib ki mujudagi mein aik aesi tehzeeb ne janam leya jis mein aapas k male milaam utne bhetne k wo tareeqe zahir huwe jin ko ham ne aadab ka naam deya. Go k is k peche buneyadi moharrak mazhab hi raha he, leykin khitte k seyaasi aor mahashi halaat bhi us per aaser andaz huwe. Yaani is waqt hamari tehzeeb ki jo shakal samne aaye he wo aik taveel process k baad bane hi, is mein aadab k izhaar ki shakal waqt k saath saath tabdeel hoti rahe he. Leykin is ki kuch suratein jin ki buneyad buneyadi ikhlaaqi asoolon per thi, wo tabdeel nahein huwe. maslan baron se aehtaram k saath peysh aana...bachon se shafqat ka izhaar...mard aor aurat k meyl milaam ki aik khas shakal..waghera. Agar ghor kejeye to aadab ka yahi izhaar hamari tehzeeb ka sermaya hein. Aadab ki yahi wo surat he jis ko hamein samne rakhna he aor jis ki hifasat kerni he. Is surat k ilawa dusari aese suratein bhi hein jin ki buneyad buneyadi ikhlaaq per nahein balke jo mukhtalif seyaase tehzeebi aor mahashi asraat k tehat wajud pazeer huwien. In mein waqt k saath saath tabdeeli aati rahe he aor aati rahe gi. Maslan kissi dor mein merdon ka bahir nange ser nikalna yaani bagheyr topi ya pagri k nikalna aadab k khilaaf samga jata tha, leykin ab aesa nehin. Is terha ki tabdeeli ko roka nahein ja sakta, jo log is tabdeeli ka rasta rokne per israar kerte hein wo hawa ko mutti mein qeyd kerne ki koshish kerte hein.

__________________
Learner
................