 - *- Muhabbat ke jhotey rang -*- | |
Meri muhabbaten, meri aziyaten banti chali gain ,
Pata nahi kab, kesey ,….shayed is liye ke Merey mathey pe or hathon mein aziyat likhdi gai thi….Jabhi muhabbat ki talab or barhti gai ke qismat mein na thi,jitni muhabbat chaahi itni hee aziyat milti gai, merey andar koi muhabbaton ko pukarta raha ,,, mein sunti rahii ,, koi khuwahish ander sisakti rahi,,kurlati rahi,, mein khamoshi se sunti rahi,, kiya kehti , , , ,, ,, Qisamt mein nahi likhi gai , kesey paaon gi ,, muqaddar aziyat hey to,,, shiddat or barhti gai, jab jab muhabbat chahai ,,
Jidher kahen muhabbat ka raasta dekha ,, Qadm rakh diye,,bina sochey ,bina samjhey ,, man chahey khuwab aankhon mein sajaay
Khuwahson ka hath thamey , chal dii ….. ,,,magr phir thakey thakey qadmon se wapis lout aai ke ,,,ye wo raahein to nahi,,, jin pe chal ker ,kuch phool ya jugno tarey paaongi ,, rastey ki dhool or thakan zaror mili ,
jahan kaheen bhe muhabbat ka koi roshan sa, chouta sa jugno bhe dekha ….us ki janib dour parii, k us ko aanchal mein qaid kar lon, kahen jo andhera dekhon to is ki thori see roshni bhe mujhey bohat hogi, ( magar wo jugno ….. merey hath aatey he bujh jatey they ,, muhabbat ki jhoti roshni)
Kaheen jo muhabbat ka sagar dekhti to piyasi mitti ki tarha lapakti, ke sagar ki thori see lehron ko mutthi mein bhar lon , kaheen jo piyas ki shiddat se ja’n labo’n pe aaney lagi to Qatra Qatra hee sahi, kuch to muhabbat seyraab karey gi , tishna lab to na rahongi , (jahan ,,jidher bhe ,,muhabbat ka sagar samjh ke lapakti thi,, Qareeb ja ke dekhti to, saraab paati,, nazar ka dhoka……. Aisi muhabbaten…)
kabhi to muhabbat jantey hoy pholon sey jholi bahr laati,, phir dekhti to bheid khulta ke pattheron se daman bhar aai hon, ,thakan utar aati thi ke phool samjh ke bojh itna bojh utha laai ,,, magr ……. muhabbaton ki talab ney aziyaton se daman bhar dia ….!!!
Kahen jo dilnashen rangon se saji , muhabbat ki titli dekhti to us k pechey pechey bhagti ke us k khobsorat rangon ko apney hathon mein bharlon , kahen jo zindagi bey rang ,pheki lagi to in rangon mein apney liye khoshi dhond longi ,,,,
(titliyon ko chahat se hathon mein band karti, jab hath kholey to… murda titli , or us k kachey rang merey hathon mein hotey ….muhabbat k kachey rang , )
Muhabbat ki titliyon ki khuwahish mein ..muhabbat ke ta’Qub mein …… tanhaiyon k junglon mein ja nikli , pata bhe na chala , tanhaiyon ke kaaley andherey jungalon mein …. Jahan koi nannha sa jugno hey na timtimata taraa ke jis ki roshni mein khud apney liye koi raasta dhond sakon,
 |