 ~**... Aadha Chehra ...**~ | |
Daray daray say rehtay hain... chehra chupaye phirtay hain.. khud tarsi kay darya mein behtay hain.. kabhi khud parasti ke hawa mein urtay hain.. apnay za'am mein rehtay hain.. ghar say jab bhi nikaltay hain.. ik chehra chupa kay chaltay hain.. ik chahra saja kay phirtay hain.. woh jo chupa keh rakhtay hain.. woh jo dikhatay phirtay hain.. mukamal ik bhi nahi un mein.. hum khud apnay chahray ko hisoon mein baant daitay hain.. jo duniya daikhti hai hum mein.. woh adha chahra hota hai.. jissay hum chupaye rakhtay hain woh uss ko poora karta hai.. duniya mein jitni runjish hai.. aur jitnay gham kay parto hain.. jo insaan ko insaan say miltay hain.. woh uss adhay chehray ke paida hain.. jo hum chupa kay rakhtay hain.. !!
Woh adha chehra jo hum saja kay rakhtay hain.. kabhi socha hai tum nay kaya.. kitna tazaad hai uss ka uss adhay chehray say.. jo tum chuppa kay rakhtay ho... ? |