10-17-2004, 11:25 PM
|
 | aka Basit Habib | | | Join Date: Aug 2004 Location: London Age: 37
Posts: 38,843
Country:  Tutorials:
0 Thanks: 1,062
Thanked 530 Times in 282 Posts
Nominated 6 Times in 5 Posts TOTW/F/M Award(s): 0
Rep Power: 1000 | |
 Topic of the Week: ~**... Islam ...**~ | |
/aoa
Billa'mubalgha mujhay aur HallaGulla ko un tamaam sathiyoon pay fakhar hai jinhoon nay pichlay aik haftay mein mozo e behas mazmoon Aurat pay apnay khayalaat ko ilfaaz mein tarteeb diya aur un tamaam sathiyon ko jo sinf e nazuk ko samajhna chahtay thai ya uss kay baray mein jan'na chahtay thai un tuk apni baat pohanchaye aur un ko iss amal mein madam baham pohanchaye.. !!
Iss haftay aik naye mazmoon kay sath aik baar phir say hazir e khidmat hain.. iss haftay hum nay kuch aur mozoo nahi chuna.. balkay woh mozo zair e behas laa rahay hain jo hum aap ziada tar sab saathi shab o roz amli toor pay kartray hain.. kuch amli toor pay kuch lafziyoon ke sourat mein.. jee mein baat kar raha hoon Mazhab e Islam ke.. Islam iss haftay kay liyeah mozoo e behas chuna gaya hai... 1.gif ")1")
Behas ke hadood aur uss ka rukh mot'aiyaan karna bohat zaroori hai.. ta kay iss wasee tareen mozoo ko kissi aik hee nehaj pay daikha jaa sakay.. keh shaid yeah hum mein say kissi aik ke ist'aaat mein na hoo.. issi haftay irfan nay aik sawal kiya tha tableeghi jamat kay hawalay say kay aik jamat gai aik mohallay mein aur aik hindo ko islam ka paygham pohanchaya.. hindu ka jawab tha.. mujh mein aur musalmaan mein faraq kaya hai.. mein bhi sara din naap tool mein kami baishi karta hoon.. jhoot bhi bolta hoon.. maira paroosi bhi yeahi sab karta hai.. haan faraq agar kuch hai tu sirf yeah kay musalman goosht khata hai aur mein nahi.. !!
Aab sawal jo hum iss haftay kay liyeah rakh rahay hain Islam kay hawalay say. woh yeah keh agar aap ko kissi non-muslim ko islam kay baray mein batana hoo tu kaisay batayain gai aap.. zahir see baat hai.. aap ko yeah karnay kay liyeah mantaq ke zaroorat hoo gi.. shaid schience kay hawaloon ke bhi aur shaid aisee hee bohat see aur cheezoon ke bhi.. hum iss baar islam ko youn discuss kartay hain keh faraz kar lijiyeah aik HINDU hai humara sathi jo hum say sawal karay ga.. aik tu wohi jo upar likh diya hai.. aur shaid jab aap mazeed likhain uss ko samjhaanay kay liyeah tu woh kuch aur sawal bhi akray.. aisay hee kuch aur sawal jo uss saathi nay jo hmaray darmaayaan hai aur jo apna naam nai batana chahta mujh say kiyeah.. mein woh sawal jaisay mujh tuk pohanchay waisay aap sab sathiyoon tuk pohancha raha hoon.. iss umeed kay saath kay aap sathiyoon ke faham o farasat say shaid hum behtari ke taraf chal sakkain... !
Jo sawal mujh tuk pohanchay woh zail mein darj kar raha hoon..
Quote:
kuch din pehle aik sahab se baat ho rahi thii, unhon ne kaha ke aap hindu ho aur aap apni zindagi zaya ker rahe ho... khuda ke nazdeek aap ki koi importance nahiin hay islam hi sirf deen-e-wahid hay.... aur bhi bohat kuch kaha unhone batane ki mere khayal se zaroorat nahin hay aap bahter samjh sakty ho mera unse aik simple sa sawal tha.. woh yeh ke bhaii jab main paida ho raha tha to mujhse bilkul bhi nahiin poocha gaya tha ke main hindu muslim ya kissi aur ke gahr janam lena chahta hoon... aur jab tak maine shaoor hasil kya main zindagi ke 15 saal un logon main guzar chuka tha... even agar baad main mujhe he ahsas ho bhi jaye ke islam hi deen-e-wahid hay tab bhi due to practical problems it wont be possible for me to change my religion.... main religion change karke shayad apne liye to janat ka intizaam karlon, per un sab logon pe kya guzregi jinhon ne mujhe janam diya mujhe pala bara kya....
woh to khair jawab na de sake aap ko kya lagta hay hum jab khud yeh decide hi nahin karty ke humen kahan janam lena hay to phir humen kiyun ker saza di jayegiii ....!!!!
Jawab dete waqat aik cheez ka khayaal rakhiyega ke general terms main ho personalized na ho, kiyunke bohat se log aise hi to honge na jinhen kissi ne islam ke bare main sahi se guide hi na kya ho, jinhen yeh pata hi na ho what actually islam is, tou kya woh log bhi saza ke mustahkam tahrenge?
| Yeah sawal aisay hee mujh tuk pohanchi hai.. aur mein issi tarhaan aap sathiyoon tuk pohancha raha hoon.. iss umeed kay saath kay aap loug aqali dalayal kay saath iss ka jawab dai gain.. na kay jazbati naroon kay saath.. We are setting a trend here ... unique of its kind, and only together we can make difference in real lifes from this virtual worl.
Aap logoon ke tahreeroon ka shidaat say muntazir hoon.
Bohat Khush Rahiyeah
Aap ka Khair'khawah Dost
Basit |