/aoa


Everyone...

Pehlay jau Islam par topic thaa. jab wahan paunhcha tau pata chala bohat zayada agay barh gaya hai. Tau socha keh iss mein na hee tabsira kiya jaay tau behtar hai. Issi leay iss topic par shrue mein hee comment kar raha hoon.

AIK BAAT JAU MEHSOOS KEE WOH READABILITY KEE HAI. TEXT ESP. IN ROMAN CHAHAY KITNA ACHAA HAU LAIKIN AGAR BOHAT ZAYADA HAUGA AUR BOHAT BARAY BARAY PARAGRAPHS MEIN HAUGA... TAU UTNA HEE MUSHKIL HAUGA USS KA PARHNA.

Tau mairee koshish haugee keh to the point aur woh baat karoon jau maen iss silsilay mein eham sumajhta hoon.

Mairay nazdeek mardaun kee sab sey imp. baat unka present aur future hai. Religious aur social point of view sey bohat bataain hautee hain keh maard kau kiya hauna chaheay aur kiya hain abhee. Maen un topics kau avoid karoonga.

Yahan, US mein aik talk show aaata hai... Oprah kay naam sey... highest ratings hain uss kee pata naheen kitnay salaun sey esp. women mein bohat zayada popular hai. Tau uss ka aik show... I think abt 6 months ago... daikha jis mein kuch mothers baithee hoyee theen young boys kee. Aik mother haunay ki haisiyat sey (not as females), woh bohat concerned theen kah unkay baitaun kau girls ki tarhan banaya jaraha hai. Boys kau force kiya jaata hai keh woh girls ki activities mein hissa lain (aur girls boys ki activities mein!!!). Iss ka aik main problem co-education system hay.

Yeh show aik reflection hai mardaun ki halat par... shayed qiyamat qareeb hai issi waja sey maard aurat aur aurtain mardaun ka roop lay rehi hain... physically and emotionally. And that's a dillema!!!

Jis tarhan pechlay topic, aurat, mein kaha gaya keh maard responsible hain unki halat par, issi tarhan aaj ka maard bhee aik aurat par dependant hai. I mean we are born to live like that!

Ab humaray yahan tau koyee movement naheen chalaaee aurtaun nay, laikin west mein chalnay wali Feminist movement kay kafi door ras asaraat huay wahan ki society par jis ka kuch kuch effect Asian/Muslim society par bhee para (bcoz I am out of Pakistan for long time so I'll leave Pak. scenario to others).

Aik topic jis jau mujhey personally bohat annoying lagta hai woh gender equality ka hai. Aaj ki aurat demand kartee hai keh woh EQUAL hai mardaun kay laikin phir woh special treatment bhee chahtee hai... True, this is a thread on men not women!!! laikin iss situation ki waja sey mardaun par bhee farq para hai.

Mairay nazdeek mard sirif physical individual hee naheen balkay mardaangee bhee hai. Yani ussay leadership show karni chaheay, responsible hauna chaheay, apni family ki financial needs ka khayal rekhna chaheay. Ab yeh kaam barabari mein tau haunay sey raha; religioun bhee humaray roles different define karta hai. Tau jab baat barabaree ki aatee hai tau waheen problems shure hautee hain. Kyon keh maard taqaaza kartay hain keh sirif AUTHORITY mein barabaree naheen RESPONSIBILITIES mein bhee barabaree karo. Even with their best efforts... aurtain yeh naheen kar sakteen.

Aik maard ka rawaaayaa depend karta hai keh ussay aurat kaisa treat kartee hai. Sorry to open a can of worms...

Laikin kuch issi qism ka experience maira HG par bhee raha hai... an action of one gender on another...

Yahan par girls (or ppl with female IDs!) kafi kuch kartee hain... insensitive to rude comments bhee pass kartee hain aur unreasonable emoticons bhee. Aap unhain remind karaao... tau kaha jaata hai keh hum nay tau mazaak kiya (no sorry bcoz its considered personal insult... by those who feel easy to insult others!!!). Ab agar aap ghaltee sey uss par reply kardo aur khud kau defend karna chaho tau kaha jaata hai keh "aaj ka maard aurat ki respect naheen karta"... Isn't it HYPOCRISY?

???

Doosree taraf aisee female members bhee hain, jau kabhee yeh sentence kehtee nazar naheen ataeeen. Iss ka reason simple hay... unhain iss ki zarorat hee naheen. Kyon keh woh khud itni polite, soft aur caring type hain keh adami ka dil khud ba khud yehi chahta hai keh unkay samnay haarna hee sab sey bari jeet hai!!! Woh larkiyaan true form mein FAIR SEX hain aur adami bhee unhain dil sey respect karta hai.

Daunaun type ki larkiyaun ka tajarba hua HG par... laikin definitely kisi ka naam naheen laita.

Ab Pakistan kee baat hee naheen kar raha yahan... warna wahan par baaz mard bhee bohat buri buri harkatain kar rahay hain, qanoon madad naheen karta aurat kee, khud woh kuch kar naheen saktee (aik martaba aik post lagaee thee Islamic section mein... ta haal solution naheen mila).

Laikin phir un mardaun kay saath bura hautay huay bhee daikha... tau jau jaisa karta hai waisa bharta hai.

@};-

__________________
@};- Please update your Signature : Administrator HallaGulla