 ~**... Aajnabi ...**~ | |
Woh jo shab kay andhay'roon mein.. Mujh say zia mangta tha.. Barhtee parchaiyoon say dar kay.. mujh mein panaah dhoondta tha.. Koi baat jo dil pay giraan guzri ho.. koi gham jo asaib ban raha hoo ... koi runj jo rooh mein ghullay ja raha hoo.. koi gul jo seenay mein murjha raha ho... koi baat hoti.. uss ke har rah mairi aur nikalti thi.. !!
Woh jab aa kay mujhay awaaz daita tha.. sab bhool kay mein uss kay liyeah.. sirf uss kay liyeah.. jisam o jaan ka har dar waa kiya karta tha.. so heeloon say bahanoon say ussay behla liya karta tha.. uss kay chahray pay uss ki khoyee muskaan saja diya karta tha.. uss ko hansta daikh kay muskura diya karta tha.. rung khushi kay dikha kay sab gham bula diya karta tha... !!
Phir youn howa aa'gahi kay azaab utray.. mairay seenay mein dard kay tofaan niklay.. beh gaya sab kuch mein tahee damaan hoo gaya.. gham he gham ke soghaat reh gai.. dainay ko ussay khushi ke koi baat na rahee mairay pass.. !!
Milla jo aaj tu kehnay laga mujh say.. "Oo Banjaray.. tu nay kaya gham ka saaz chair rakha hai.. jab bhi daikho ik he rung mein ranga phirta hai.. khushi ke baat karna seekh.. mujh say yeah runj o alam kay qissay sunnay nahi jaatay.. koi geet likha kar.. parhoon jisay tu laboon pay hansi utar aye.. sharam say mairay gaal tamak jayain.. mairi chahray pay qoos e qazah utar aye.. "
Mein Banjara, galiyon galiyoon phirnay walla awara... zara see baat na samajha.. ussay saya bana baitha.. jo mujh say chaoon laita tha.. jab mujh pay dhoop utree tu.. mujhee say bhag nikla hai.. mujhee ko keh raha hai yeah.. tumhain jeena nahi aata.. jeenay kay liyeah dhoop say bach'na parta hai.. chaoon tu bus ik zaroorat hai.. jo tum mein chaoon nahi baki.. gilla kis baat ka kartay hoo.. !!
Kis kadar ajnabi ban kay milla tha woh.. woh mujh say khushi mos'taar lainay walla mujhay kitni bay'bas muskurahat day gaya hai aaj.. !!
Suna hai uss naya ik jahaan mil gaya hai.. Mujh say behtar raaz'daan mil gaya hai.. Bun'aye uss pay naye jo geet.. jo uss kay tap'tay badan ko.. apnay lehjay ke naram chaoon dai.. Sung uss kay hansay uss ko hasaye.. Apni batoon say dil uss ka lubha'ye.. uss kay chahray ko mus'kurahat dai.. uss kee rooh kay taroon ko chairay.. uss kay khawboon ko rung bakhshay.. uss ko aisa jawan mill gaya hai.. !!
Woh ja chuka hai kab ka.. sama'atoon mein goonjtay lehjay hain baki.. kam'maigee ka sourj aab mairay sar pay chamakta hai.. mujh mein apnay saaye ke ab khooj nahi baki.. ban kay ajnabi mein sab say milta hoon.. kissi kay chahray ko muskrahat dainay ko.. ab hosla nahi baki.. Mein apni duniya mein khud say ajnabi ban kay milta hoon.. haan mein wohi shakhas hoon.. dil mein jis kay koi bhi tamana nahi baki.. !! |